ankawa
منتدى الهجرة واللجوء => الهجرة و واللاجئين => الموضوع حرر بواسطة: سيف الدين حقي في 00:26 16/09/2013
-
السلام عليكم اخواني
شباب اني اخوكم سيف الدين حقي عمري 28 سنة وارغب بطلب الجوء عن طريق un دولة تركياا لصعوبة العيش بلعراق (بين قوسن خريج وكاعد بلبيت )
ومن اسبابي الي اتمنى بس توجهوني للطريق الصحيح وكيف اصرف
1- انا والدي مخطوف في سنة 2006 عن طريق المليشيات ولحد الان ما اعرف شنو مصيرة وحتى حقوق مامطينة لان لايعتبر شهيد الى بعد مرور خمس سنوات من اعلانة بجريدة رسمية وطبعا هذا الشي محد كالنة علية لادائرتا ولا ظباط التحقيق وببعد مرور الفترة انصدمنة بعقرارهم انو لازم نعلن بجريدة رسمية وهذا الي سويناا يعني راح نقضي خمس سنين ثانية ننتظر حقوق وقرار محكمة هاي اول سبب
2- كنت ساكن في منطقة فيها مليشيات وتهددت على ظوء اختفاء ابوية الناس متحرم الي كالو مسافر الي ككالو عافنة وراح المهم اتهددت واظطريت اسافر الى سوريا فترة سنة كاملة ورجعت للعراق
3-غيرت مكان اقامتي يعني تهجرنة بعنة البيت وساكن في منطقة غير منطقتي الي انولدت بيها بس ما عندي شي يثبت انو اني تهددت للاسف لان كان التهديد عن طريق ناس خيرة بطريقة شفوية
لذلك اخواني واسف على الاطالة اتمنى احد يدليني الطريق الصحيح والله تعبت وهل هاي اسباب مقنعة للجهات المعنية لو ما اتعب روحي واضل بلعراق واسف على الاطالة مرة ثانية
-
اخويه العزيز , روح على احدا الدول التاليه , الاردن او تركيا وقدم لليو ان واشرح قصتك واذا نشرت اعلان والدك بالجريده هم اخذ نسخه من الجريده حتى توثق الحجي مالك اما التهديد فابدا مو شرط يكون عندك ادله , اني من قدمت افادة التهديد حجيتها افاده بدون ما يكون عندي اي دليل لان منين تحصل دليل ؟ قابل اللي هددك ينطيك دليل يكول صحيح اني هددته ؟ طبعا لا , فتوكل على الله وروح قدم وخلى على بالك امكانيتك وقابليتك على الشغل في الدوله اللي تروحلها , اني اعرف احد اقاربي راح لتركيا وقدم لليو ان واشتغل عماله ونجار مرات وشغلات متنوعة هالموجود وهسه طلعله امريكا وهسه هو بامريكا والله العظيم يشتغل بلوندري وعايش هو وعائلته مرتاحين , اتمنى لك الموفقيه والخلاص من شراذم التاس المجرمين الحراميه .
-
اشكرك اخوية العزيز وشكرا على وقتك وتفضلك بلاجابة بس حبيت استفسر من عندك ولو بيها احراج حسب اسبابي هل هية مقنعة وتجيب نتيجة بعون الله لو حالي حال هواي شباب تنتظرر نفس حالتي والوقت ديمر عليهم بتركيااا بدون اي نتيجة
-
والله يا اخويه مقنعه خصوصا اذا انتم عائله مو نفر واحد والعائله بسبب الاب واختطافه ايضا مهددين , لكن حتى اكون صريح وواضح معك يجب ان تضع على بالك اسوأ الاحتمالات وهو ان المعامله قد تستغرق 3 سنوات غهل عندك استعداد على ان تصبر 3 سنوات وايضا يجب ان تجد عمل لك غي الدوله التي تسافر اليها لكي تعيش عيشه لا باس بها لانها 3 سنوات ويجوز اكثر لا سمح الله , يعني انت وحسب معرفتك لامورك الماديه وامكانيتك وقدرتك على التحمل في بلد غريب كتركيا او الاردن , انت تستطيع تقدير ذلك اما الموافقه على اعطائك هجره فاني واثق نتها لان هذه البرامج اعدت لمساعدة الناس المضطرين مثلك ولا يجدون احد اكثر من حالتك وشروطك المؤاتيه والكافيه , فتوكل على اللوقدم والله كريم .
-
السلام عليكم
نعم اخي اسبابك جدا مقنعة بس ركز على القصة واحفظ التواريخ شكد ما تكدر وكول الي عندك واي شي جديد اكتبة بورقة حتى لا تنسى والله يوفقك وتسافر وتصير سوالف بس انوي انت والله يوفقك ويحميك
تحياتي الك والاردن وتركيا افضل الدول الأن
الموفقية الك عزيزي
تحياتي
-
تسلمون شباب على ارائكم وربي يوفقكم ان شاء الله