ankawa
منتدى الهجرة واللجوء => الهجرة و واللاجئين => الموضوع حرر بواسطة: laith_albander2 في 14:21 25/08/2013
-
انا كان عندي ملف في منظمة iom و عملت مقابلة اولية و مقابلة محلفين و فحص طبي مرتين و اتصلوا بي و حددولي موعد سفر في 22/3/2013 فطلبت التأجيل بسبب مشكلة عائلية حول احد العقارات و ابلغت المتصل اني احتاج الى وقت اطول من الاسبوعين الي كانت تفصلني عن موعط السفر و بعد عشر ايام اتصلوا مرة اخرى و حددولي موعد سفر في 7/4/2013 و كذلك طلبت فترة اطول لعدم تمكني من السفر و لنفس السبب حيث اني احتاج وقت اطول لبيع العقار
اخبرني الموضف المتصل بانه سيتم غلق الملف و في حالة رغبتي بأعادة فتحه يجب ارسال ايميل يتضمن السبب و سوف يعرض على لجنة مختصة للنظر به
اليوم ارسلت بريد الكتروني لهم و وضحت فيه اني كنت اعاني مشكلة عائليه و ضغط نفسي منعني من السفر بالموعد الذي تم تحديده كون هذه المشكلة كانت تخص والدتي لرغبتها بالحفاظ على العقار على عكس احد اخوتي الذي كان يرغب ببيعه لحاجته الماسة للمال و بالتالي لم يكن من الممكن التخلي عن والدتي كونها كانت تعاني ضغط نفسي كبير و كان يتوجب علي الوقوف الى جانبها الى ان حلت هذه المشكلة بشراء حصة اخي الذي كان يريد بيع العقار بشراء حصته من قبل اخوتي الذين يسكنون دول هولندا و استراليا و نيوزلاندا
و بعد حل المشكلة الان ارغب باعادة فتح الملف و قد ارسلت لهم سند ملكية قديم و سند ملكية جديد يبين ان معاملة بيع و شراء تمت على هذا العقار في تلك الفتره كدليل للحالة التي شرحتها
نصحني احد الاصدقاء للدخول في هذا المنتدى و طرح حالتي هذه على الموجودين و التوجه اليكم بالسؤال حيث اني محتار جدا حول ما سيحصل
هل سيتم فتح الملف ام لا ؟ هل توجد حالات مشابهه ام لا ؟ ما هو الحل ؟ هل فقدت الفرصة التي كنت انتظرها بفارغ الصبر بسبب سوء الحظ ؟
ارجو اجابتي و اسف للاطالة يا اخوتي الاعزاء
-
ليش محتار اخويه اطلب منهم تاجيل مره اخرا
لحين ماترتاح نفسيا
هو اكو واحد يمسك عصفور بيده ويفكه
ليش هو ماكو اتصالات بمريكا وماكو سفاره بمريكا دنحل مشاكلنه
بس والله ماعرف ماذا انصحك
انت قضيتك مثل يذبحون نفسهم لما يطلعون واخره من يطلعون تصبح امريكا كخه وشون عيشه اهنا وجنه بالاردن احسن
وانريد احد رجع ماكو
-
يشماته ابله تازةةةةة اخوتك هولند نيوزلندا استراليا كاعد بالعراق دايخ شون تطلع اريد اعرف هيا خوه لو بس بالاسم اخوتك ::) ::)
-
الله يكون بعون
اذا امك راضية عليك تسهل امورك اكيد واذا لا انسى
ماطول انت جنت بجانب الحجية الله يسهلها عليك ان شاء ربي ذلك
-
اخواني الاعزاء القضية صارت و اني بلغتهم بعدم استطاعتي السفر بالوقت المحدد من قبلهم و ضيعت الفرصة مرتين لان نطوني موعدين و مع الاسف كانت الموعدين متقاربة جدا و لم اتمكن من السفر
اليوم ارسلت لهم ايميل و اطلب منهم اعادة فتح الملف مره اخرى لان المشكلة انتهت
سؤالي هو : هل مرت عليكم حالات مماثلة و حسب خبرتكم في تتبع امور اللجوء و اللاجئين هل تعتقدون انه من الممكن اعادة فتح ملفي بهكذا حالة ؟
-
اخويه العزيز بغض النظر عن طبيعه الظروف التي مريت بيها وبارك الله بيك لانه سندت الوالدة الله يحفظها ويحفظ امهاتنا جميعا
حبيبي انت تستيطع تفتح الكيس مالتك
تكتب بالسبجكت ري اوبن ورقم الكيس \
تفتح وورد وتكتب استيتمنت وتوضح بيه الاسباب اللي دعتك الى عدم السفر معززة بالمستندات التي تدعم قضيتك توقع الستيتمنت ثم اسكنر وترسل
وانشالله بالتوفيق
-
الحمد لله و بعد انتظار ما يقارب ستة اشهر تم الاتصال بي و تم ابلاغي بانهم سيعاودون الاتصال لغرض تحديد موعد لاعادة الفحص الطبي كونه اصبح اكسباير و شكرا لجميع من شارك برد في موضوعي هذا
-
الموضوع بسيط جدا صدكني اني مرت عليه حالات تخرب ضحك لعدم السفر , مثل نفسيتي تعبانة ومااكدر اسافر هسة ومثل اجلولي السفر اريد اتزوج واجلولي السفر عندي شغل وواحد كال للمنظمة كفيلي بأوهايو واوهايو باردة كلش بالشتا واريد انتظر على الصيف حتى أسافر وهذا الحجي العام بالسنة الفاتت واجلولهم السفر كلهم وقسم منهم انغلقت ملفاتهم ورجعت المنظمة فتحتها رغم ان الاسباب غير منطقية أبد ولاتدل على وجود تهديد ابدا , وانت موضوعك بي شرح والحمد لله تم فتح الكيس مرة اخرى وبس تكمل فحص يسوولك مراجعة امنية وتسافر وماكو اي مشكلة .
تحياتي
أبو الحكم
-
ليش محتار اخويه اطلب منهم تاجيل مره اخرا
لحين ماترتاح نفسيا
هو اكو واحد يمسك عصفور بيده ويفكه
ليش هو ماكو اتصالات بمريكا وماكو سفاره بمريكا دنحل مشاكلنه
بس والله ماعرف ماذا انصحك
انت قضيتك مثل يذبحون نفسهم لما يطلعون واخره من يطلعون تصبح امريكا كخه وشون عيشه اهنا وجنه بالاردن احسن
وانريد احد رجع ماكو
100000000000000000000000%
-
الله يساعدك اخي
-
بيهة الخير ان شاء الله
-
انا اخوية نفس الحالة مالتك بعث رساله للمنظمةتبين انو زوجتة يوت عملية وقت السفر وصار اكثر من اسبوعين بعثلهم رسالة والى هسة ماكو شي.انت اي برنامجiomلوsiv?واكو احتمال ما ينفتح الملف؟
-
اني نفس الموضوع طلع لي السفر لي ب19 بالشهر 9 وكان عندي عملبة زرع اسنان وطلبت التاجيل لاكن ااطبيبة اللي بمركز الخالدي قالت ماتحتاج تاجيل السفر فقالوا لي موظفين iom ان اذا اتصلو بي مرة ثانية للسفر وماسافرت ينغلق ملفي ولو وافقت ااطبيبة وقالت اني احتاج تاجير السفر ومرة ثانية اتصلوا بي واجلت السفر ماينغلق الملف وتكون عندي فرصة ثالثة لاكن الطبيبة هي اصلا باطنية يعني مالها علاقة بالاسنان رفصت ان تعطيني تاجيل ومرة ثانية اتصاوا بي بتاريخ 10 بشهر 11 على موعد سفر ثاني بتاريخ 25 شهر 11 وطبعا اني كنت لسه ماكملت العلاج ورحت عليهم وكنت عندي تقارير واشعات تؤكد كلامي وقالت لي الموظفة ان راح يتم غلق ملفي بس اتصلت امامي بتلغون وسالتهم ان الغلق يتم من المنظمة اللي اهنا يعني اللي بعمان او من امريكا واقالوا لها ان من عمان طبعا كانوا يتكلوون انكلبزي وبعدين اخذت التقارير وصورتهم ورفقتهم بالملف وقالت لي من اخلص علاج واكون مستعد ارسل رسالة ومع التقارير واطلب منهم ان يفتحوا ملفي واني مستعدة للسفر وسالتها شكد يستغرق اعادة فتح الملف قالت تقريبا اسبوع اذا ماساقطة الامنية وطمنتني هاذا كل مافي الموصوع وان شاء الله اخ ليث تكون امورك تمام
وملاحظة للاخوة اللي يعلقون ويستهزوئون يعني اللي يكتب بموقع عين كاوة وخاصة بمنتدى الهجرة والاجئين اكيد يريد يستعين بالمنتدى واعضائه المحترمين مشكورين ومشكور المنتدى لانه وجد لمساعدتنا و حتى يجد حل لقضبة ما مو حتى يسمع استهزاء او كلام بيه نوع من القسوة لان كل واحد اكيد عنده ظروف تختلف عن الاخرين ومامتحتاج تلوموه وتقرعوه على تاجيل السفر
واكيد اكو منتديات اخرى تم بيها تبادل اللاراء والنقد والمزح