ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 16:06 31/08/2013
-
الحمد لله فرحتي مكتملت باكتمال الامنية والفحص الطبي لان رجعت الامنية انتضار البارحة بعد مضي 40 يوم علة اكتمالهة
طبعا اني جنت مخلص كلشي بس الحقراء مسوين فحصي الطبي انتضار لي 85 يوم من اكتمالة يلة سووا مكتمل بالموقع
بعد 5 سنين من 2008 ولحد الان وباتجاه السنة السادسة اود ان اوجه شكري وتقديري لاحقر منضمة عرفتهة البشرية الاي او ام
ماكو شي معدتة 5 فحوص ب 5 سنين و مقابلتين واعادة بصمات وحقارة مذلة....من البارحة لليوم شغلة وحدة ممسوي والله...شكرا اي او ام علة تضييع 5 سنين من عمري وكملوهة بالسادسة..حقراء ...منتهة السخافة والضحك علة الضقون علة شنو يعني الامنية صارت انتضار بالضبط؟؟؟
اكو شي بعدهم ممجيكي مثلا؟؟؟؟؟ اشو اللي قدموا وياية ديفكرون يرجعون للعراق لان ملوا من امريكا....باقيلهم سنتين يجنسون ....
شكرا على هل العدالة الاي او ام ..... فعلا اخذتوا المهددين ....فعلا اشتغلتوا بالاسبقية.....فعلا عدالة.....فعلا نظام يشك الكاع....فعلا بقيتوا تهديد لامنكم برة البلد....فعلا منضمة تستحق الشكر والتقدير...
لا وبعدين يتسالون ليش العالم تاجل سفرهة ....ولد الكلب هوة انتوا خليتوا العالم تفتهم شتسوي..
رقم ملفي 102 وابشركم ناوي ادخل حفيدي عالكيس....لان راح يدخلونة الجنة....وبما انو ديجيكون الامنية...خلي امنيتي تصير وية حفيدي وحدة
افاتار التطوة
-
الله يكون بعونك ويسهل امرك اخي افتار والله كل نظام بلعمل ماكو يشتغلون حسب المزاج اني والله العظيم سويت الفحص الطبي وره 25 يله تحول مكتمل تعرف شلون والله اتصلو بي واني هسه طالع من موعد اليوان داجدد الورقه مال حمايه بلطريق رن التلفون عليه كلي انته فلان كتله اي نعم كلي انته عندك فحص بعد اربع ايام كلي قربنا لبكره اني من دوختي كتله اني فحصت اليوم هوه اني فاحص قبل شهر بس من دوختي كتله فحصت اليوم اني قصدت عله ورقه اليو ان والله رجعت للبيت العصر تحول حاله الفحص من فعال الى مكتمل يعني لو مخابرني هذه جان الله وكيلك يجوز نتائج الفحص جانت مشموره بل مركز الصحي وميعرفون اني فاحص قبل شهر وهذه يخابرني يكلي قربنه موعد الفحص مالتك وقيس انته شهر طار يله صار مكتمل واكو ناس 3 اشهر وبعده ممتحول مكتمل هذي المنضمه عدهم الاشهر والسنيين زلاطه لان همه مستقرين ولا هامهم اي لاجئ الله كريم اخي نصبر وانشاء الله خير
-
والله حقك ميعرف الواحد شيكول خلصوا كل كلامنه
ربي يكون بعونك ويصبرك ويفرجها عليك بالقريب العاجل
اعتذر منك اخويه
اختك ام شاهين
-
نفس الحالة ونفس الطاس والحمام
كملنا الرباعية واحنة داخلين للخماسية هسه
الفرق انه امنيتي كانت مكتملة لـ70 يوم ورجعت انتظار قبل 3 أيام
بس الفحص الطبي اللي اعدته من زمان، يمكن أكثر من 40 يوم لسة غير مكتمل في الموقع
المنظمة أهملتنا طوال هذه الفترة الصعبة، عدم المجوابة على التلفون وعدم الرد على الاميلات لثلاثة اسابيع أو اكثر وكل مرة يجينا الجواب بكليشة مكررة
النفسية متحطمة تماما وما اعرف شاسوي بعد، يعني عشت 70 يوم من الانتظار والعذاب لما كان الامنية مكتملة وبعدين ما صار شيء في النهاية
-
اويلي على حالكم والله يعينكم ويصبركم اخوية
كلنا نفس الحالة المزرية وسنين من العمر تتحترك بالانتظار بس هم احمد ربك امنيتكم كملت يعني بينكم وبين السفر شهر لو شهرين ومن الله التوفيق
-
الله يعينك اخونا العزيز و يفرجها عليك و على كل المنتظرين...
-
حسبي الله ونعم الوكيل يعني صدك اي انسانيه ماكو شغلهم كله عشوائي ناس تبقى سنين وناس تسافر بأشهر
وطبعا الحال من بعضو.. احنه من العام كملنا كلشي واكتملت الامنيه ودخلنا دورة وخابرونا كالو استعدو للسفر بأقرب وقت وعيشونا بالامل وبعد كم يوم رجعت انتظار ورجعنا بنفس الدوامه
ومن نخابر ونستفسر يردون بكل برودة ملكينه حجز مناسب ورجعت الامنيه انسحبت >:( ???
وهاي صارلنا سنه بالظبط جماعتنا سافرو وحصلو كرين كارد واحنه بسبب اهمال عشنة سنه كامله من التعب والانتظار وبعد الله اعلم شكد نبقى ننتظر
-
والله شمتحجون على منظمه ال اي او ام حقكم كلهم انذال 100%ولا يحملون من الانسانيه ولا ذرة الله يمهل ولا يهمل اني بهل الحال مثلكم وتعبت من الانتظار وكل الناس الي وياي والي اقل من حالتي ومن وضعي ومن قصتي وكلشي سافروا ويكولون عداله وانسانيه من الله لا يوفقهم ويجيهم يوم كلمن لعب طوبه بينا احنا العراقيين تبين بيهم شنو احنا مصيرنا ومصير عوائلنا بيد موظفين ابكيفهم انطير ذوله وانسرع ذوله :( :( :( :( ??? ???وانسقط هل الامنيه وهل الفحص الطبي
ربي سهلها علينا ويفرجها ....يا ارحم الراحمين
-
يابه شنو القضيه اشو الحجي كله يحبط المعنويات اني مقدم صارلي سنه وشهرين وكملت مقابله اوليه شهر الخامس واحد بالشهر 2013 ولحد هسه صار 4 اشهر ماكو شي يعني ورايه حصبه وجدري اشو ايست اني !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
-
الله يكون بعونك اخوية .. والله حالتك يرثى لها ... بس لا حياة لمن تنادي .. منظمة تعبانة واجراءاتهه فاشلة الى ابعد حد.
اتمنى الايام الجاية تكون مفرحة بالنسبة الك ويارب تسافر هاي السنة.
تحياتي .... برنسو
-
ببساطة .......................... حيوانات
-
حسبي الله و نعم الوكيل
اني صارلي 3 سنوات من مقدمة و لحد هسه ممقابله محلفين
هم اكو احقر منهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بغداد
-
شكرا لردودكم اخوتي الاعزاء والله يكون بعون الجميع..السفر العاجل لكم اجمعين.
تحياتي
افتار يقترب من عيد كيىده السادس مع الاي او ام
-
اني هم من 2008 مقدمه .. بس قبل يومين نفسيتي تعبت ولغيت الكيس الخاص بيه وبعد مستلمت منهم تأكيد . صراحه مخربطين جدا وماكو مصداقية ابد ابد ..
يخابروني يحجون سي وراها يسدون التلفون ويكتبون ايميل بالمحادثه بي شي مخالف تماما ..
حسبي الله ونعم الوكيل
بس بقت عائلتي ملغيت الكيس مالتهم