ankawa
منتدى الهجرة واللجوء => الهجرة و واللاجئين => الموضوع حرر بواسطة: برنسو في 21:43 22/08/2013
-
السلام عليكم .... اتمنى الكل بخير ويا ربي السفر القريب لكل المنتظرين
الفحص الطبي صار اكسباير قبل اكثر من شهرين,, واتصلت بموظف ابن البيطار بداية شهر السابع وكال انّو ملفي على جدول المواعيد وخلال ايام يتصلون بيك لتحديد الموعد, بس للاسف محد اتصل ابدا. وحاولت الاتصال بيهم مرارا وتكرارا بس بدون فايدة لانه ميجاوبون على الاتصالات.
//
اليوم تفاجئت بالفحص الطبي في الموقع صاير <<<< غائب (no show) >>>> !!!
يعتي صارت نسبة الاحباط لاعلى مستوياتهه :( :( :( :( :(
بحيث ما انتبهت على باقي الحقول ...
وبعد دقايق واني صافن على الموقع وجان انتبه انه التجييك الامني صاير مكتمل !!
يعني ما ادري افرح على الامنية لو احزن ع الفحص ??? ??? ??? ???
واول شي سويته دزيت رسالة للمنظمة ابلغتهه باللي صار وانه اني محد اتصل عليه.
لكن اللي كلش خايف منه اني عملية الفحص وايصال نتائج الفحص الى المنظمة تستغرق اقل شي شهررر من يوم الفحص وطبعا هاي الايام دنشوف اكثر من شهرين بعد الفحص وما مكتمل بالموقع. فيا ترى الامنية راح تصمد كل هاي المدة وتبقى محافظة على اكتمالهه لحد ما افحص وتوصلهم نتائج الفحص مالتي؟؟!!! ويا ترى شوووكت راح يحددولي موعد فحص؟؟
حسبنا الله ونعم الوكيل واالله ينتقم من اللي جان السبب .....
بصراحة اني ناوي بداية الاسبوع القادم اروح لابن البيطار واكلهم على وضع ملفي وما اروح من يمهم الا يسوولي الفحص لو يحددولي موعد قريب. شتكولون هذا الاجراء صحيح؟؟؟ لو عندكم مقترحات ثانية؟؟؟
تحياتي ...... برنسو
-
الله يساعدك اخويه برنسو هاي مثل حيه ودرج تصعد درج طويل والنوب تلاكيك حيه ترجعك الله يسهل امرك يارب
تحياتي
تسلم اخوية العزيز ... اي والله كلامك مضبوط, صدك حية ودرج.
اتمنالك الموفقية
تحياتي ... برنسو
-
برنسووو حبيبي الف مبروك اكتمال الامنية راح الكثير بقى القليل ان شاء الله روح لابن البطار وتوكل واتكلم وياهم حتى يبلغوك بالفحص وخلي توكلك بالله انت تعرف كلش زين اهم شيء الامنية الكشرة تكتمل الباقي سهل
تفحص وتخلص وتسافر وتصير سوالف بس شوية بعد اصبر
وان الله مع الصابرين
الف مبروك ولا تحزن ابد
تحياتي للغالي برنسووووو
اخوك
alialiali10099
-
السلام عليكم
شلونك اخي العزيز اول شي مبروك على الامنية وما اعرف شكلك على شغلة الفحص لان هذا ثالث موضوع اليوم بالمنتدى بس ان شاء الله يحددولك موعد فحص جديد ويخلص باقرب وقت .
تحياتي
-
برنسووو حبيبي الف مبروك اكتمال الامنية راح الكثير بقى القليل ان شاء الله روح لابن البيطار وتوكل واتكلم وياهم حتى يبلغوك بالفحص وخلي توكلك بالله انت تعرف كلش زين اهم شيء الامنية الكشرة تكتمل الباقي سهل
تفحص وتخلص وتسافر وتصير سوالف بس شوية بعد اصبر
وان الله مع الصابرين
الف مبروك ولا تحزن ابد
تحياتي للغالي برنسووووو
اخوك
alialiali10099
الله يبارك بيك علاوي الورد .... واكيد كلشي بيد رب العالمين واللي مكتوب لازم نشوفه... اشكرك جدا على كلامك ومرورك اللي كله امل.
اتمنالك الموفقية
تحياتي .... برنسو
-
السلام عليكم
شلونك اخي العزيز اول شي مبروك على الامنية وما اعرف شكلك على شغلة الفحص لان هذا ثالث موضوع اليوم بالمنتدى بس ان شاء الله يحددولك موعد فحص جديد ويخلص باقرب وقت .
تحياتي
وعليكم السلام... الف هلا بيك اخوية العزيز وربي يبارك بيك يا غالي, اتمنالك الموفقية وان شاء الله يحددولك موعد فحص قررررريب.
تحياتي .... برنسو
-
الله يساعدك اخويه العزيز وربنا ينتقم من ال اي او ام على هالقهر
اخويه روحلهم وبلكي الله يسوون الفحص ويوصون بتسريع اكتمال
ربنا يفرجها عليك وتبشرنه بكل خير يارب
الله يكون بعونه اعذرني
تحياتي
اختك ام شاهين
-
الأخ الفاضل
أعانكم الله على ماهمكم وعجل بسفركم ..... أن شاء الله
الجزء المهم جداً في الملف أصبح مكتمل .... وألف مبروك
عليكم الأسراع بمراسلة عمان يومياً .... لتأمين موعد جديد لأجراء الفحص الطبي
وفقتم للخير
-
الاخت ام شاهين والاخت اسراء الوردة
جزيل الشكر والتقدير على مروركما العطر وامانيّكما الصادقة , وأسأل الله لكما التوفيق والنجاح.
تحياتي ..... برنسو
-
السلام عليكم اخي الكريم
حسب كلام الاخوة الاعضاء وحسب كلام اصدقاء لي في هذه الايام وهذا الاسبوع حدثت حالات كثيرة مثل حالتك , وهذا اما تلاعب كبير من داخل المستشفى او خطأ اداري من الموظف المسؤول عن جداول الفحص في مستشفى ابن البيطار ولي صديق ذهب وسألهم عن الموضوع وقالوا له نعم اتصلنا بك وكان هاتفك مغلقا وهو يقول هاتفي ليس مغلق ابدا ومستعد اجيب ورقة اثبات من شركات الاتصالات انه محد متصل بيه من عدكم ابدا ابدا ابدا , لان هذا موضوع كبير وخطير جدا وانا رأيي الخاص انه تلاعب وليس خطأ اداريا لان الحالة تكررت مع الكثيرين والخطأ لايتكرر هكذا , انصحك اخي بالذهاب اليهم في اسرع وقت واذهب يوم الاحد القادم الى مستشفى ابن البيطار ومستشفى بغداد واسأل عن الموضوع ولاتتهاون ابدا معهم واخذ حقك منهم وطلعه من حلك السبع لان هذولة ناس متخاف الله ابد , وخصوصا مستشفى ابن البيطار من توصل الاسماء يمهم من المنظمة تصير عشاير وكلمن اله ??? واسماء تتقدم على اسماء واسمار تتأخر على اسماء وتصير بكيفهم , اني هاي نصيحتي اللك ولك القرار الاخير .
أخوك جار الانتظار
-
الله يسهللنا
-
حبيبي برنسو ...ألله يساعدك والله وحقك انو متعرف تفرح للامنية لو تحزن للفحص واني صايرة وياية بالفحص الثالث خابرتني من عمان تكلي ليش متجي للفحص وصايرة عصبية وتكلي راح نحددلك واحد لاخ ولتغيب عنة ....بعد ما فهمتهة انو محد متصل بية ابو بعائلتي لان اني منطيهم 5 ارقام ومع ذلك همة مخربطين وممخابرين ولا رقم كالت راح نحددلك واحد لاخ....
الاهم من هذا كلة الامنية....امنيتك ما دام كملت فانت بالسليم وداعدتك اهم شي الامنية فافرح وان شاء الله الفحص يكون قريب وتبشرنة بسفرك يا اغلى برنسو
تحياتي لحضرتك وجمعة مباركة وانسة واتونس بالويك اند حب
افاتار
-
الله يكون بالعون برنسو
هذه مو ع البال سالفة الغياب
ان شاء الله خير وتنحل سالفتك وتسافر ...
-
اني منك هسة موكف ابوالسايبا وعدل وكبل لابن البيطار يمعود شبعنة فحوصات 4 فحوصات اللة وكيلك دفرة بلiom
-
السلام عليكم
تقديم 2009
اني اتصلت بالمستشفى ابن البيطار قبل شهرين رد علي الموظف وكتله اني عندي الفحص فعال كالي انطيني IZ انطيتهيا كالي هذا اسمك كتله نعم كال اسمك موجود بس انتظر احنه نتصل بيك وراهه ظليت اتصل ميجاوبون . هسه حالته الفحص غائب
ملاحظه اني كنت متوقع اتصال لتجديد الفحص الطبي فكنت اراقب الهاتف طول الوقت ولن يكون الهاتف مغلق نهائيا
الامنيه كانت مكتمله قبل 15 يوم اصبحت انتضار .
هذا حاله مو طبيعيه ومقصوده .
اني كتبت اميل ورسلته الى المنظمه .
اخوان بماذا تنصحون ؟
تحياتي
-
يالله
السلام عليكم
حبيبي برنسو الي اريد اكوله الحمد لله صار تحريك بملفك ,التفاصيل اني معندي خبرة انت تعرف :-[ :-[
بس انت تستاهل كل الخير ماشاء الله عليك صبرت هواية و مشفتك فديوم تعاتب و ملفك اتاخرت هواية ان شاء الله ايصير خير و الله يعوضك كل هالتاخير
تحياتي الك حبي
كازه
-
اني عبالي بس اني دامر بهيج موقف طلعوا هواية مثلي :'(
اخوية حالتنا مثل حالتك تقريبا بس الفرق انه الفحص ان بروسس
الفحص صارله 6 شهور اكسباير والامنية صارلها شهرين ونص من اكتملت وكلما ندز ايميلات للمنظمة او نحاول نتصل بيهم هاي اذا حصلناهم بس الجماعة مطنشين ولايمهم السالفة .. حطينا عينا بعين الله وما اكول غير حسبي الله ونعم الوكيل :-\
-
السلام عليكم اخي الكريم
حسب كلام الاخوة الاعضاء وحسب كلام اصدقاء لي في هذه الايام وهذا الاسبوع حدثت حالات كثيرة مثل حالتك , وهذا اما تلاعب كبير من داخل المستشفى او خطأ اداري من الموظف المسؤول عن جداول الفحص في مستشفى ابن البيطار ولي صديق ذهب وسألهم عن الموضوع وقالوا له نعم اتصلنا بك وكان هاتفك مغلقا وهو يقول هاتفي ليس مغلق ابدا ومستعد اجيب ورقة اثبات من شركات الاتصالات انه محد متصل بيه من عدكم ابدا ابدا ابدا , لان هذا موضوع كبير وخطير جدا وانا رأيي الخاص انه تلاعب وليس خطأ اداريا لان الحالة تكررت مع الكثيرين والخطأ لايتكرر هكذا , انصحك اخي بالذهاب اليهم في اسرع وقت واذهب يوم الاحد القادم الى مستشفى ابن البيطار ومستشفى بغداد واسأل عن الموضوع ولاتتهاون ابدا معهم واخذ حقك منهم وطلعه من حلك السبع لان هذولة ناس متخاف الله ابد , وخصوصا مستشفى ابن البيطار من توصل الاسماء يمهم من المنظمة تصير عشاير وكلمن اله ??? واسماء تتقدم على اسماء واسمار تتأخر على اسماء وتصير بكيفهم , اني هاي نصيحتي اللك ولك القرار الاخير .
أخوك جار الانتظار
تحية وتقدير لحضرتك اخوية العزيز ... وكلامك صحيح جدااا ... وان شاء الله راح اروحلهم لمستشفى ابن البيطار وعلى كولتك اخذ حقي من عيونهم.
شكرا الك وربي يوفقك ويكتبلك السفر القريب.
تحياتي .... برنسو
-
الله يسهللنا
آميييييييييييين
-
حبيبي برنسو ...ألله يساعدك والله وحقك انو متعرف تفرح للامنية لو تحزن للفحص واني صايرة وياية بالفحص الثالث خابرتني من عمان تكلي ليش متجي للفحص وصايرة عصبية وتكلي راح نحددلك واحد لاخ ولتغيب عنة ....بعد ما فهمتهة انو محد متصل بية ابو بعائلتي لان اني منطيهم 5 ارقام ومع ذلك همة مخربطين وممخابرين ولا رقم كالت راح نحددلك واحد لاخ....
الاهم من هذا كلة الامنية....امنيتك ما دام كملت فانت بالسليم وداعدتك اهم شي الامنية فافرح وان شاء الله الفحص يكون قريب وتبشرنة بسفرك يا اغلى برنسو
تحياتي لحضرتك وجمعة مباركة وانسة واتونس بالويك اند حب
افاتار
حياك الله اخوية العزيز واشكرك على كلماتك الحلوة اللي كلهه تفاؤل ... ومثل متفضلت حضرتك الاهم انه التجييك الامني خلص والباقي يهون ان شاء الله.
اتمنالك الموفقية ويا ربي نسمع اخبارك الحلووووة يا ورد
تحياتي ..... برنسو
-
الله يكون بالعون برنسو
هذه مو ع البال سالفة الغياب
ان شاء الله خير وتنحل سالفتك وتسافر ...
تسلمين بروءة الورداية .... هو اشو الملف مالتي كله عرقلات , خلصت من سالفة اعادة البصمات اشو طلعتلي سالفة الغياب!
اني كلهه مو مهمة عندي بس لا يحددولي موعد سفر وبعدين يتأجل بالمطار .. عاااااااااااا غير افجر نفسي بنصهم هههههههههه
اتمنالج الموفقيةو السفر القرررريب
تحياتي ...... برنسو
-
اني منك هسة موكف ابوالسايبا وعدل وكبل لابن البيطار يمعود شبعنة فحوصات 4 فحوصات اللة وكيلك دفرة بلiom
حيييييييييييل هاي بعدك هناااااااااااا؟؟؟؟؟ عبالي هسة انت باميركا ع البلاج
وتغني ( البيناتنه صاااار .. سر من اغلى الاسرار .. وانت تكوله للنااااس .. مو آني خطيييية ) ;D ;D ;D ;D
حبي ان شاء الله راح اروحلهم باقرب وقت واشوف شنو الموضوع.
اتمنالك الموفقية حبي ويا ربي تبشربنه بسفررررررك قريباااااااااا
تحياتي .... برنسو
-
السلام عليكم
تقديم 2009
اني اتصلت بالمستشفى ابن البيطار قبل شهرين رد علي الموظف وكتله اني عندي الفحص فعال كالي انطيني IZ انطيتهيا كالي هذا اسمك كتله نعم كال اسمك موجود بس انتظر احنه نتصل بيك وراهه ظليت اتصل ميجاوبون . هسه حالته الفحص غائب
ملاحظه اني كنت متوقع اتصال لتجديد الفحص الطبي فكنت اراقب الهاتف طول الوقت ولن يكون الهاتف مغلق نهائيا
الامنيه كانت مكتمله قبل 15 يوم اصبحت انتضار .
هذا حاله مو طبيعيه ومقصوده .
اني كتبت اميل ورسلته الى المنظمه .
اخوان بماذا تنصحون ؟
تحياتي
الله يكون بعونّه ... يعني هواية تكررت هاي السالفة .. الله ينتقم من المسؤول عن هذا الامر.
اخوية العزيز روح لابن البيطار مثل ما اني راح اسوي ونشوف هناك شنو عذرهم ونحاول بكل الطرق انه يحددولنه موعد قريب.
اتمنالك الموفقية
تحياتي .... برنسو
-
يالله
السلام عليكم
حبيبي برنسو الي اريد اكوله الحمد لله صار تحريك بملفك ,التفاصيل اني معندي خبرة انت تعرف :-[ :-[
بس انت تستاهل كل الخير ماشاء الله عليك صبرت هواية و مشفتك فديوم تعاتب و ملفك اتاخرت هواية ان شاء الله ايصير خير و الله يعوضك كل هالتاخير
تحياتي الك حبي
كازه
حبيب قلبي گازة الورررررررررد .... عاش من شااافك والله مشتاقلك جداااا
تسلم على كلامك وصدكني ميفيد لا العتب ولا اقهر نفسي. لانه الامر بيد رب العالمين شمكتوبلنه نشوووف. ما النه غير الانتظار والترقب وشوكت ما نسافر نكول الحمد لله.
وعلى كولتك اهم شي صار تحرك بالملف واكتملت الامنية والباقي كله يهووووون.
اشكرك يا غالي على المرور واتمنالك الموفقية
تحياتي .... برنسو
-
اني عبالي بس اني دامر بهيج موقف طلعوا هواية مثلي :'(
اخوية حالتنا مثل حالتك تقريبا بس الفرق انه الفحص ان بروسس
الفحص صارله 6 شهور اكسباير والامنية صارلها شهرين ونص من اكتملت وكلما ندز ايميلات للمنظمة او نحاول نتصل بيهم هاي اذا حصلناهم بس الجماعة مطنشين ولايمهم السالفة .. حطينا عينا بعين الله وما اكول غير حسبي الله ونعم الوكيل :-\
الله يكون بعونج اختي العزيزة ... والله الوضع دمار يعني الواحد ينتظر الامنية تخلص حتى يسافر انوب تطلع سالفة الفحص!!
ويجوز بسبب التأخير بالفحص ترجع الامنية انتظار وهكذا نبقى ندور بحلقة مفرغة. الله ينتقم منهم
اتمنالج الموفقية ويارب يحدولكم موعد فحص قرريبا
تحياتي ..... برنسو
-
خيي برنسو الله ميكطع حشا لله
ان شاء الله تفرج عنك باقرب وقت اميننننننن
-
اخوية العزيز اني هم مثلك الفحص جان فعال ومنتظر منهم موعد وبعدين جيكت الموقع لكيت الامنية مكتملة والملف فعال وثاني يوم رجع الملف انتظار والفحص صار غائب والامنية بقت مكتملة
دزيتلهم ايميل واجاني الاوتو ربلاي وبعد منتظر شراح يسوون للعلم اني يمكن مرتين او 3 قبل هالتديث اراسلهم علمود الفحص ويكولون احنا نبلغك
بعد ما اعرف الله يفرجها انشالله
-
خيي برنسو الله ميكطع حشا لله
ان شاء الله تفرج عنك باقرب وقت اميننننننن
ونعم بالله ختي العزيزة ام حمودي...
تسلمين وردة واتمنالج الموفقية والنجاح
تحياتي .... برنسو
-
اخوية العزيز اني هم مثلك الفحص جان فعال ومنتظر منهم موعد وبعدين جيكت الموقع لكيت الامنية مكتملة والملف فعال وثاني يوم رجع الملف انتظار والفحص صار غائب والامنية بقت مكتملة
دزيتلهم ايميل واجاني الاوتو ربلاي وبعد منتظر شراح يسوون للعلم اني يمكن مرتين او 3 قبل هالتديث اراسلهم علمود الفحص ويكولون احنا نبلغك
بعد ما اعرف الله يفرجها انشالله
اهلا بيك اخوية العزيز .... اني هم دا انتظر الرد مالت المنظمة ونشوف شراح يصير... اذا حضرتك من بغداد حاول تروح لابن البيطار وشوف بلكت تكدر تحصل نتيجة مباشرة من الموظفين اللي همه مسؤولين على المواعيد.
اتمناالك الموفقية وان شاء الله يحددولك موعد فحص قريب
تحياتي ..... برنسو
-
هاية تصير أكثر من مرة عزيزي برنسو
بس لا تجازف تروح للمستشفى اذا ما متبلغ بفحص طبي
لأن ما يفحصوك اذا اسمك ما موجود ...
تحياتي
-
هاية تصير أكثر من مرة عزيزي برنسو
بس لا تجازف تروح للمستشفى اذا ما متبلغ بفحص طبي
لأن ما يفحصوك اذا اسمك ما موجود ...
تحياتي
اشكرك عزيزي THE DIPLOMAT
اي صايرة هواية هاي السالفة وبرأيي هذا تقصير من موظفي ابن البيطار لان هيجي امر مهم المفروض ما يكتفون بأتصال واحد وما حصل الشخص المطلوب ويعتبره غائب. المفروض يعيدون الاتصال باوقات ثانية ويدزون مسج وحتى اذا رسلوا ايميل يكون افضل. بس همه اصلا بعض الحالات يغيبوهم بدون اي اتصال.
وبالنسبة للفحص اكيد اذا اسمك ما موجود ما يفحصون لكن بهيج حالات لازم تروح وتفتهم شنو القصة واذا ما قدروا وضعك وما فحصوا فعلى الاقل تحاول انه تخليهم يحددولك موعد قريب.
تحياتي .... برنسو
-
اخويه ممكن رقم مستشفى ابن البيطار
لان اني اخويه استلم موافقة المحلف من شهرين تقريبا و لحد الان الفحص الطبي بالانتظار و ولا مره مسوي فحص اصلا ف ما اعرف شنو القصه ف اذا ممكن رقم ابن البيطار حتى نفتهم منهم
-
اخويه ممكن رقم مستشفى ابن البيطار
لان اني اخويه استلم موافقة المحلف من شهرين تقريبا و لحد الان الفحص الطبي بالانتظار و ولا مره مسوي فحص اصلا ف ما اعرف شنو القصه ف اذا ممكن رقم ابن البيطار حتى نفتهم منهم
اهلا بيك اخوية العزيز... وان شاء الله يحددون لاخوك موعد فحص قريبا.
هذا الموضوع يحتوي على ارقام موظفي ابن البيطار... حاول وياهم بلكت يردون عليك.
http://www.ankawa.com/forum/index.php/topic,689806.0.html
تحياتي ... برنسو