ankawa
منتدى الهجرة واللجوء => الهجرة و واللاجئين => الموضوع حرر بواسطة: hellart2009 في 21:05 03/09/2013
-
السلام عليكم
اخواني اني صارلي اكثر من سنتين من قابلت محلف ولحد الان محد اتصل بكفيلي وكل ما ادزلهم رسالة يكلولي احنا نتصل بيه انتظر....
اكو احد مغير كفيلة وشكد طولت الاجرات لحد مغيروا الكفيل ؟؟واذا اكو احد محول كفالته على المنظمة شكد طول قبل ميختارولة مدينة؟؟ لان افكر الغي الكفيل وابقى على كفالة المنظمة
شتنصحوني؟؟
وانشاء الله السفر القريب لكل المنتظرين
-
صديقي اذا غيرت راح تتاخر ثلاث اشهر او اقل هذا صار ويه صديقي
تحياتي
-
السلام عليكم
ممنون اخوية علي بس ممكن توضحلي صديقك غير الكفيل لو لغى الكفيل اذا امكن؟؟
-
احنه ردنه نبدل الكفيل الى كفيل اخر اكثر قرابه النه من الكفيل الاول بس المنظمه كالولنه ممكن تطوول 3 اشهر ....
بس اعرف ناس بدلوا كفيلهم.... ورى كم يوم من دزوا رساله الى ال iom بخصوص تغير الكفيل تبدلت الولايه على ولاية الكفيل الجديد بالاكاونت مالهم فماكو قياس
تحياتي
-
للأسف اني طولت حوالي 5 أشهر منذ تغيير الكفيل والولاية.لذا ما انصح بيهه.
-
انا طالت العمليه عندي 47 يوم .
المهندس \\ احمد الربيعي
-
احنه غيرنا الكفيل وضبط شهر واحد وتصلو بالكفيل الثاني
-
في الاي او ام يطول مابين اربع اسابيع الى ثمان اسابيع
انا غيرت الكفيل بعد الانتظار لمدة سنة وكم شهر ولم احصل على نتيجة , وبعد التغير باسبوع تم الاتصال به وذهابه للكفالة ؟ وبعدها بثلاث اشهر سافرت .
تحياتي
-
السلام عليكم اخواني مشكورين هواية على المساعدة
اخوية عرموط واخويية حمادة واخوية احمد واختي ام زوزو وكل من ساعدني اني والله صارلي فوك السنتين من انطيتهم معلومات الكفيل ومن قابلت المحلف بنفس البوم
بس لحد الان محد اتصل بالكفيل ولا حتى تغير شي بالموقع مال اي او ام
فكلت اغير الكفيل او الغي الكفيل واخلي كفالتي على اي او ام
لان ممعقولة لحد هسة ممتصلين بالكفيل ففكرت احتمال تاخيري من وره هاي السالفة
شتنصحوني اخوان؟؟؟!!!
-
اخي العزيز نصيحه خلي المنضمه هي الي تختار المدينه وتكفلك لان راح ايحطوك بالمكان الما بيه زخم من ناحية اللاجئين ... لان احيانا مسالة الكفيل اتكون سبب في تاخير الملف ولو المكان الي راح تختاره المنضمه يمكن امكانياته اقل من مكان الكفيل مالتك بس انته اوصل هناك والله كريم
اخوك علي
-
عملية التغير مال الكفاله يقال انه اتطول من شهر الى ثلاثة اشهر وانشاء الله اتكون اقصر من هذا الوقت بس انته ادعي من الله ورب العالمين دائما يستجاب الدعاء وانشاء الله اتصير بفتره قصيره
اخوك علي
-
عزيزي اذا كفيلك شفته متماطل و لغتك الانكليزيه زينه فمتحتاج الكفيل وهو اول وتالي الكفيل تحتاجه بس اول شهرين بس لازم تنتبه اذا ال iom تختارك الولايية فحتختارك ولايه بيها لاجئين قليل ويمكن تكون المساعدات احسن وافضل من غير ولايه بيها عدد لاجئين بهوايه
-
السلام عليكم
مشكورين اخواني على النصيحة وما اعرف شلون اجازيكم بس ادعيلكم الله يوفقم ونسمع اخبار سفركم عن قريب انشاء الله
واني راح اتوكل على الله والغي الكفيل احسن ونشوف شلون راح تخلص وية الاي او ام
-
اخي صاحب الموضوع عاشت ايدك كلش خوش موضوع للنقاش والف شكر لكل من شارك
اني نفس حالتك بالضبط وقبل اسبوعين رحت مقابلات يوم الخميس بعمان وسالت الموظفه وكالت ماننصح تغير و مسالة وقت ونتصل...رجعت حيران والله وماعرف شسوي كلت انطيك خبر حبيبي
انت الله يخليك اذا غيرت او استجد عنك تغيير خبرنا و اني نفس الشي اكيد
يارب الموفقيه وسرعة السفر
-
السلام عليكم
اخوية مشتول مااعرف شلون اجازيك ورحمة الله على والديك وانشاء الله السفر القريب يارب
اني لحد هسة مغيرت الكفيل لان دزيتلهم رسالة من اسبوعين ومنتظر الرد فاذا اجاني نفس الرد القديم مال احنا نتصل بالكفيل بالوقت المناسب
لاراح ادزلهم رسالة وغير الكفيل لان هاي صار سنتين كل شهر ادزلهم رسالة اذكرهم بالكفيل ويرجعولي نفس الجواب والمشكلة الكفيل تلفونة ماادري شبية لان خابرتة وخلاني على الانسرمشين ولحد هسة مخابرني ولادزلي رسالة واني دزيتلة على الفيس رسالة قبل اسبوع
فكلبي ديلعب اخاف مغير عناونة تتلفونة وحتى اذا حاولو يتصلون بية ميلكوة واني لان ممسوي فحص طبي لحد الان فكلت حتى اذا اتاخرت سالفة الغاء الكفيل فاني اول وتالي متاخرة شغلتي علمود الفحص واذا صار شي ابلغك ويارب يسهل عليك بس انته ياولاية مقدم؟؟اني على جورجيا
-
اخوان اني موضوعي يجوز جديد او ما صاير او صاير بس محد ذاكره اني كان عندي كفيل في ولايه افلوريدا او اتصلو بالكفيل مالتي او وقع الاوراق مالتي او نزلي موعد السفر او قبل الموعد مال السفر اب خمس ايام اتصلو ابكفيلي او كالوله انو المنظمه ما تكدر تستقبل العائله الجاي لان ما عده اي مساعدات يمه او حولنه ملف الى ولايه ثانيه او راح الكفيل مالتي الى المنظمه او حجه اوياهم كله واللع احنه اوراقه اتحولت الى غير ولايه اذا يريد انرجعه لازم من يوصل يحجز او يرجع الى افلوريدا او بالمناسبه المنظمه الي بفلوريدا ما اتصلت بالكفيل مالتي او خبرته الي اتصل بالكفيل مالتي هوه المنظمه الي بالولايه الثانيه الي هيه انيو مكسيكو هوه اتصل او خبر اته كفيل الشخص الفلاني كله نعم كله اتحولت اوراقه من افلوريدا الى انيو مكسيكو من سئله كله اسئل المنظمه الي بفلوريدا او الشخص الي كان بالمنظمه الي بنيو مكسيكو اتصل بيه لان كله اني جاي اتصل بيك لان اغلب الي يتحول ملفهم يمنه يرجع للولايه الي عنده بيه كفيل او اني اتصلت بيك لان اريد اخذ منك الاوكي اجرله او اشتريله اغرض لو يرجع الى افلوريدا بس راد يعرف او اتصل بيه الكفيل او اخذت القرار انو ابقه بالولايه الي حددوه اليه المنظمه والله الحمد الله زينه
او جاي امشي حالي والكيس منجر مالتي انسان طيب او خوش انسان والمنظمه زينه اني كلت اشو حالي او بعدين اقرر
يعني من يردون يغيرون واحد يغيروه خلال خمس ايام واذا الشخص يريد ان يغير ياخروه اشهر
احمد
-
السلام عليكم
اخوان اني صار بيه فلم من ورة الكفبل من هذة الزين اني خابروني ال iom كالولي خابرنه الكفيل والكفيل يكول اني ماعرفه ولا مستعد اكفله طبعا اني صار بيه صدمه الكقيل اقربائي والرجال من 2010 متكقلني ولغايه اليوم وكلتلي الموضفه احنه مستعدين نتكفلك وهمزين متسرعت كتلهه زين ممكن ان تنطيني مجال اتصل بي كلتلي ماشي بكرة اخابرك طبعا اني بلحظه اتصلت بي يدك ميشيله يدك ميشيله ودزيتله رساله كتله انطيني جواب هسه يمعود لتستحي مني انطيني الجواب انته هيج حاجي للمنضمه ماكو جواب اني كلت بينت الشغله ميجاوب بدل عليه صفنت كلت منيين اجيب هسه كفيل والله اشو دك التلفون فايبر زوجته وبعد السلام كلتلي يابه ابو عبدالله ميكدر يشيل التلفون بلشغل وممنوع وحجيتله بلي صار كالت ماكو هيج شي صاير وكلتلي هسه اثناء الاستراحه اخابرة اذا حاجي هوة هيج والله جان يخابرني هوة وكلي والله محد متصل بيه ولا حاجي هذة الحجي واني رح اخابر المنضمه الي يمنه بامريكا واشوف شنو القصه والله ثاني يوم خابروني كلي خابرتهم وكالولي احنه محاجين هذة الحجي طبعا اني صرت بموقف كلش استحيت منه لان المنضمه دتحجيله ويكولوله احنه ممتصلين طبعا حجيتله للرجال وكلي اني حاضر واي شي جديد اذا يمي يصير ابلغك بي واني كتله اني هم نفس الشي والله ورة اسبوع هم خابروني المنضمه كلتلي اني الي اتصلت فيك مشان الكفيل اني راسا بدون مقدمات كتله اتصلت بلكفيل وانتو ممتصلين بي وهوة الكفيل باقي عله كفالته كلتلي حكيت معو اي طبعا متاكد انته كتله اي طبعا واتصلو بي انتو وتاكدو ومع السلامه ورة كم يوم اتصلو بي كلهم اني مستعد اكون كفيله وسالوا كم طفل عندة كلهم 2 ومستعد يجي كلهم البارحة جنت داحجي ويا يريد يجي وسالهم شوكت يجي كلوله احنه منعرف شوكت هذوله هم اتعلمو افلام ال iom
-
نصيحة من أخ لاخوة الغي كفالة الكفيل وبأسرع وقت لان ماكو سنتين تطول , هي بس كفالة الله يخليك هذولة شلة مال نصابة وحرامية المنظمة , الغي الكفيل وخلي فرع واشنطن يتكفل بالكفالة مالتك لان هو مسؤول عن الكفالات والموظفين اكثرهم هناك امريكان ويابانيين , اذا انت صارلك سنتين من ناطي العنوان ومامتصلين خلي نفرض راح يتصلون هسة ويرتبون الموضوع يعني تاخذ شهر او شهر ونص يعني كسر بجمع الموضوع ياخذ وقت منا لشهر الــ11 وبنص شهر الــ 11 السفر يتوقف الى حد نص شهر الــ 12 يعني بكل الاحوال متسافر بهاي السنة فخلي الكفالة على المنظمة واذا معجبتك الولاية والمدينة بالمطار على حسابك اشتري تذاكر ونسق وية المنظمة بالتليفون وغير للولاية اللي تعجبك , هاي نصيحتي الك افضل من الانتظار هلكد وقت علمود كفالة , اذا كفالة سنتين لعد امنية شكد عشر سنين ؟؟؟!!!
الله اكبر على المنظمة
أخوك أبو الحكم ( جار الانتظار سابقا )
-
طبعا هواي يكولون انو يطول ثلاثة اشهر بس أني صارت مشكله ويه كفيلي فغيرتة وطول أسبوعين بس لا اكثر حتى بالموقع نزل التغيير في نفي اليوم الي خابرو تحياتي
ابو علي البصراوي
-
اخي الكريم
اسعدت صباحا او مساءا بحسب توقيتكم
اخي ان ان المدة لتغير الكفيل غير محددة بمدة معين فهي تختلف حسب وضع الملف
فلي اقارب تم تغير الكفبل قبل 3 ايام من السفر وقامو باتصال بالكفيل الثاني والسبب ان الكفيل الاول لم يرد ع اتصالهم علما ان الكفيل الاول اتصلنا به قبل شهرين من السفر وقال لم يتصل بي احد من المنظمة ولم اوقع اي اوراق....
اما بالنسبة لنا فقد تم تغير الكفيل من قبلنا بعد ان علمنا ان الكفيل قد سافر الى دولة اخرى قبل 3 اسابيع من السفر
لذلك ليس هناك مدة محددة لتغير الكفيل ....والله اعلم هذا ما حدث معنا
-
السلام عليكم
اخواني والله ما اعرف شلون اشكركم لان دتحاولون تساعدوني اخوية ابو الحكم واخوية بصراوي واختي وسن وكل الموجودين ادعيلكم بالتوفيق بحياتكم وتحقيق كل امانيكم يارب
اني لكيت رسالت قبل يومين من الكفيل يكول انو غير عنوانة بس بقى بنفس الولاية وبنفس رقم التلفون وانو محد اتصل بيه لحد الان
واني دزيت رسالتين للمنظمة يوم 26/8/2013 و 27/8/2013 شرحتلهم انو لكيت مكالمة فئتة من المنظمة وحاولت اتصل بيهم بس الموظفين مال اي او ام كالعادة
يكلك احنا من العراق ما عدنا اتصال لازم ادز رسالة
دزيت رسالتين قبل 20 يوم ولحد هسة ماكو اي جواب من عدهم
فرجعت اليوم دزيت رسالة اشوف ليش مجاوبوا على رسائلي لحد هسة؟؟؟ وباجر ادزلهم رسالة الغي الكفيل واتوكل على الله
شكرا اخواني على كلشي