ankawa
منتدى الهجرة واللجوء => الهجرة و واللاجئين => الموضوع حرر بواسطة: ام بدور في 08:15 18/09/2013
-
السلام عليكم اخوتي واخواتي اني ساكنة باميركا صار 3 سنوات دخلنا على السنة الرابعة وقدمنا هل السنة على الحج اليوم يكولون اكو عرقلة بالفيزا مالتكم لان الجواز مابيه تاشيرة دخول مع العلم احنا من دخلنا ما اشرو الجواز فقط i 94 هسه احنا شبة ميتين من القهر تدرون اتحضرنا وكملنا كل شي حتى المصاريف كلها دفعناها وهسه دزينا الهم نسخة من i 94 اكو احد سامع بهيجي شي ؟ مثل حالتنا وشكد نسبة القبول والرفض
الله يخليكم ويحفظكم وين ماجنتوا ويسهل امر البقية الي دينتظرون اللي عنده معلومة بهل الخصوص لايبخل علينا رعاكم الله وحفظكم من كل سوء
-
UP
نرجو من المساعده من اصحاب الخبره
تحياتي
-
ام بدور الله يسهلج ان شاء الله. وطبعا الحج احسلج من لاس فيغاس.
اختي العزيزة ممكن توضحين موضوع المصاريف مال الحج
ابو سارة
-
الاخت العزيزة ام بدور تأثرنا هواية لحالتكم نسأل الرب جل جلاله ان يمن عليكم بأجر الحج حتى لو لم تذهبون لاسامح الله تعالى واحنا راح نسأللكم معارفنا وان شاء الله مانقصر ابد . اما هذا الكلام السخيف الي يكول لاس فيكيس احسن من مكة المكرمة وزيارة قبر الحبيب صلى الله عليه وسلم فأقول (الي يتكلم لو يتكلم بخير لو يسكت احسن) مع الاسف على هذا البشر اذا انت مسلم فعيب التعدي على الله تعالى واذا كنت غير مسلم فما من حقك تعتدي على بقية الاديان لأن هاي قمة العنصرية
saad ahmad
-
السلام عليكم
اشكر اخوتي الي ردوا على الموضوع بشكل لائق ومحترم
اما memoclever الحج ركن من اركان الاسلام والتعدي عليه لايدل الا على الكفر والشرك ومو بعيدة عليك هاي الصفات والله يبعدنا عن هيجي تماذج متشرف المجتمع الانساني ندعو من الله الهداية
-
ربي يسهل اموركم ويرزقكم حج البيت اما البطل الي يستهزء اكله الله يهديك وينور قلبك
-
اختي العزيزة
حاولي الاتصال باحد فروع هذه الشركة في امريكا فهم لديهم اجابة عن جميع استفساراتكم بعون الله:
http://www.darelsalam.com/contactus.aspx
ابو سارة
-
الله يسرامركم ان شاء الله..اليوم ان شالله راح اسأل اصحب الجامع الي بولايتنا عسى ان يكون خير ان شاء الله...
اما ابو لاس فيغاس ..فهاي النماذج مع الاسف ماعدهم احترام لا لدين ولا مذهب...
-
السلام عليكم ..
قال تعالى : ( ولله على الناس حج البيت من استطاع إليه سبيلا ومن كفر فإن الله غني عن العالمين ) {آل عمران: 97}
اختي العزيزة ام بدور اتمنى ان ييسر الله لكِ حج بيته هذا العام ويأجرك على نيتك .
بالتوفيق ان شاء الله .
-
الأخت أم بدور يسر الله أمرج وبالتوفيق أن شاء الله أذا ذهبتي للحج فهذا فضل من الله سبحانه وتعالى (ومن كان مع الله كان الله معه ) (صدق رسول الله ) صلى الله عليه وسلم أما من رد عليك بكلام غير لائق فنقول ( كلمن يرى الناس بعين طبعه ) بالتوفيق أختاه .......
-
الاخت العزيزة ام بدور تأثرنا هواية لحالتكم نسأل الرب جل جلاله ان يمن عليكم بأجر الحج حتى لو لم تذهبون لاسامح الله تعالى واحنا راح نسأللكم معارفنا وان شاء الله مانقصر ابد . اما هذا الكلام السخيف الي يكول لاس فيكيس احسن من مكة المكرمة وزيارة قبر الحبيب صلى الله عليه وسلم فأقول (الي يتكلم لو يتكلم بخير لو يسكت احسن) مع الاسف على هذا البشر اذا انت مسلم فعيب التعدي على الله تعالى واذا كنت غير مسلم فما من حقك تعتدي على بقية الاديان لأن هاي قمة العنصرية
saad ahmad
صح لسانك