ankawa
منتدى الهجرة واللجوء => الهجرة و واللاجئين => الموضوع حرر بواسطة: ريوماري في 20:09 01/09/2013
-
اول شي السلام عليكم ..
اني اخوكم من بغداد عملت مع قوات التحالف ب2008 وراها تهددت وهسة تهددت مرة ثانية لكن هالمرة تهديد نهائي مابي اي مجال. امكانيتي عالسفر كلش ضعيفة ما تدبر عندي ماديا اكثر من شهر.
كلت اقدم من بغداد عسى ان اخلص بتسرع وقت.
تابعت عينكاوا وتعلمت منه هواية ومستعد ادخل محلفين واي شي وعندي ريكمنديشنات وسيرتيفيكايت.
المشكلة ان الريكمنديشنات اللي عندي من ضباط مكاتبين عنوانهم العسكري.. واحد حاط عنوان هوتميل لو كاتبين رقم voip .. بس عندي ريكمنديشن من شيري اللي جانت بGLS بس حاولت اراسلها اكن متجاوبت وياية.
هل هذا يضر الكيس مالتي ؟؟ علما ان عندي نسخ من باجات L3 و GLS و IZ.
اجد يكدر يساعدني شلون اكدر احصل GLS خصوصا ان همة كاتبين عالفيسلوك ان همة بعد معليهم واللي يريد EMPLOYMENT VERIFICATION خلي يحاول يحصلها من Titan L3 .
شلون احل هاي المشكلة اتمنى احد يساعدني.
شكرا..
-
اخي العزيز اول وتالي برنامج الاس الي في لحد هاي اللحظه من المقرر يغلق نهاية هذا الشهر
لكن اكو اخبار عن التمديد ونتأمل خير ان شاء الله
عزيزي بالنسبه للركومنديشنات الي عندك ما تاكل ببرنامج الاس اي في
ولا اعتقد تاكل عند الاي او ام لان يردون بيهن ايميل رسمي حبي
على العموم
تحتاج ركمنديشن يثبت بي الضابط عدة نقاط مثلا انك كنت مخلص وحياتك اتعرضت للخطر وكذا
تحتاج امبلويمنت فرفكيشن من الجي ال اس تثبت عملك معاهم
وقدم على البرنامجين والله كريم
-
اشكرك اخي عالرد .. بس للاسف برنامج الSIV مامشمول بي لان مشتغل اقل من سنة.
الي معحبني ان معقولة ميكدرون يعرفون ان اني مشتغل وياهم لو لا من باج الIZ الي همة طلعوه؟
زين امنت بالله .. اكو احد يعرف طؤيقة الوصول للجي ال اس او تايتن حتى اكدر احصل منهم شي؟
حياتي وحياة عائلتي متوقفة على هالموضوع اتمنى احد ينطيني معلومات.
شكرا
-
Up
-
You don't need in two programs to any recommendations, unfortunately we have tried a lot to help this website members like you to get the effective e-mail address of the TITAN L-3 company & GLS but we have failed in that,dude keep trying maybe you find a way
جار الانتظار
-
السلام عليكم اخي الكريم
اني هسة بحثتلك على هاي الشركة الي اسمهة تيتان وقريت عليهة بالانترنيت انه جانت عليها مشاكل هواي ... المهم اشترتهة شركة اخرى الي هي L-3 Communications وسميت الشركة الجديدة باسم Datron Advanced Technologies ... مثل متعرف الشركات بالغرب من تصير مشاكل مالية او غيرها اما تنياع او تبقة بس غيرون اسمهة ورؤساءها الاداريين .. المهم هسة رح انزلك موقع الويكيبيديا الي بيه الحجي ورح انزل موقع الشركة الام الي اشترتهة وموقع الشركة الجديدة ... بلكت تكدر تتصل بيهم وتكللهم انه انت اشتغلت وية الشركة القديمة تحت مسمى تيتان وهمة لازم يردون عليك لانه همة نفس الشركة بس غيروا الاسم ...حاول وانشالله خير.
موقع الويكيبيديا الي يشرح تاريخ شركة تيتان http://en.wikipedia.org/wiki/Titan_Corporation
موقع الشركة المشترية http://www.l-3com.com/
موقع الاسم الجديد للشركة الي اتوقع لازم اتراسلهم http://www2.l-3com.com/datron/
-
جرب اكتب على هذا الايميل
Datron.Inquiry@L-3com.com
او خابرهم على هذا التلفون
0018055841717
-
تكدر هسة اتخابرهم لانه عدهم الساعة 3 الضهر بعد وكت بكاليفورنيا ..ز بلكت اتحصل رد
-
ممنون جدا من مساعدتكم الي وربي يحفظكم ويحقق مبتغاكم.
حاولت الاتصال باكثر من جهة والنتيجة اما ماكو رد او الايميل متوقف.
اتمنى لكم الخير واشكر عطفكم ومساعدتكم.
تحياتي للجميع.