ankawa
منتدى الهجرة واللجوء => الهجرة و واللاجئين => الموضوع حرر بواسطة: asmar22 في 03:48 19/09/2013
-
السلام عليكم اخوانى الاعزاء
لدى استفسار عن مشروع هشتى بهشت من عندة معلومات عن هذا المشروع لان انى اشتريت شقة من ثلاث سنين والمفرض استلم هذة الشقة فى نهاية عام 2012زولحد الان يتم تاجيلنا شهر بعد شهر
هل تم النصب علينا ام ماذا وماذا عم د رشدى
رجاء من عندى اية معلومات يفيدنى بيها لان انى كلش قلق من عيشة بغداد واريد ان انتقل الى اربيل
علما بانة ليس لدى عقار فى بغداد وانا مؤجر شقة فى بغداد وصاحب الايجار فى كل فترة يطلب زيادة بالايجار او اتشوف الك غير مكان
وانا ممنون للجميع وشاكر لفضلكم جميعا
اخوكم الاسمر
-
اخوية نصيحة مني الك تعال وافتهم من اهل العقارات لان همة يعرفون كل مشروع شيصير بيه , ترة هواية جتي شركات اخذت فلوس من العالم وبعدين طفروا واكو بعض الشركات مبيعاتهم قليلة فمايكدرون يكملون المشروع بالوقت المحدد مثل مشروع فلوريا كاموا ايدللون بالشقق وحتى نزلت اسعارهن نزول مو طبيعي , لان تعرف همة تقدمهم بالمشروع يعتمد عالمبيعات واذا تكدر اتبيعهة وتشتري بغير مشروع مبني وكامل احسنلك
-
اخي الحبيب اسمر22 اني خابرتلك احد العاملين باحدى المجعات السكنية عن موضوعك وكال ابد لايهتم الشركة الي بنت شقق وساكن هشتي بهشت شركة معروفة ولم نسمع عنها خلل سوى التاخير بالتسليم والان هم دا يسلمون بعض مفاتيح الشقق الي خلصانه راح يسلمون بعد شقق اخرى واسم الشركة هو عادل المتحدة والمجمع فوك منطقة كسنزان وعندهم قناة خاصة اسمها اي يو سي يكول خلي يلح عليهم بالمكالمات رقمهم بالقناة موجود واني اخي الحبيب بخدمتك اعتبرني اخوك باربيل شتريد اني حاضر اخوك الرجل العراقي
-
اخى العزيز شكرا جزيلا على هاى المعلومات
انى شنو المدوخنى دافع عشر اقساط من 12 والمفروض استلم الشقة من قبل اكثر من سنة وكل شهر ايكولون الشهر الجاى وصاحبها د رشدى اعرف وعندة قناة اى يو سى الفضائية اعرف هذا بس اخاف انضرب بورى وتروح علية الفلوس لان كمت ما اضدك بيهم لان بالبداية جانو ايكولون الشركة مساهم بيها ابراهيم طاطلس وبعدين انسى اسم ابراهيم وظل بس اسم رشدى الجاف وكام يعزم الفنانين ويتبرع بالفلوس وووو
المهم اذا انتة من اربيل شنو معلوماتك عن هذا الرجل وليش هذا التاخير بالتسليم لان اعتقد تقريبا الشقق كاملة لان انى زرت المشروع من قبل اكثر من سنة وكانت شبة منتهية
وانى شاكر للجميع واللة ايوفقكم جميعا
اخوكم الاسمر
-
سلام عليكم اخواني انا هم باربيل الشي الي سمعته هو انو دكتور رشدي طفر على امارات والشركة تفلست وقسم يكولون القناة هم انسد ومعزل هسة بس اني ما متاكد حقيقتة يعني حكي شوارع بس مكتبهم بالقرية الانكليزية اذا تريد تسال فرد يوم
-
اخي الحبيب ان شاء الله اجيبلك الخبر اليقين قريبا حتى لو اوح للموقع بنفسي
-
انى شاكر لفضكم جميعا اتمنى لكم كل التوفيق
-
مرحبا اعزائي
اخوان مكتب دكتور رشدي بالقريه الانكليزيه انسد و اجر بنايه اخرى ع طريق عنكاوة بصف كورك تيليكوم
تحياتي
-
اخي الحبيب طلع كل الكلام صحيح دكتر رشدي مهزوم للامارات من بعد ما سارق افلوس الشركة ضاربين اخوه طلقات امعالجة ومسافر وهسة حتى العاملين بالمجمع مايعرفون عنه شي نصحني احد الاخوة العاملي بالمجمعات السكنية ان تجي انت ال اربيل وتفتر على مكاتبه واذا ماوجدت حل اتروح على مديرية استثمار اربيل لان كل شخص يريد يبني مجمعات لازم بشروط من ضمنها ان هذا الرجل يمتلك مبلغ محدد من المال بالبنك كامانه اتروح الهم اتشوف اشلون تسترد افلوسك واي هنا مثل اخوك شن اتريد بخدمتك خوك علي ابوالحسن