ankawa
منتدى الهجرة واللجوء => الهجرة و واللاجئين => الموضوع حرر بواسطة: سعد الدليمي في 14:04 17/09/2013
-
السلام عليكم أني أخوكم سعد الدليمي من محافظة الانبار مدينة الفلوجة بس ساكن ببغداد حي الجهاد اول شي أخب اشكركم لتعاونكم مع إخوانكم بالمنتدى من تقديم العون لهم بما ينفعهم من معلومات تخص اللجوء ولهذا انتهزت الفرصة لأستشيرم ببعض الامور والتي تخص اللجوء بما لديكم من خبرة ومعلومات قيمة لذلك المهم
إخواني الأعزاء أني قررت أسافر تركيا الشهر القادم ان شاء الله أنا وزوجتي واطفال2 واحب اسمع منكم بعض الامور اول شي شخبار اليوان اللي بتركيا اكو تسريع لا بالملفات؟ لان سمعت اللي بتركيا ما يطول اكثر من سنتين وللعلم عندي قصه تهديد قويه لاباس بها وإثباتات وايضا عندي اخويه في المانيا عنده الجنسيه يفيدني بشي اذا اخبرهم بذلك؟ وايضا احب اعرف منكم اكو مساعدات ماليه او اكل ملابس غيرها من المنظمات؟ لان سمعت مدينة سكاريا فيها مساعدات لان أقاربي فيها وهي مغلقه حاليا بس عنده علاقات هناك وكال أجيبك يمي اكو هيج ؟ وشغله ثانيه اكو تقديم من اسطنبول ؟ وهل المناطق الساخنة بالعراق لها الاولويه باليوان وبالسرعه؟ لان أني من الانبار وتعرفون شنو الانبار ووضعها وحاليا بحي الجهاد ببغداد وما إدراك ما حي الجهاد التهجير والقتل علني صار ، وبالنسبه للعمل هناك يسد المصرف ؟تحياتي أخوكم سعد الدليمي
-
اخ سعد هسة اتصلت بيوان اسطنبول بنفسي حتى اتاكد من موضوع التقديم وحاليا هذه اللحظة موقفي وايمتى يفتح ممعلوم فلازم تقدم من انقرة
تحياتي
-
مووو خوش والله شلون حظ بلكي منا للعاشر ينفتح زين ليش سادي معرفتي اختي
-
والله ماعرف كان مفتوح التسجيل
انشالله ينفتح عن قريب ماكالو شنو السبب يمكن اكو تعديلات او شي
تحياتي
-
لله يسمع منك يارب ويسهلها
-
مشكورة أخت راي ما قصرتي والله بس اريد اعرف سكاريا من اي ناحيه كلش زينة من ناحيه المساعدات ومكانها الجميل او جمال المدينة؟ وثاني شي مجاوبتي ع سؤالي اذا سمحتي اذا عندي اخويه درجة اولى في المانيا يفيدني بشي يعتي تحويل ملفي لألمانيا ممكن؟ مشكورة انتي ونيولايف
-
شكرًا نورتيني الله ينور عليج
-
اخويه مثل موضحولك الاخت راي وnewlife قبلي لكن موضوع المساعدات حاول تنساه اخي لانه مو كل محافظه توجد بها مساعدات وان وجدت في محافظه ما فهي ليست بشكل مستمر ولايمكن الاعتماد عليها لذلك هيأ مبلغ مالي تعتمد عليه بفتره بقائك في تركيا والله يوفقك يارب
-
شكرًا عيوني تسلميلي يعني شنو قصدك لازم عندي وارد من العراق؟ وليش الشغل هناك ميسد؟
-
اها يعني تقصدين لازم عندي وارد من العراق مووو ؟؟ زين في حالة الواحد ما عنده وارد شلون؟
-
اها يعني تقصدين لازم عندي وارد من العراق مووو ؟؟ زين في حالة الواحد ما عنده وارد شلون؟
اخ سعد تركيا يحتاجلهه مصرف وامكانيه ماديه قويه لازم معاك مبلغ محترم من تجي وحاليا بعض المحافظات تطلب ايجار
لمده 6 اشهر او سنه ليكدام وبايجار غالي يعني لازم تكون مهيأ نفسك من الناحيه الماديه
والا من الافضل ان تقدم من عمان هناك اليوان ينطون راتب شهري ممكن يسد قسم من المصاريف
السلام عليكم ممكن اعرف من حضرتكم على التقديم من عمان على AL UN اجراته تتاخر لو نفس تركيا وهل صحيح مثل ماسمعت انو واحد يقدم ويرجع للعراق وقبل موعد المقابله يرجع العمان وهل صحيح يعطون راتب شهري ....... واذا ذكرت انو عمي بالمانيه هل يساعد في توطيني ...... واسفه جدا على الاطاله بس احنه ما النه احد غيركم يساعدنه وشكرا لكم جميعا
-
الاخت مروة عمان افضل من تركيا لانه بعمان المواعيد شهرين لكن في تركيا سنه ونص بس حتى تقابلين مقابله اولى وعمان ايضا تكدرين تتكلمين وياهم لكن تركيا لغتهم صعبه جدا والناس ديقدمون من تركيا لانه عمان غاليه ومن تقدمين اختي بعد ماكو شي اسمه رجعه للعراق تقدمين وتنتظرين لحين السفر والله يسهلك امرك
-
مرحبا .... شكرا اخي على الرد بس مكتلي صحيح اكو راتب شهري ؟ واذا كتلهم عمي بالمانيه مجنس الماني يفيدني بالقضيه وشكرا
-
السلام عليكم
ممكن احد يعرف او عنده معلومه شلون اعرف المحافظات المفتوحة للترحيل في تركيا .وهل صحيح هي ثلاث محافظات تفتح كل شهر لو شلون ؟ وهل اكو محافظة قريبه من اسطنبول ؟ هل يمكن ان تسكن باسطنبول وتروح توقع كل اسبوع يصير هيج ؟وشكرا
-
مرحبا جميعا
بالنسبة للعمان ترة مو مثل مامفهميكم اكو راتب صح بس قليل ومو اي شخص يحددولة راتب مثل الحال بتركيا وسوريا ايضا
وتركيا اغلى من بقية الدول العربية المجاورة مو عمان اغلى لكن المعروف انو تركيا اسرع بالهجرة لكنن مشكلتها هي اللغة فتكون فرص العمل مو سهلة والعمل ممنوع للاي لاجيء باي دولة لكنهم يعملون بالخفاء لان الناس منين تعيش يعني
وهذه شغلة تقدم من عمان وترجع للعراق تنتظر ماكو هيج فلم مجرد ان ترجع للعراق ملفك يتكنسل
اني صديقتي طلعت من 2011 قدمت بعمان وهي مسيحية وطلعت باحداث تفجير الكنائس بالعراق وعدها اسباب قوية جدا وهسة قبل فترة قليلة يالة سافرت يعني عمان مو الاسرع بالهجرة
بس نطلب من الاخوان الجدد الي جاين لتركيا ان يتحملون الحياة الحديثة الغريبة تماما عن العراق ويحاولون يتعلمون كم كلمة تركي يمشون حالهم مثل مااضطرينة كلنة نتعلم واني اعتبر تركيا هي محطة تدريب للحياة الجديدة في بلاد الغرب حتى لاتنصدم هناك اكثر لان البلدان العربية مابيها حداثة الحياة كما في تركيا لان هنا راح تفهم انو الحياة هي بسرعة البرق ولازم تواكبها ماكو وقت للنوم والكسل راح تتعلم كيف توازن الحياة العملية وتستغل كل ثانية من اجل الاستمرار اهم شي هي الارادة والتمسك بيها
الله يسهل امور الجميع
تحياتي
-
بالنسبة لللايجارات اني ماسامعة يطلب 6 اشهر ليكدام لازم ولا صارت وياية . شهر بشهرة الايجار انت اذا عرضت هل الشي على المؤجر ان تنطي سنة ليكدام همة مراح يعارضون
بسكاريا ماكو هل الشي وايجاراتها رخيصة مقارنة بغيرها
-
صح لسانك يل غاليه هو هذا الكلام العدل بس صدقيني اخويه بعمان واني رايح لعمان بالقران غاليه جهنم ولا ينعاش بيها اولا شعب لا يطاق ثاني شي عمان غلت اكثر بعد احداث سوريا ونايمة عليهم الطابوكة العراقيين أهناك
-
اخويه سعد هذا رابط لموضوع الاخ عمر السامرائي شارح بيه تفاصيل دقيقه عن الاسعار في تركيا اتمنى تستفاد منه
http://www.ankawa.com/forum/index.php/topic,698523.0.html
-
حبيبي bigman وداعتك اطلعت ع شكو موضوع خاص بتركيا بالمنتدى بس اكو ناس تحب تجتهد هل شي من ذاتها ومااعرف ليش تحياتي الك يل غالي
-
مشكورة أخت راي ما قصرتي والله بس اريد اعرف سكاريا من اي ناحيه كلش زينة من ناحيه المساعدات ومكانها الجميل او جمال المدينة؟ وثاني شي مجاوبتي ع سؤالي اذا سمحتي اذا عندي اخويه درجة اولى في المانيا يفيدني بشي يعتي تحويل ملفي لألمانيا ممكن؟ مشكورة انتي ونيولايف
السلام عليكم
اخي العزيز
انا وعائلتي من محافظة سكاريا صار لنا سنتين فيها ومثل ما تفضلت الاخت راي جزاه الله الف خير .
محافظة سكاريا جميلة وناسها اطيب لاخير عليكم رخيصة نوعا ما قريبة على اسطنبول وانقرة جوها ممتاز رغم برودة الشتاء لكن افضل من باقي المحافظات الباقية اما من ناحية المساعدات يعطوننا كل ثلاثة اشهر كارتون حصة تموينية واوقات كل ستة اشهر او خمسة اشهر يعطونا مبلغ مايعادل 500ليرة للعائلة ويعطوننا كل موسم شتاء 38 كيس فحم مايسمى (الكمور ) بلتركي هذا الكلام عني نفسي انا .والايجارات من 300 الى 600 ليرة .
اما من ناحية الامنيات فكل جمعة اذهب ابصم .
اخي واي شئ تحتاجه نحن في الخدمة داعيا الله لك الموفقية .
-
هلا ومئة هلا بخيي ابو علي الله يحفظك انت والأهل يارب صدك مسدودة حاليا سكاريا
-
عيني مروة بالنسبه المانيا تأخذ قرابه درجة اولى فقط يعني اب اخ أخت ام هيج موو عم ولا خال وأنصحك بتركيا لان عمان غاليه ولا راتب ولا شي أنسي الموضوع