ankawa
منتدى الهجرة واللجوء => الهجرة و واللاجئين => الموضوع حرر بواسطة: سيف الدين حقي في 23:46 17/09/2013
-
السلام عليكم شباب
شباب اني بعدني مامسافر وناوي اسافر لتركيا وحضرت اوراق ثبوتية عن قضيتي وسبب طلبي للجوء الانساني
بس سؤالي هوة هواي شباب يتكلمون عن عدم المحكومية هل هذا الاجراء يقومون بي اليو ان لو من الافضل انو اني اسوي عدم محكومية واخذة وياي الى تركياا حتى يكون ملفي كامل مابي اي نقص
واتمنى تجاوبوني حتى اسعى بيها اذا كانت مطلوبة وثيقة مهمة
-
اخي الكريم هذا الاجراء انت تسوي , وتسوي من مديرية الامن العامة في البلديات سابقا والان هي مقر دائرة التحقيق والتسجيل الجنائي تاخذ وياك مستمسكاتك مع ثلاث صور خلفية بيضاء وواضحة ومو سحب انما صور من مصور بكاميرا فوتوغرافية وتروح تقدمها وياخذون بصماتك ويكولولك بالضبط تراجعنا وتاخذ عدم المحكومية مالتك اذا ممحكوم بعد ثمانية ايام عمل رسمي بدون عطل ( يعني تحسب 8 ايام وراها وتروح تستلمها ) وتاخذها وياك من تسافر لاي مكان او تفيدك بأي مكان تقدم بي على لجوء .
أبو الحكم
-
اول الشي ان شاء الله توصل بلسلامة
ثاني شي انته رايح تقدم على يو ان وماراح يطلبوها منك
كتاب عدم المحكومية يطلب في حال قدمت على برامج التالية فقط
(SIV , الكفالات الكندية الكنائسية ولخماسية , كفالة استراليا)
اما اليو ان فمايطلبون هذا الكتاب واذا تريد تسوي فسوي انته ماخسران شي
تحياتي
-
شكراا اخي ابو الحكم وان شاء الله تلكاها في ميزان حسناتك يارب على جهودك المبذوولة
-
شكرااا اخوية العزيز دارك انجل على وقتك وجوابك منون منك
-
اخي الكريم انصحك بعمل كتاب عدم محكومية لانه كتاب رسمي ومهم جدا ومعترف به من قبل الكثير الكثير من سفارات العالم والامم المتحدة ويدعم قضيتك بشكل كبير وصحيح هو ليس مطلوبا ولكنه داعم وداعم قوي جدا لقضيتك وانصحك بعمله خصوصا وانه اجراء سهل لايحتاج منك لا الى وقت او جهد .
أبو الحكم
-
الاخ العزيز سيف الدين
كلام الاخوة صحيح وبالاخص اخوية ابو الحكم اني اليوم رحت حتى اسوي هذا الموضوع فقط اضافة هناك نوعين من عدم المحكومية الاولى داخلية يعني تستخدم للدوائر اللي بداخل العراق وهذه تستخدم لاغراض حسم القضية وماشابه وتكون باللغة العربية ويطلبون منك فقط المستمسكات اللي كال عنها الاخ ابو الحكم اما الثانية فهي خارجية وتكون باللغتين العربية والانكليزية ويطلبون منك المستمسكات الاربعة +الجواز وهذه كلها اصل وصورة بالاضافة الى 3 صور ورسم 10 دينار عراقي والشغلة سهلة وبسيطة والموظفين والموظفات ناس طيبين ويساعدون.انصحك ان تاخذها وياك (النوع الثاني ) لان مثل ماكال اخوية ابو الحكم راح تفيدك.تحياتي
-
طبعا اخ ابو الحكم الله لايحرمنة منك ومن معلوماتك ومنون جدا منك والله حتى الحجية احجيلها عنك وعن الاخوان الي ديساعدوني ودائماا تذكركم بلخيرر
-
اخ Maytham1979 مشكور جدا على وقتك وشكرا على معلوماتك القيمة ويارب تشوف كل الخير ومتشوف شر
بس سؤال اخ ميثم وين مقرهاا الدائرة حتى اباشر بلاجرات مالتهاا لان شوية ما اندل بهاي الاموررر واكون منون منك
-
العنوان
مديرية الامن العامة سابقا في البلديات والان هي مقر دائرة التحقيق والتسجيل الجنائي المسؤوله عن طبعات الاصابع وكتب عدم المحكومية .
أبو الحكم
-
منون منك اخوية ابو الحكم