ankawa
منتدى الهجرة واللجوء => الهجرة و واللاجئين => الموضوع حرر بواسطة: black scorpion في 14:50 07/09/2013
-
السلام عليكم شباب اني استلمت موافقة نبراسكا واجاني الملف البي دف اف ذاكرين بي الكيس نمبر BGH وكذلك الانفويس نمبر بس مابي البنفشري نمبر بس اني دخلت ومليت الاستمارة اون لاين لان من دخلت طلبوا بس الكيس والانفويس حتة تفتح الاستمارة ودزيت ايميل لل NNVCSIV@state.gov وصار 10 ايام ماكوخبر زين اني بشنو راح احتاجة للبنفشري نمبر ؟ واكو جهة ثانية اكدر احصلة منهم ؟ السؤال الاخر اكو جماعة كالولي ادخل على موقع السفارة ودزطلب مقابلة للعلم اني بعدي ما داز الاوراق البيان والعدم محكومية لان بعد كم يوم يلة تطلع واني اسف على الاطالة
-
اخي العزيز سلام عليكم بالنسبة الى البنفشري نمبر موجود تلكاه بالاوراق الاخيرة من الفايل PDF اللي دزوه الك اللي بيها اسم كل واحد بالكيس وشنو الوثائق المطلوبة منه بالمقابلة راح تلكه الاسم والكيس نمبر اضافة الى البنفشري نمبر
-
اخي العزيز سلام عليكم بالنسبة الى البنفشري نمبر موجود تلكاه بالاوراق الاخيرة من الفايل PDF اللي دزوه الك اللي بيها اسم كل واحد بالكيس وشنو الوثائق المطلوبة منه بالمقابلة راح تلكه الاسم والكيس نمبر اضافة الى البنفشري نمبر
والله حبي دورت مالكيتة صار اكثر من مرة بس هوة اول صفحة ذاكرين الكيس نمبر وبصفة رقم والانفويس وبصفة رقم وجواهم البنفشري ونقطتين بس ماكو شي
-
اخي العزيز "black scorpion" احنا بوقتها كانت استمارة DS-260 اونلاين يتطلب املائها معرفة
البنفشيري وقد خاطبناهم فتم تزويدنا عبر ايميل
وان كلامك صحيح حول جواب نبراسكا فيها فقط الكيس نمبر وانفويس
اذا كنت قد ملات الاستمارة اون لاين بدون احتياجك للبنفشيري فانك لاتحتاجه ياصديقي العزبز
وقد تكون احد تطورات الاستمارة انه تم الاستغناء عن البنفشيري نمبر
ارجوا ان توضحت لك المسالة ياصديقي
-
اخي العزيز صاحب السؤال
البنفشيري نمبر تطلبه برسالة لل NVC تكللهم مااكدر املي ال DS-260 بدون بنفشيري نمبر وحيدزولكيا شوف انت من تفتح ال 260 اكو مربع يكلك بيه دخل البنفشيري نمبر دزلهم اكثر من رسالة كلهم هذا الرقم راح ياخرني ارجو ارساله AS SOON AS POSSIBLE
هذا الشي حصل مع الجميع ومعي شخصيا
تحياتي
-
اخوية الهجري اني ممنون منك ومن الاخوة ايضا اني مليت الاستمارة بس هوة فائدة بس هاية لو شنو احتاجة بغير مكان ؟
-
اخوية الهجري اني ممنون منك ومن الاخوة ايضا اني مليت الاستمارة بس هوة فائدة بس هاية لو شنو احتاجة بغير مكان ؟
البنفشيري نمبر هو تصريح لك من مركز الفيزة القومي بامريكا بملء استمارة ال 260 اللي هيه بموقع السفارة الامريكية اللي لاحظته انه هذا عمله الوحيد وبالمستقبل اذا عندك احد من العائلة مشمول راح يستخدم الرقم في ملء استمارته عند الحضور للمقابلة واذا ملاحظ انه حلما تمليه يختفي هو والمربع معناها انه الاستمارة اتجطلت بمركز الفيزا يعني مثل متكول عدد صادرة بس انت اجمع كل الارقام حطهن بملف واحفظهن just in case
تحياتي وممنون
-
أخي العزيز
حضرتك لازم تملي استمارة البنفتس واللي هي Refugee Benefits Election وترسلها لل siv_ope@iom.int وبعدها حيجيلك البنفشري نمبر
تحياتي لحضرتك
-
حبيبي خابرهم ع التلفون مالتهم وتطلعلك هاي الحاته صاحبتي كوللها اريد الرقم مالتي وهي تنطيك مباشرة اني سويت هيج بس هي انطتني يمكن لان تحبني جرب حظك وشوف بلكي تحبك..
-
اني ممنون من الكل اليكو الهجري والاخت Violet rose على المساعدة اوكفلكم بالافراح وانشاء الله يا ربي السفر للجميع بس اخوان اني مليت الاستمارة DS 260 بدون البنفشري ما احتاجيتة وهم البارحة اتصلت بهاي الحاتة صاحبة مجروح ههههههههههه وما قصرت وياينة نطتني البنفشري بس مجروح بالخوة اذا تخاربتوا اني موجود الاقربون اولى بالمعروف غير صوتهة يخبل ههههههههههههههههههههههه
-
اخي العزيز العقرب الابيض انشاء الله
اني متاكد مثل مامتاكد من اسمي انه الاستمارة ds-260 بيها مستطيل يطلب بيه ادخال البنفشيري نمبر .اذا فعلا مليتها بدون بنفشيري نمبر دزلهم رسالة كلهم هيج صار ويايه نصيحة لوجه الله هذوله مو دوائرنا رحمة على والديك يعني معاملات تشمر كلش عادي ترة ذولة حياتهم دقة وميعيفون شي ولهذا همه اول دولة بالعالم اخي اسال بقية الاخوان منو مله ال ds-260 بدون ان يملي البنفشيري حرصا عليك لان اني اعرف همه ميخلون شي زايد وتحياتي الك
ومن هذا المنتدى اكو واحد ملء ال 260 بدون بنفشيري نمبر وبيه صفحة الوحده ومستطيل
-
والله حبي اني سحبت الصفحات من النت صفحة صفحة على هارد كوبي وما شفت بيهم كلمة بنفشري حسب ما افتهمت من الاخوة انه من تريد تفتح الاستمارة يطلبوه منك واني من ردت افتحهة طلبوا مني الكيس والانفويس نمبر بس دخلتهم وفتحت بس هم راح ادزلهم ايميل للاحسن
-
اخي الحبيب
انت وحسب مامذكور لازم تملي الصفحات اون لاين ومتسحب اي شي وهذي الصفحة اللي بيها المستطيل تختفي بعد ان تملئها مباشرة ويجوز هاي صفحة تمبروري متظهر بالسحب على كل حال ذولة همه يدورون حجج علينا ثاني شي ادري هيه متنفتح الا بكيس نمبر وانفويس بس البنفشيري متاكد منه موجود والله وخير متسوي تدز رسالة وافضل تدز وياها رقم البنفشيري وتمنياتنا بالتوفيق وصدكني اكو اخطاء بسيطة اخرت ناس سنين
اخوك الهجري
-
عيني شباب ماحد سمع عن اخبار التمديد المفروض البارحة جانت جلسة الكونكرس بهالخصوص اكو اي شي تعرفوه ياريتين تشاركونه بيه
-
اختي العزيزة اني متابع الموضوع على مواقع الحكومة وكذلك عندي اشخاص امريكان دا اتواصل وياهم بخصوص هالموضوع ونسبة التمديد حاليا 54 بالمية بس هاي نسبة يعني مو شي مضمون وهذا الرابط http://www.govtrack.us/congress/bills/113/hr1960 وعندي صديق راسل احد الاعضاء ورد علية وكايلة اتفائلوا لان اكثر الاعضاء نظرتهم ايجابية بخصوص الموضوع كذلك القنوات الاخبارية مهتمة شوية بالموضوع وطبعا يا ريت لو تفتحون الرابط هذا http://www.itvs.org/television?film=list وانشاء الله يا رب يتمدد بس مع كل هذا اني اذا ما اشوف شي رسمي ما اعتمدة ويا رب الجميع يسافر
-
اختي العزيزة اني متابع الموضوع على مواقع الحكومة وكذلك عندي اشخاص امريكان دا اتواصل وياهم بخصوص هالموضوع ونسبة التمديد حاليا 54 بالمية بس هاي نسبة يعني مو شي مضمون وهذا الرابط http://www.govtrack.us/congress/bills/113/hr1960 وعندي صديق راسل احد الاعضاء ورد علية وكايلة اتفائلوا لان اكثر الاعضاء نظرتهم ايجابية بخصوص الموضوع كذلك القنوات الاخبارية مهتمة شوية بالموضوع وطبعا يا ريت لو تفتحون الرابط هذا http://www.itvs.org/television?film=list وانشاء الله يا رب يتمدد بس مع كل هذا اني اذا ما اشوف شي رسمي ما اعتمدة ويا رب الجميع يسافر
الله كريم ، ان شاء الله التوفيق للجميع