ankawa
منتدى الهجرة واللجوء => الهجرة و واللاجئين => الموضوع حرر بواسطة: brayanzix في 09:51 19/09/2013
-
السلام عليكم
اخواني واخواتي الاعزاء مشكورين على مساندتكم الي
كملت المقابلة البارحة واديت القسم وسلمت المستمسكات وضافولي الطفل بدون اي مشاكل واستلمو الجوازات واخر شي الضابط انطاني ورقة بظهارها وصل هاي الورقة مكتوب بيها لقد تم رفض تاشيرتك حسب المادة 221 (g) من قانون الجنسية الامريكية الى حين نكمل الاجراءات الادارية وثانيا تكمل الوثائق المطلوبة للطفل .
سؤالي هل هذا الرفض نهائي لو اكو امل
حقيقة اني سئلتة كال هذا روتيني لحد ما ادز الاوراق مال الطفل
وجيكت بالموقع هم مكتوب ادمنستريتف بروسسنك
رأيكم اخواني
تحياتي
-
وعليكم السلام اخي .. اني جاوبتك على هذا موضوعك بالكروب مال اخونة ابن الحلة ورح اجاوبك هنا همينة
هذا الاجراء اللي صار وياك شي طبيعي وروتيني لانه بيوم المقابلة لازم ينطوك لو قبول لو رفض بالقانون الامريكي فماطول منطوك فيزة اذا لازم ينطيك رفض مؤقت معتمد على انتهاء الاجرائات الادارية والدليل على كلامي هذا الموقع المأخوذ من السفارة الامريكية ابغداد
http://iraq.usembassy.gov/221g/what-does-a-221g-refusal-mean.html
-
مشكور اخوية مصطفى على رفع المعنويات
يعني اللي فهمتة منك ومن الموقع راح تمشي اوراقي حتى لو تاخرت باكمال اوراق ابني الجديد ولو كلش خايف لاينسد البرنامج واني ما الحك لان تعرف انت المعاملات بالعراق العظيم .طبعا اني شلون ما احسبها فراح يبقى اربع او خمس ايام الى ان توصل الاوراق للسفارة والله مسطور سطرة مال اوادم لان تعرف خلينة كومة فلوس والله ايسهل علية وعلى المنتظرين من اخوتنة
مشكور يلغالي
-
اخوية اني دا امر بنفس حالتك ...والمشكلة اني بتركيا ...ولما ادز الأوراق وتكمل يرادلهة شهرين او شهر عالأقل ...ومدا ادري شلون و وين رح تصفا ...لما خلصن الأمنية هم مفضت ...والله كريم شتكول نسويهة جوازات كلك ؟؟؟لأن الوكت ديمر وراح يروح تعبنة بلة فايدة