طباعة الصفحة - احتاج مساعدتكم في الهجرة الى امريكا

منتدى الهجرة واللجوء => الهجرة و واللاجئين => الموضوع حرر بواسطة: طيور أيلول في 16:40 05/09/2013

العنوان: احتاج مساعدتكم في الهجرة الى امريكا
أرسل بواسطة: طيور أيلول في 16:40 05/09/2013

السلام عليكم اعضاء هذا المنتدى المبدع .. ان شاءالله الجميع يكونون بخير وسلام

أخواني اني طالبة كلية واريد اهاجر لأمريكا واحصل ع الكرين كارد والجنسية الامريكية
واني دخلت على موقع السفارة الامريكية وعلى موقع شؤون اللاجئين ودورت على انواع الهجرة بس كل الانواع كانت تخص المترجمين واللي اتعاونوا وية الامريكان .. بالنسبة إلي اني مشتغلت وية الامريكان ومتعاونت وياهم بأي شكل من الاشكال ولا عندي اقارب بامريكا حتى يسحبوني يمهم بس ابوية الله يرحمه جان طبيب وانقتل بالاحداث مال 2007 ومن يومها اني وامي انهزمنا من بيتنا ومن المنطقة واتبهذلنا وهسة كاعدين ابيت جدي
واني اريد اكمل دراستي بامريكا والكليات تكلف هواية ومو كل كلية تقبل بالطلاب الاجانب .. يعني مفتاح الفرج بالنسبة الية هو الكرين كارد
ولكيت برنامج بعثات للبكلوريوس بس المشكلة انو يجبروني ارجع للعراق ورا ما اخلص الدراسة ونفس الحجي للفيزا الدراسية انو انجبر ارجع للعراق ورا الدراسة واني ماريد ارجع اريد اهج بلا رجعة
ارجو منكم اخواني تساعدوني وتدلوني على طريقة اهاجر بيها اني وامي .. يعني مثلا اروح بفيزا سياحية وبعدين اسوي طلب لجوء لو شون؟والله اني مو كلش اعرف بهالامور فارجو من اللي يعرف ميبخل علية بمساعدته واني ادعيلة وادعي للجميع بتحقيق الاحلام وراحة البال والامان.

العنوان: رد: احتاج مساعدتكم في الهجرة الى امريكا
أرسل بواسطة: كنداوية في 18:03 05/09/2013

وعليكم السلام ورحمة الله وبركاته
عزيزتي طيور ايلول الله يفرج كربتكم ياارب وتتيسر اموركم .
حبيبتي هو العراقيين اللي يطلعون من العراق هذول مشتغلين مع الامريكان
ويطلعون ببرامج خاصة بيهم وممفتوحه لكل العراقيين .

فانت الصراحة عندك طريقتين .

الاولى ان تقدمين لجوء للامم المتحده انتي ووالدتك من خارج العراق ولانكم نساء ان شاء
يتسرع ملفكم وهذه المنظمة بيها فروع باغلب الدول العربية بس هسه العراقيين اكثر
شي موجودين بتركيا والاردن ولبنان يعني نقول ان شاء الله سنتين وتسافرون بس هالسنين
بره العراق وميصير ترجعون له اذا حصلتوا لجوء واول ما تسافرون لامريكا يكون وضعكم نظامي
واكو مساعدات ودعم والمواضيع حولها كثيره .

الطريقة الثانية هي يسافرون بفيزة سياحة او زيارة لامريكا وتصدر من العراق بعد التقديم
واول ما يوصلون يحطون محامي من داخل امريكا حتى يعدلون وضعهم ويحصلون على لجوء
من داخل الاراضي الامريكية .

برأيي الطريقة الاولى احسن لكم من الثانية لانها مضمونه اكثر وتجارب الناس عليها كثيره
وتقدرين تحصلين على مساعده ابناء هذا المنتدى الطيبين بكل ترحيب .

بس انتي قلتي تقدرين تحصلين فيزه دراسة او بعثة واني اشوفها مثل فيزة الزياره لانهم بكل
الاحوال لازم تنتظرين فيزتك تنتهي وتقدمين لجوء من داخل امريكا وما سمعت عن اعادة
اجبارية .

العنوان: رد: احتاج مساعدتكم في الهجرة الى امريكا
أرسل بواسطة: طيور أيلول في 14:08 06/09/2013

أختي العزيزة كنداوية اني شاكرة الج ردج ومساعدتج والله يسمع منج ويفرج عن كل مكروب
واني هم داشوف اكثر الناس يتبعون الطريقة اللي نصحتيني بيها واشكرج جدا على التوضيح
عزيزتي اسمحيلي اوضح اكثر عن وضعي .. اني اريد دراسة واقامة دائمية بامريكا فاللي دا افتهمة انو بالنسبة لوضعي (ماعندي لا شغل وية امريكان ولا اهل بامريكا)فالطريقة الوحيدة احصل بيها ع الاقامة هي باللجوء .. زين ماكو طريقة اخرى احصل بيها ع الاقامة ؟
يعني مثلا اذا بقيت ادرس بكلوريوس 4 سنين بامريكا ماعندي فرصة او طريق اكدر من عنده اقدم على اقامة دائمية ويعتبروني مهاجرة؟

واني بالنسبة للجوء فهذا طريق طبعا صعب وطويل ودنفكر اني وامي بيه هواية بس دندور بلكت الله يفتحها علينا وتلكة طريق شوية مناسب اكثر حتى نحصل اقامة

واكرر شكري لحضرتج .. الله يحميج ويوفقج ويسهل امر كل العراقيين

العنوان: رد: احتاج مساعدتكم في الهجرة الى امريكا
أرسل بواسطة: abn aliraq86 في 14:17 06/09/2013

طيور عيني الله يسهل عليج واي شئ تحتاجين اني موجود تحياتي اللج

العنوان: رد: احتاج مساعدتكم في الهجرة الى امريكا
أرسل بواسطة: Dr. Luke في 15:30 06/09/2013

اختي الفاضلة,
افضل طريقة بالنسبة لظروفج هي ان تقديمي على بعثات دراسية واكو هواية منها الفلبرايت وال ISLP وغيرها الي من الممكن ان تحصلين من خلالها على زمالة دراسية مدفوعة التكاليف. ومن توصلين هناك تقدمين على شي اسمه asylum الي هو شبه مضمون وبالاخص للنساء واكيد قصة والدج الله يرحمة راح تفيدج هناك, بالنسبة لل asylum فخلال ستة اشهر الى سنة راح تحصلين على موافقة واقامة, مع العلم اذا تم الرفض لا سامح الله فتكدرين تقدمين استاناف الي هو في اغلب الاحيان راح ينقبل وتمشي امورج.

بالنسبة للبعثات الدراسية, اذا كان عندج امكانية ان تطلعين وتدرسين على حسابج فهذا الشي راح يساعدج ان تبدئين مراسلة الجامعات, مع العلم ان لازم تمتحنين توفل لان اكيد راح يطلبوا منج.

اتمنالج الموفقية

د. لوك

العنوان: رد: احتاج مساعدتكم في الهجرة الى امريكا
أرسل بواسطة: أبو الحكم في 16:20 06/09/2013

أفضل واسهل واسرع طريق لحالتج هو التقديم على برامج البعثات في السفارة الامريكية واهمها برامج التبادل العلمي والثقافي وبرامج فلبرايت وبرامج ISLP وتكدرين تقدمين عليها بسهولة واني شخصيا قدمت على برنامج فلبرايت وكملت دراستي بي بأمريكا لمدة 8 اشهر ورجعت , وامريكا مابيها ترحيل ومحد يكدر يجبرج تطلعين خارج امريكا اذا قدمتي قضية لجوء مو هجرة واكرر قضية لجوء خصوصا اذا قدمتي تظلم الى دائرة المظالم الامريكية لان عملها اكبر ومساعدتها اكبر للمتظلمين من داخل الولايات المتحدة الامريكية زائد كم تقرير او وثائق تثبت تعرضكم للتهديد بسبب قتل والدكم يرحمه الله واني متأكد كل التأكيد تحلصين على لجوء من داخل امريكا وهذا رابط من السفارة الامريكية به شرح وافي لجميع البعثات التي تستطيعين التقديم عليها

http://arabic.iraq.usembassy.gov/studyinusa.html

وانصحك قبل التقديم والسفر ان تحلصين على شهادة التوفل وشهادة GRE لانها مفيدة جدا هناك وتحتاجيها وتسهل لك الكثير الكثير من الامور .
واذا شفتي الموضوع صعب قدمي على فيزا سياحة بشرط ان يكون لديكم حساب مصرفي او عقار مسجل بأسمك او أسم والدتك او والدك يرحمه الله لضمان رجعوكم الى العراق وسووا مقابلة ويوافقولكم على فيزة السياحة وتروحون على حسابكم وتقدمون على دائرة الهجرة والامن القومي وتنتظرون تقريبا من 8 اشهر الى سنة يلة يطلع القرار بصالحكم او مو بصالحكم واكيد اذا كان بصالحكم فيحتاج منكم قصة تهديد وقضية تدعم اقوالكم وهو ايضا موضوع سهل لان به استئناف وحالات الرفض به قليلة جدا واذا طول الموضوع من 8 اشهر الى سنة مع مصاريف السفر لك ولامك تحتاجون الى مبلغ عشرين الف دولار او اقل بقليل . وبهذه المدة لاتستطيعين التقديم على اي دراسة فقط تستطيعين التحضير للدراسات في البيت وبعد الحصول على الاقامة تستطيعين ممارسة حياتك الجامعية واكمالها من جديد .

هاي كل الاوبشنات اللي عندج من داخل العراق

جار الانتظار

العنوان: رد: احتاج مساعدتكم في الهجرة الى امريكا
أرسل بواسطة: كنداوية في 20:00 06/09/2013

مقتبس من: طيور أيلول في 14:08 06/09/2013

أختي العزيزة كنداوية اني شاكرة الج ردج ومساعدتج والله يسمع منج ويفرج عن كل مكروب
واني هم داشوف اكثر الناس يتبعون الطريقة اللي نصحتيني بيها واشكرج جدا على التوضيح
عزيزتي اسمحيلي اوضح اكثر عن وضعي .. اني اريد دراسة واقامة دائمية بامريكا فاللي دا افتهمة انو بالنسبة لوضعي (ماعندي لا شغل وية امريكان ولا اهل بامريكا)فالطريقة الوحيدة احصل بيها ع الاقامة هي باللجوء .. زين ماكو طريقة اخرى احصل بيها ع الاقامة ؟
يعني مثلا اذا بقيت ادرس بكلوريوس 4 سنين بامريكا ماعندي فرصة او طريق اكدر من عنده اقدم على اقامة دائمية ويعتبروني مهاجرة؟

واني بالنسبة للجوء فهذا طريق طبعا صعب وطويل ودنفكر اني وامي بيه هواية بس دندور بلكت الله يفتحها علينا وتلكة طريق شوية مناسب اكثر حتى نحصل اقامة

واكرر شكري لحضرتج .. الله يحميج ويوفقج ويسهل امر كل العراقيين

عزيزتي قلت لك طريق الدراسة صعب شوي عليكِ لانك بعدك صغيره مطلوب
منك شهادة توفل او ايلتس بدرجة اعلى من 6 وانا دخلت هذا الاختبار وهو صعب
الا اذا كنتي متمكنه من اللغة الانكليزية .
اوقات التقديم للبعثات الدراسية ومراسلة الجامعات محددة احيانا كثيرة يخلص
وقتها وانتي بعدك بصدد توفير بعض شروطها .

ايضا لا تغفلين النقطة المهمة وهي المصاريف المادية يعني يحتاجلك مبلغ مو بسيط
اذا جلستي بامريكا تعدلين وضعك هذا غير استغلال المحامين لان اكثرهم الصراحة
نصابين واحناسبق واتعاملنا مع كم واحد وللاسف كل واحد كان ينصحنا لما فيه
مصلحة ارتفاع اتعابه .

عزيزتي الامم المتحده منظمة عالمية انسانية همها انها تساعدكم
معها تضمنين محد ينصب عليج بالعكس هي تصرف مساعدات للمحتاجين
وعلاج وخلافه وانتم لاجئين هذا غير انها راح تسرع ملفكم كونكم نساء
وتسافرين انتي وامك مع بعض ان شاء الله ( وهذا افضل لك لصغر عمرك )
واول ما تسافرون يكون وضعكم نظامي ويأجرون لكم بين ويعطوكم مصروف
وعلاج بامريكا وتبحث لكم عن عمل وتقدرين تدرسين يعني الانتظار يسوى عزيزتي .

اكيد راح تتعبون بالانتظار بدول الجوار بس برأيي على اللي قاعد يصير بالعراق
هي افضل الف مره من العراق .
وعلى الاقل دول الجوار دول اسلامية وبعضها عربية تقدرون تتغلبون بيها على
كأبة مشاعر الغربة في الفتره الاولى .
يعني لا زلت انصحك باللجوء من احدى دول الجوار مع والدتك .

اخيرا صارت الرؤية عندك واضحة سواء من ردي او رد الاخوان الافاضل
والقرار باقي يمك ويم الوالدة ..بالتوفيق
وعادي عزيزتي راسليني ع الخاص متى ما حبيتي

العنوان: رد: احتاج مساعدتكم في الهجرة الى امريكا
أرسل بواسطة: طيور أيلول في 05:30 07/09/2013

اخواني هاشم و د.لوك و جار الانتظار .. اني اشكركم كلش هواية ومتدرون اني شون سعيدة بمساعدتكم واشكركم على الشرح والتوضيح .. ان شاءالله تتسهل اموركم وربي يوفقكم دائماً.
بس حبيت استفسر .. يعني يصير اقدم ع الـ Asylum او اللجوء واني طالعة وية البعثة؟اني بس اخاف البعثة رح تقيدني ومتخليني اشوف دربي
وهذي بعثة ال ISLP مصار كم شهر من عرفت بيها ودانتظرهم يفتحوها حتى اقدم واني الحمدلله انكليزيتي جيدة جدا وان شاءالله اوافي شروطهم وانقبل.

واخوية جار الانتظار اشكرك ع التوضيح وبالنسبة انو اقدم على فيزا سياحة فاني خليتها اخر الاختيارات لان مثل ما دتكول حضرتك رح اضطر اكعد انتظر بامريكا .. فالانتظار بدول الجوار اكيد رح يكون احسن الي ولأمي ع الاقل البلد عربي والتعايش وياهم اسهل.

العنوان: رد: احتاج مساعدتكم في الهجرة الى امريكا
أرسل بواسطة: ρυℓѕσ dєℓ αмσя في 05:44 07/09/2013

امامك 3 طرق
الاول انتي مامشتغله ويه الامريكان..
الثانيه تقدمين خارج العراق عن طريق الامم المتحده ومن ثم عن طريق الاي او ام
الثالثه تقدمين عند اقرب قنصلية امريكية او السفاره ببغداد عن فيزه سياحيه اعتقد B2 وتطلع خلال 21 يوم
ومناك تحطيلج محامي وتحصلين اللجوء وتكدرين تكملين دراستج بمنحى من الحكومه الامريكية او من الجامعه نفسها..
وربي يوفقج

[/b]

العنوان: رد: احتاج مساعدتكم في الهجرة الى امريكا
أرسل بواسطة: ρυℓѕσ dєℓ αмσя في 05:45 07/09/2013

[/b]

العنوان: رد: احتاج مساعدتكم في الهجرة الى امريكا
أرسل بواسطة: طيور أيلول في 06:14 07/09/2013

اختي كنداوية .. اني اشكر حضرتج هواية على الاهتمام والتوضيح
وبالنسبة لأمتحانات اللغة فان شاءالله ما أعاني منها لان اني متمكنة من الانكليزي
وطبعا اني رأيي من رأيج ومتأكدة اليو ان رح تساعدنا وطبعا هم احسن شي بالنسبة الي حتى ابقى وية امي
واحنة هالسنة يلا بدينا ندور طلعة لانو صبرنا خلص بهالبلد ولهذا احنة بعدنا مترددين ومدا ناخذ قرار نهائي

واني اكرر شكري لحضرتج وأقدر مساعدتج كلش هواية واشكرج لان سمحتيلي اتواصل وياج اكثر

مرة اخرى اشكر كل من ساعدني .. ربي يحمي الجميع وتتيسر امور كل العراقيين

العنوان: رد: احتاج مساعدتكم في الهجرة الى امريكا
أرسل بواسطة: Dr. Luke في 21:25 07/09/2013

اختي طيور ايلول الفاضلة،
لا يوجد اي مانع قانوني يمنع ان تقدمين لجوء وانتي ملتزمة ببعثة سواءا كانت عن طريق برنامج مدعوم من الحكومة الامريكية او دائرة البعثات العراقية. مع الملاحظة بان كل البرامج راح يطلبون منج ان تتعهدي بالرجوع بعد انتهاء البرنامج وسوف يطلب منك ان توقعي على ورقة تعهد بان لا تطلبي اللجوء بعد الوصول واذا ما حصل ذلك فسوف تسحب الزمالة الدراسية منك ، وللمعلومات هذا الشي لا يؤثر اطلاقا على طلب اللجوء وهذا مجرد حبر على ورق وبمجرد تقديمك على لجوء والتوقيع على الويفر بانك مهددة ، فان الولايات المتحدة ملزمة بتوفير الحماية لحين النظر بطلبك مع اعفائك من التعهد السابق بالرجوع.

اتمنالك الموفقية

العنوان: رد: احتاج مساعدتكم في الهجرة الى امريكا
أرسل بواسطة: طيور أيلول في 12:31 08/09/2013

اخوية العزيز د.لوك,اني اشكرك كلش هواية على ردك وتوضيحك,وحضرتك تقصد اذا قدمت ع اللجوء تروح علية البعثة,واني هذا بالضبط اللي كنت اريد استفسر عنة.
اشكرك مرة اخرى , وان شاءالله تتيسر امور الجميع ويفرج عن كل مكروب.

ankawa

منتدى الهجرة واللجوء => الهجرة و واللاجئين => الموضوع حرر بواسطة: طيور أيلول في 16:40 05/09/2013