ankawa
منتدى الهجرة واللجوء => الهجرة و واللاجئين => الموضوع حرر بواسطة: avalon2009 في 14:49 09/09/2013
-
السلام عليكم...
اني مقدم على الهجرة الى امريكا وحصلت الفيزا مالتي والاطفالي كذلك , بس زوجتي ما حصلت على الفيزا بعد ,
هل اذا سافرت اني وبقوا الاطفال ويا امهم وانتهت الفيزا مالتهم ممكن تصيرلهم مشاكل بالمستقبل عند طلب فيزا جديدة الهم
لان ما اكدر اخذهم وحدي واترك زوجتي ؟
-
السلام عليكم...
اني مقدم على الهجرة الى امريكا وحصلت الفيزا مالتي والاطفالي كذلك , بس زوجتي ما حصلت على الفيزا بعد ,
هل اذا سافرت اني وبقوا الاطفال ويا امهم وانتهت الفيزا مالتهم ممكن تصيرلهم مشاكل بالمستقبل عند طلب فيزا جديدة الهم
لان ما اكدر اخذهم وحدي واترك زوجتي ؟
عزيزي اولا مبروك الفيزا
وانت اذا كنت siv وانت صاحب الملف عادي تقدر تسافر بدون زوجتك وبالنسبه لأطفالك هم اذا تركتهم السفاره رح تصدرلهم فيزا ثانيه مع زوجتك بس لازم تبلغ السفاره بذلك...وبالتوفيق
-
مبروك أخي حصولك ع الفيزا ,,أما بالنسبه لاطفالك فأني اللي اعرفه إنه قبل ميصدرون الفيزا لاطفالك اذا كانت اعمارهم أقل من 18 سنه يسالوك اذا كنت ترغب بسفرهم وياك لو ويا أمهم وبناءا على قرارك يتصرفون ,هذا طبعا بالنسبه لبرنامج ال SIV ..
بالموفقيه ان شاء الله يوم وصولكم بالف سلامه
سامي75
-
الف الف الف مبروك اخي الكريم
نتمنى لك سلامة الوصول واصدار فيزة زوجتك باسرع وقت ان شاء الله
ممكن نعرف تفاصيل الملف ان امكن يعني مثلا:
تاريخ اعادة القسم اذا كنت SIV
تاريخ الفحص الطبي اذا كان اعادة وهل كان خاص ام جماعي
وان شاء الله ربي يسهل امرك وامر الجميع بحق النبي وآله الاطهار
اخوكم بالله يوسف البصراوي
-
السلام عليكم
اخى العزيز احجي لك قضيتى انى العام الماضى كملت كل شى وجانى ايميل بان الفيزة مالتك كملت بس انتة جاوبتهم بان ايجلوها وية العائلة الكل سوة هاى من اكثر من سنة ونصف وبعدين ظلت معاملات ادارية وعدت المقابلة وعدت الفحص مرة ثانية وكملت كل شى والغريب استلم 3 ايميلات منالسفارة بنفس اليوم واحد ايكول عيد الفحص والثانى بية موعد مقابلة بس انى دون العائلة والثالث بى تهانى كملت الفيزة مالتك فقط ودزينها بالدى اج ال وبيها الرقم وطلبو منى اتصل بالدى اج ال حتى استلم الفيزة وية التعليمات والظروف وياهو افتحها وياهو مينفتح والوان كل ظرف شكل ولكن الفيزة بس انى دون زوجتى وابنى
علما بانى مقدم من 2009
اخوكم الاسمر
-
السلام عليكم اخواني والله يفرجهة عالجميع انشالله بس حبيت اسألكم شنو هاي الفيزا ال siv وشلون الواحد يقدم عليهة ووين وشنو شروطهة او التفاصيل مالتهة واشكركم على ردودكم مقدما وتحياتي
-
اخي الكريم عزاوي عزاوي اهلا وسهلا بيك وحياك الله وصدكني لو اصير سفير اول واحد اطلعك انته بس شسوي مقدم على سفير وبعد ما طالعتلي هههههههههههههههههههههه
اخي الكريم الـSIV تعني فيزة الهجرة الخاصة Special immigration visa
وهذه خصيصا لمن عمل مع القوات الامريكية او من ينوب عن الحكومة الامريكية في العراق لمدة لا تقل عن سنة
اتمنى لك التوفيق ولكل عراقي
اخوك بالله يوسف البصراوي