ankawa
منتدى الهجرة واللجوء => الهجرة و واللاجئين => الموضوع حرر بواسطة: احمد السنفور في 15:49 19/09/2013
-
تحيه خاصه لكل اخواني بالمنتدى و الف الف مبروك لكل الاخوه الطلعت الفيز مالتهم و نتمنى لهم حياه جديده و سعيده
بس ما اصدك يجي يوم و اكلكم باركولي لان شغلتي بالحظ و اني حظي مو هلكد و اني محدق و كاعد انتظر و بطلت من شغلي و زوجتي حامل و اذا ولدت هنا راح تنلاص اكثر و اكثر و بسهر العاشر 15 تدخل بشهر الولاده و 30 تسعه احتمال تنسد
اخوان دعواتكم تره اليوم عندي بسنه
-
الله ايفرج همك ويسهل امرك ويعجل الك بالسفر
-
حبيبي اشكرك على المرور و الدعاء
-
الله يفرج همك وهم كل الاخوة والخوات الكاعدين منتظرين على احر من الجمر واني واحد منهم
الموفقية للجميع يارب
اخوكم عمر
-
الله يفرج همك يا اخي وهمي وهم كل مهموم
ويارب نسافر وتصير سوالف
-
شكرا لكل الاخوان على المرور الطيب و ياربي بالتوفيق للكل و يفتح الله لنا بالخير
-
ان شاء الله اخويا يجي اليوم الي انباركللك بيه
الله يفرجها عليك وعلى كل المنتظرين
اختك ام راما
سوريا
-
خوية ابو شهاب ان شاء الله تفرج والولادة تكون بامريكا بحق محمد وآل محمد
والله اعلم بالصالح
انا هم كنت اكول مثلك هم يجي يوم واكتب باركولي
والحمد لله اجى هذا اليوم وكتبتها وان شاء الله انت هم تكتبها
اخوك يوسف
-
خوية ابو شهاب ان شاء الله تفرج والولادة تكون بامريكا بحق محمد وآل محمد
والله اعلم بالصالح
انا هم كنت اكول مثلك هم يجي يوم واكتب باركولي
والحمد لله اجى هذا اليوم وكتبتها وان شاء الله انت هم تكتبها
اخوك يوسف
-
تشكرات لكل الاخوان و ان شاء الله كلنا نلتقي بامريكا
-
حبيبي ابو شهاب
اني مثلك اصلا اليوم اني كلت انتهى الموضوع وبعد ماكو اي أمل وأي شغل يجيني بأي مكان اشتغل لان فقدت شغلتي وضيعت شغل كومة بسبب الانتظار وضيعت 3 سنوات من عمري مابين معاملة وانتظار واني من اليوم انتهت أحلامي بالسفر وبدليل انه ماكو اي تحديث على الكيس مالتي بعد وصول الفحص الطبي الي همة ما طلبوه بس اني سويته وكلت بلكي يتحرك الكيس مالي وماكو اي شي وحبيبي علامات اليأس دمرتني
-
شنسوي حظنا و نصيبنا و قسمتنا احتمال ما مكتوب النا السفر و احنا دنغامر و خسرنا فلوس و روحات و جيات و تعب و انتظار و نكول يله السفر يستاهل بس شنسوي الله كريم نسال الله ما يضيعلنا تعب و يعوضنا احسن من هاي و يحمينا في اوطاننا
-
طبعا كتبت رد فد شي كلش جبير , وراح لانه النت وكف ههههههههه
بس تدلل وارجع اكتبلكياه
اخي العزيز صدكني تفرج لانه ماضاقت الا وفرجت , اني جنت نفس حالتك وكتبت نفس موضوعك وكلت هل معقوله ان اني يجي يوم واكتب باركولي ؟؟
واجه هذا اليوم ... والحمدلله و البشر كلهه سواسيه واكيد يجيك اليوم الك همين اخي العزيز
انت توكل على الله وخليك متفائل التفائل هو مفتاح كلشي صدكني
-
انت هم راح اخليك بخانه اخويه العزيز اشكرك على المرور الرائع تسلملي اخويه الذهب بس حالتنا بعدلها 10 ايام مو مثل حالتك اكيد لان جانت مفتوحه بس انتظار احنا حالتنا نهايه برنامج siv .
-
انشاء السفر والموفقيه للجميع يا رب
-
اخوان مروركم العطر و الجميل ديصبرني .اشكرك اخويه
-
ولله اخويه العزيز مجنت منتبه على موضوع ال SIV
اني هسه دا اسمع من عدكم هل معقوله انو غلقوا .. ؟ زين اني انتهبت انو الناس سوت تصويت وهذا التصويت يسوي شي
بس وداعتك وداعه كل غالي عندي .. انت تسافر وانشالله يارب قريبا
-
الله يسمع منك اخويه تدري مليت الانتظار و الكعده لا شغل لا عمل لا امان حتى مرتي ملت مني من الكعده هههههههههههههه و الجهال كاموا يغنولي الاغاني مال قناه طيور الجنه لا شغله و لا عمله .تحياتي الك تره ملينه
-
تحياتي الك والى شخصك الطيب
اصعب شي هو الانتظار فهو ممل جدا
اما بالنسبه للتعب , فكله يهون بأول رساله تبلغك بالسفر انشالله
ومثل مكلتلك كبل
تفائلوا بالخير تجدوا
اما بالنسبه الاطفالك , فهمهم الي يغني الطيور الجنه ( اعلكه علدرج )
تحياتي الك يا ورد
-
تحياتي الك و لكل اعضاء المنتدى الطيبين و هذا الموقع الجميل و العمالقه البداخله و المبدعين
-
يا اخويه الله يعينك ويفرجها عليك وعلينا وعاى كل العراقيين المنتظرين مو بعيده عن رب العالمين يفرجها ويسهلها علينا
-
اخي العزيز
خلي ثقتك برب العباد وتوكل على الله بس مدام عند اهللك ظروف الحمل لابد ان تخلي ابالك ان تصفي بسرعة لان اذا طلعت الفيزا رح يشرطون عليك السفر السريع و ان شاء الله تفرج عليك في اقرب وقت وكلنه كنا مثلك والفرج على ساعة
مع الشكر تقبل مروري
-
حبيبي مرورك ع العين و الراس الحمد لله رب العالمين ع كل حال .و الله اذا تكول سفرك سريع ماعندي شي ياخرني بس تحظير الجنط و اذا يريدوني بلا جنط هم اروح هههههههه .تحياتي الك
-
ان شاء الله يجي يوم سفرك اقرب مما تتصور ونباركلك وتفرح وتسافر انت وجميع المنتظرين ومايبقى ولا واحد منتظر لا من داخل المنتدى ولا من خارج المنتدى بجاه النبي محمد وال بيته واسال الله التوفيق للجميع .
-
ربي ألهي يفرجها عليك بالقريب العاجل مثل مفرجت علينه يارب انك سميع مجيب
يارب يفرج همك وتبشرنه بكل خير ان شاء الله
تقبل مروري
اختك ام شاهين
-
تشكرات لخواتي ام اديان و ام شاهين و لكل الاخوه الشاركوني بالموضوع
-
ابو شهاب خوية بشرنا ماكو شئ ان شاء الله اصدار الفيزا والسفر بالقريب العاجل ربك قادر على كل شئ بثوان
دعائي لك بالتوفيق
اخوك بالله يوسف
-
و الله مسوي ويتنك و كاعد اباب الويب سايت و كلشي ماكو بس اليأس حاليا 90% صار عندي و النسبه في تصاعد و كلشي قسمه و نصيب
اشكرك اخويه يوسف بس اطمأن الجو احركه بالمنتدى اذا صدرت الفيزا حتى صعادات اضرب
-
و الله مسوي ويتنك و كاعد اباب الويب سايت و كلشي ماكو بس اليأس حاليا 90% صار عندي و النسبه في تصاعد و كلشي قسمه و نصيب
اشكرك اخويه يوسف بس اطمأن الجو احركه بالمنتدى اذا صدرت الفيزا حتى صعادات اضرب
الله يكتبلكياها ويفرح اخوية
-
اخواني اجى اليوم الكتلكم باركولي بيه و اخيرا صدرت الي بس يقت زوجتي
-
الف مبرووووووك اخويه لتشهيل هم ..
انشالله تطلع لزوجتك باقرب وقت وتكوم بلسلامه بامريكا
-
اشكرك اخويه الغالي
-
الف مبررروك اخويا توصل بالسلامه
اختك ام راما
سوريا
-
اشكرج اختي الغاليه ام راما تشكرات
-
اخونه العزيز احمد ابو شهاب الورد
باركنالك وصارت صدوووووووك (ربنا يمهل ولا يهمل ) الف الحمد لله والشكر
يارب يفرحك دائما وتبشرنه بصدور فيزة زوجتك وتنورون كل امريكا بالقريب العاجل ان شاء الله
تحياتي
اختك ام شاهين
-
تحياتي الج اختي ام شاهين كنت انتظر تبريكاتج و كتبت بوحده من التعليقات انتظر ام شاهين تباركلي