ankawa
منتدى الهجرة واللجوء => الهجرة و واللاجئين => الموضوع حرر بواسطة: y3soob في 06:56 11/09/2013
-
اخواني و اخواتي، الولد صديقي الي اجاه رفض من الاي او ام ( نزلت موضوعه قبل كم يوم) دى يفكر حاليا يطلع يقدم على اليو ان، و بصراحه تركيا غاليه و بنفس الوقت ما مستقره و ممكن تتاثر اذا صارت حرب بالمنطقه .. فاحسن شي و اكثر مكان امين هو ماليزيا.. رجاء الي عنده اي معلومات عن المعيشة و شلون يقدم على اليو ان و اي مدينة احسن .. شغل اليو ان شكد يطول حتى يطلعله توطين.. اي معلومات تكدرون تفيدون بيها حتى لو بسيطه ... و الله يجيازيكم بالخير و يسهل اموركم
-
السلام عليكم
اخي ماليزيا صعب التقديم منها خصوصا من نهاية ال 2012 صارت المواعيد الي ينطوها للتسجيل بعد سنتين يعني اذا يقدم هسة بال 213 يحصل موعد تقديم الملف بنهاية ال 2015 وايام التسجيل للعرب هي يوم الاربعاء فقط
الحياة بماليزيا غالية للي ماعندة شغل
الاقامة جدا صعبة او شبه مستحيلة فقط للي يدرسون يكدرون يحصلون اقامة على مدة الدراسة سنتين او 3
اذا صديقك عندة مبلغ يعيشة هلفترة مال انتظار اليو ان خلي يجي ويحاول يقدم على اي جامعة رخيصة يدرس بيها هم يحصل شهادة معترف بيها وهم ينتظر اليو ان
صح اليو ان نفسها طويل بماليزيا وتوصل 5 او 6 سنين بس بيها نتيجة خصوصا التوطين على استراليا وكندا من ماليزيا....
الاجارات تتراواح من 700 رنجت لل 2500 حسب الولاية والمنطقة واذا كانت الشقة مؤثثة او لا
ال 100$ تصير 317 رنجت ماليزي
المعيشة متقدر تقدرها لان تختلف من شخص الى اخر وحسب الاقتصاد وتدبير الامور
الشغل كلش صعب تحصل لان مرتبط بالاقامة والاقامة هي الصعبة ماعدا انه يدكولك فيزة شهر بالمطار مع ملاحظة انه من شهر 9 \2012 صارت ماليزيا اتبصم كل فرد يدخل الها بدون فيزة يعني ينطوك فيزة بالمطار بس يبصموك
ايسؤال اني حاضرة
-
الف شكر اخت شموخ.. بس على كلامك الموضوع يطول كلش هواية يعني موعد ورة سنتين!! هي المشكله مو بالسكن و المعيشه هاي تدبر.. بس المشكله الشخص مريض و يحتاج علاج مستمر فهل عندك اي فكرة عن اسعار المستشفيات هناك؟؟ الف شكر اختي
-
اخي العفو مسويت شي
المستشفيات الحكومية تعتبر زينة وخبرة الاطباء بيها جيدة بس الاسعار هي 15 ضعف عن الماليزين يعني اذا دوة ب100 رنجت ايصير على الاجانب 1500 رنجت وهكذا
بس اكو عيادات تابعة للهلال الاحمر وهاي للكل التسجيل بيها الاجانب كل مراجعة يدفعون 15 رنجت تتضمن الكشف والادوية وهاي اتصير اقل بهواي ورا متستلم بطاقة اللاجئ يعني ورا متحصل سرة وتسوي مقابلة اولى وثانية وثالثة يلة ينطوك ورقة اليو ان اتصير المراجعات بالمستشفيات الحكومية او العيادات حالك حال المايزين يعني بالعيادة الماليزين يدفعون 1 رنجت لكل الفحص والادوية ونفس الشي للمستشفيات
اي تطول بس بيها نتيجة يعني الي يصبر يحصل مكان زين
-
اوكي اختي العزيزة مشكورة... بس هل مثلا اذا صحه الشخص تعبانه حيل ممكن يسوله تسريع بالمقابلات لو ماله علاقه؟؟ و هل تعتقدين ان الملفات بالاردن تمشي اسرع؟؟
-
السلام عليكم أخي يعسوب
طبعا مشكورة الأخت شموخ بنت الرافدين على سرد هذه المعلومات وبصراحة معلوماتها جدا دقيقة وجزاها الله الف خير ..
نصيحة لكل شخص يريد القدوم الى ماليزيا والتقديم على الامم المتحدة .. الأردن وتركيا أفضل بكثير
وأي سؤال عندك أخي العزيز آني حاضر
وكذلك جاوبتك عالخاص
تقبل تحياتي
Mohammed Altaee
ماليزيا