ankawa
منتدى الهجرة واللجوء => الهجرة و واللاجئين => الموضوع حرر بواسطة: مصطفى حنفش في 13:30 29/08/2013
-
السلام عليكم ورحمة الله وبركاته
منين ابدي مااعرف من اول مكملت الامنية يوم 1 بهذا الشهر الثامن ورجعت انتضار يوم 3 وكملت بعدها بيومين اتصلو بية المنضمة وحددو يوم السفر يوم 21/8 وحددو يوم التثقيفية والحباية يوم 19/8 اخذت الحباية وكملت التثقيفية ويوم 21 رحنة لساحة عباس بن فرناس والساعة خمسة والنصف العصر جاء موضف iom ,وصعدنة الجمسيات ووصلنا للمطار ودخلنا بعد التفتيش وكافة الاجراءات والساعة عشرة طارت الطيارة وصلنا الاردن واستلمت الجنطة المخصصة من المنضمة وانطونا تكتات طيارة نيويورك واخذونا لفندق وبقينا ليلة وكعدنا الصبح بعد الفطور الساعة 12 الضهر طير الطيارة لنيويورك والساعة بالعشرة اجة الموضف يسال عني كال انت اسمك فلان كتلة نعم اني سلم علينة وبعدها كال عندك مصحف كتلة ما عندي ليش كال لان احلفلك علمود انو شغلتك ما بيهة شي صعب بس ما راح تسافر وية الجماعة وحجزنالك بالفندق خمسة ايام لان هذه الشغلة دائما تصير ويانة وبهاي الحالة دخلو الفندق ولغو الحجز لان الترانزيت بالاردن بس يومين الجهات المختصة رفضت اكثر والح موضف iom بس همة ما قبلو كالو هذا قانون الترانزيت اتصل بمدير iom الي بالردن واجة المدير وكللهم اذا تريدون ضمانات احنة حاضرين بس لان هو خمس ايام ويسافر وحرام نتعبة ونرجعة لبغداد وراجع الجهات الامنية بالاردن واتصل بالسفارة بس الجهات الامنية بالاردن رفضو لان قانون الترانزيت بس 8ساعات بس لان نتعامل وية iomسوو يومين وكللولهم مشكلتة مو جبيرة وتحدث تشابه بالاسماء مو بالامنية وتخلص بايام قليلة بس بالاردن رفضو ومن رفضو حجة وياية المدير وكال لا تقلق هي ايام وتخلص ومن يجي الرد نحجزلك بالطيارة حتى كتلهم اني من ارجع لبغداد ارجع بيتي وغراضي بس كالو لا طبعا هي خمس ايام وبس وتنهي الشغلة ونحجزلك بالطيارة ورجعت لبغداد واني هسة بغداد رجعت يوم 23 ما عندي بس الجنط مال سفر سوالي لجاري الانتضار تفيدني الايميلات الي كتبتهة واطلب الاتصال بيك شخصيا هذا ولكم جزيل الشكر واسف على الاطالة واطلب منكم الدعاء مع العلم اني عندي عائلة زوجتي واربع اطفال كل من يستطيع المساعدة رجاء يقدمها لي واكون ممنون جدا
-
اللة يسهل امركم
-
الله بعونك اخويه ازمه وتعدي انشاء الله
اريد احجي على الحكومه الاردنيه واكول كلمه وحده اذا سمحتولي
خير العراق عليكم (سم) ونفط العراق الي انطاكميا الكلب يشعل كلوبكم شعل
مو كافي هذا الكلام حسبيا الله ونعم الوكيل
اخي صاحب الموضوع اامرني واني بخدمتك على الخاص
اخوك ابو الوليد
-
اخي سبيس هاي صار باكثر من موضوع اشوف ردودك هيج , على كيفك اخي هاي قوانين دولية من تروح لامريكا تعرف شنو القانون قانون وليس هناك خواطر او احد فوق القانون
وكلامي ليس معناه اني لست بمتعاطف مع الاخ صاحب الموضوع على العكس هذا موضوع يحصل كثيرا , وتشابه الاسماء يحصل كثيرا وهذا الشخص ان شاء الله يسافر لان الخلل مو من عنده هذا خلل بتشابه الاسماء ومن كله الموظف يطول خمسه ايام هذا اكبر دليل على انه التجييك الامني ميطول اكثر من ايام وبالزايد بالزايد اشهر قليلة على الاقل في تشابه الاسماء ولي موضوع مثبت في ارشيف المنتدى ذكرت فيه ان تشابه الاسماء ليس بمشكلة كبيرة لان هناك اسم رباعي واسم ام وعشر بصمات الكترونية وبصمة عين أيضا لهذا الشخص لذا خمسة أيام كافية جدا لتجييك هذه الامور وفصل اسمه عن الاسم المشابه له , اطمئن اخي الكريم هذه الحالات تحدث كثيرا وبالعراقي شنكول (( حظك هيج ااخي ومابيدك شي )) اصبر وان شاء الله الاسبوع الجاي يحددولك موعد جديد والايميلات اللي كاتبها اني تفيد لمثل حالتك جدا ارسل لهم واتصل على عمان واحجي حالتك وكلهم اني كاعد بالشارع وحتى سكن ماعندي وكوة كوة سكنت بفندق في بغداد واخاف يكلك ماكو اتصال من بغداد , لتنطي مجال ابد واضغط عليه ضغط شديد كله اني حالتي تختلف وهاي حالة طارئة جدا .
وان شاء الله اسبوع الجاي انت مسافر
أخوك جار الانتظار
-
اني اشكر كل واحد يتعاطف وياية بهالموضوع شكرا الكم واريد اسالك اخوية جاري الانتضار شلون اتصل بيهم بعمان على التليفون لو عالايميل اذا على الايميل اني بعثتلهم رسالتين وما حصل بس الجواب الالي واذا عالتليفون منين احصل على رقمهم اذا عندك رقم الهم ساعدني واكون ممنون
-
بسم الله الرحمن الرحيم
الاخ مصطفى اخي لايمكن ان يكون تشابه اسماء في خط الرحله فكيف اخذو موافقات دول العبور اخي هناك امر بلامنيه ورجع عندك وهذا امر مؤكد اخي ليس تشابه اسماء ارجو منك ان تراسل المنظمه وانتظر الرد وكتبلياه ورح نعرف السبب الاكيد وسوف يعطوك السبب واني بلخدمه وعذروني اخواني داسوق للبيت للاستعداد للضربه وجدا مشغول
-
0096265625419
0096265002645
هذه ارقام خاصة للمنظمة في بغداد اتصل عليهم لترى هل مازالت هذه الارقام فعالة ام لا
07702504525
07817945794
07904376906
07702503459
-
لا حول ولا قوة الا بلله ...انشالله يارب خمس ايام وتنحل شغلتك ...من طرت من بغداد للاردن عالملكيه ؟؟؟؟
زين شون سوو حجز وتكتات وطلع تشابه اسماء!!
الله يسهلك يارب ...
-
الاخ جار الانتضار
شنو الى خلاك تنزعج مني
ارجو ان تكون الاجابه واضحه
لاني لم اطلب منك ان تعلمني القوانيين
ابو الوليد
-
نسئل الله العلي القدير ان يمن عليك بالخير والسفر العاجل والله يكون بعونك
-
الله بعونك اخويه ازمه وتعدي انشاء الله
اريد احجي على الحكومه الاردنيه واكول كلمه وحده اذا سمحتولي
خير العراق عليكم (سم) ونفط العراق الي انطاكميا الكلب يشعل كلوبكم شعل
مو كافي هذا الكلام حسبيا الله ونعم الوكيل
اخي صاحب الموضوع اامرني واني بخدمتك على الخاص
اخوك ابو الوليد
والله كلامك صح
هذا الوكت الاغبر الي خله الاردن تتحكم بالعراقيين بفيزه اهل القمل
-
حبيبي ابو حسين
انت الصح والله
ميخرج منا كلام اذا مو من سبب او ضيم
ويوم الي يبشرنا اخونا مصطفى بسفره
بجاه كل اخوتنا الطيبين في منتدانا امين يا رب العالمين
اخوكم ابو الوليد
-
انشالله يكون اخونا مصطفى وصل امريكا
-
لاواللة وين بعدني بالعراق بس من رجعت للعراق تعرف رجع المالف من فعال الى انتضار والامنية رجعت انتضار والسفر رجع انتضار والحمد للة هسة كملت الامنية ورجع الملف فعال بس السفر انتضار وريد دعواكم واللة كريم
-
الله يسهلك اخي مصطفى وانشاءالله تسافر باسرع وقت
اخوك ابوالمصطفى
-
اخويه مصطفى الله يكون بعونك
وان شاء الله يسهل امورك
اخوك
حيدر الطائي
-
الله يسهلك يارب ..
طمنا عليك
يارب السفر العاجل
-
حبيبي مصطفى
يا ريت تبشرنا شنو الي صار وياك
ابو الوليد
-
اولا اني اشكرك ابو الوليد الي صار رجعت الامور زينة اكتملت الامنية ورة 7 ايام والملف هم رجع فعال بس لسوء الحض الفحص الطبي صار اكسباير ورجع فعال وهسة انتضر ابن البيطار صالي 10 ايام البارحة خابروني المنضمة كالو امورك كلهة كاملة والفحص الطبي نحاول انسرعة وما عندك اي خلل واللة كريم اسالكم الدعاء مع الشكر والتقدير
-
يا الله الحمد لله على كل شيء
واشاء الله تبشرنا بالمستجدات المفرحه
وبسفرك يارب
ابو الوليد
-
يارب تسافر هالشهر
الله يسهللكم امركم امين يارب العالمين