ankawa
منتدى الهجرة واللجوء => الهجرة و واللاجئين => الموضوع حرر بواسطة: mrlooseurself في 02:35 21/09/2013
-
السلام عليكم
صارلي مدة طويلة مافاتح الايميل مالتي وهسة فتحته ولكيت الرفض باتاشميت فايل .... رفض نهائي واماشرين المربعين الاول والاخير علية
انصدمت مدري اضوج مدري ابجي مدري شسوي ؟؟ بقيت صافن وكلت الله لايوفقهم ان شاء الله لان ورا كل هاي المدة وانتظار 3 سنوات صارلي على الخالي بلاش وهسة رفض !!!
وهسة اني مااعرف شنو اسوي ..
علما اني اس اي في ...
اخواني اريد مساعدتكم فقط بالمار بهيجي شي . شنو الحل هايهية اتركها السالفة مال السفر وايأس من رحمته ومن امريكا .؟ لو بيها مجاال
طبعا الرفض بسبب الشركة مال جي ال اس كوني فشلت بالاختبار الامني واتوقعته وهذا الحجي قبل 4 سنوات ضبط
والرفض اجاني من السفارة الامريكية يعني COM
امري لله بس اللي يعرف يساعدني شنو اسوي ليبخل واخوكم تعبت حيل والله
حتى مليت وكرهتها لامريكا بسبب اللي ديصير وياية واللي داشوفه بعيني
-
اخي ما اعرف بصراحه ب برنامج اس اي في
واعتقد هو هم يريدون يسدون للبرنامج
شوفلك احد يعرف بموضوع الاستئناف اذا اكو
وانصحك قدك أي او ام ايضا ... والله كريم
اخوك ابو محمد
-
لا حول ولا قوة الا بالله ..
الله ينتقم منهم ويكون بعونك اخي ..
ان شاء الله يدخلون اصحاب الخبرة ويفيدوك .
-
قصدك انرفضت بسبب فشلك بجهاز فحص الكذب البولي كراف بسنة 2009 مو ؟؟؟ عادي ولايهمك قدم على IOM وتنقبل وتقابل مقابلة اولى وكلهم انرفضت من برنامج SIV بسبب فشلي بجهاز فحص الكذب واني اعلمك واكلك شنو تكول للمحلف من توصل مقابلتك للمحلفين واخليك تنقبل مثل الورد وياما مترجمين مثل حالتك بالضبط هم مرفوضين لنفس السبب وقابلوا محلفين واكتملت امنيتهم وسافروا وهسة بأمريكا , لاتهتم ولاتضوج ابدا وقدم IOM من هسة وان شاء الله يمشي ملفك بسرعة وتسافر بأسرع وقت واحنا كلنا اخوانك هنا واني اولهم ووياك خطوة خطوة .
تحياتي ياطيب
أخوك أبو الحكم ( جار الانتظار سابقا )
-
ربنا يكون بعونك ويصبرك
اخي العزيز قدم على ال اي او ام بأسرع وقت ويارب تفرج عليك وتبشرنه بكل خير ان شاء الله
تحياتي
اختك ام شاهين
-
يعني كل واحد عنده فشل بالسكرين اثناء العمل , يؤدي الى الرفض بالسفر... زين الي نعرفه كمترجمين مئات من من العاملين مع الجيش فشلو بالسكريننك , هل كل من يفشل بالسكرين بنرفض بالسفر.. هذا الشئ مايشيله العقل , واعتبره ظلم .. لان ناس عملت لسنوات مع الجيش الامريكي كمترجمين ينرفضون وناس ما الهم اي صله , بسبب الصله العائليه تسافر واحنه الي اشتغلنا بأتعس الظروف .. لاحول ولا قوه الا بالله حسبي الله ونعم الوكيل, وين العدل
لو منتمين لاحزاب بالدوله هم جان حصلنا وظايف ... اريد الكل بخاصه المترجمين لان همه على الدرايه بهاي المشكله الحساسه ان تنطي رأيها بموضوع الفشل بالسكرين وتأثيره على الرفض والقبول , وهل هناك فرق بالتعامل مع هكذا مشاكل من قبل ال SIV و IOM .. الي نعرفه ولايخفى على احد انه البلاك لست هو الي بيقه مايروح.. اما الفشل بالسكرين فا ينتهي بعد سنه .. يعني فشل بالسكرين بسبب الفائض انذاك يعتبر تهديد الامن القومي.. اعتقد هذا الشئ ابد مو منطقي .. اتمنى كل المترجمين ينطونا رأيهم واذا تعرفون من معارفكم عدهم فشل سكرين وسافروا او انرفضوا , او استانفوا بعد الرفض وانقبلوا حتى نعرف هاي المشكله الي محيره الكثير من المتقدمين على السفر .. واسف على الاطاله
-
UP
-
رسالة شخصية (متصل)
رد: رفض جميع منتظري فيزة الاس اي في بعد 30-9 مو خوش خبر
« رد #20 في: اليوم في 18:14 »
رد مع الاقتباس تعديل الرسالة حذف رسالة
مقتبس من: mrlooseurself في 07:58 11/09/2013
مرحبا اخواني
للاسف اني انرفضت ومااعرف شأسوي
اخي العزيز الله يساعدك بس انت منزل موضوع الرفض فبل 10 ايام بدون نفاصيل اليوم نكول اجاني رفض لو ذاكر النفاصيل التفاصيل من قبل جان هوايه اخوه ساعدوك
-
يعني كل واحد عنده فشل بالسكرين اثناء العمل , يؤدي الى الرفض بالسفر... زين الي نعرفه كمترجمين مئات من من العاملين مع الجيش فشلو بالسكريننك , هل كل من يفشل بالسكرين بنرفض بالسفر.. هذا الشئ مايشيله العقل , واعتبره ظلم .. لان ناس عملت لسنوات مع الجيش الامريكي كمترجمين ينرفضون وناس ما الهم اي صله , بسبب الصله العائليه تسافر واحنه الي اشتغلنا بأتعس الظروف .. لاحول ولا قوه الا بالله حسبي الله ونعم الوكيل, وين العدل
لو منتمين لاحزاب بالدوله هم جان حصلنا وظايف ... اريد الكل بخاصه المترجمين لان همه على الدرايه بهاي المشكله الحساسه ان تنطي رأيها بموضوع الفشل بالسكرين وتأثيره على الرفض والقبول , وهل هناك فرق بالتعامل مع هكذا مشاكل من قبل ال SIV و IOM .. الي نعرفه ولايخفى على احد انه البلاك لست هو الي بيقه مايروح.. اما الفشل بالسكرين فا ينتهي بعد سنه .. يعني فشل بالسكرين بسبب الفائض انذاك يعتبر تهديد الامن القومي.. اعتقد هذا الشئ ابد مو منطقي .. اتمنى كل المترجمين ينطونا رأيهم واذا تعرفون من معارفكم عدهم فشل سكرين وسافروا او انرفضوا , او استانفوا بعد الرفض وانقبلوا حتى نعرف هاي المشكله الي محيره الكثير من المتقدمين على السفر .. واسف على الاطاله
-
شكرا على كل من واساني ورد على موضوعي
اخواني اني صار بية هسة احباط شديد او يأس من الموضوع وبالعراقي خرب واهسي
لااريد امريكا وكرهتها وانعل ابو اليوم الاسود اللي اشتغلت وياهم وليهسة اني لاامحصلي وظيفة صارلي 3 سنين انتظر ولامتزوج ولامتعين كلها من وراهم
الله لايوفقهم اشكد اجلاب ولد اجلاب شركة جي ال اس .. حطموني وخيبوا امالي اللي جانت على الاقل سكتة وهدوء ومااعرف النتيجة !! لو ممجاوبيني اهواية احسن
عيني انته التسأل على سبب الرفض وهوة امأشريلي على المربعين الاول والاخير اللي نفسهن موجودات بال HR
الاول ينص انو اني ماامزودهم بخدمة جيدة والثاني انو اني غير مؤهل للعيش بالولايات المتحدة !!!!!
اسمعوا بللة غير مؤهل ومشتغل وياهم سنة ونص !!!!!!! منو مؤهل لعد ابو الكي بي ار؟؟؟ لو اليبيع سيديات مع كل الاحترام
كلها صوجي وعفت كليتي من وراهم
حسبي الله ونعم الوكيل
-
السلام عليكم
ابو الحكم يابا راسلتك عالخاص وما جاوبتني ارجو ان تقرا الموضوع وبانتظار ردك اخوية الكريم
-
أخي العزيز ..أولا كان الله في عونك والله يعوض صبرك وانتظارك بكك خير..
أنصحك تراسل الاخ عراقي هواي لان هو سبق وان إنرفض وقدم استئناف والحمد لله صدرت فيزته..راسله وشوف شينصحك ,اني متاكد مراح يقصر وياك..
سامي75
تحياتي
-
انتحر
-
قصدك انرفضت بسبب فشلك بجهاز فحص الكذب البولي كراف بسنة 2009 مو ؟؟؟ عادي ولايهمك قدم على IOM وتنقبل وتقابل مقابلة اولى وكلهم انرفضت من برنامج SIV بسبب فشلي بجهاز فحص الكذب واني اعلمك واكلك شنو تكول للمحلف من توصل مقابلتك للمحلفين واخليك تنقبل مثل الورد وياما مترجمين مثل حالتك بالضبط هم مرفوضين لنفس السبب وقابلوا محلفين واكتملت امنيتهم وسافروا وهسة بأمريكا , لاتهتم ولاتضوج ابدا وقدم IOM من هسة وان شاء الله يمشي ملفك بسرعة وتسافر بأسرع وقت واحنا كلنا اخوانك هنا واني اولهم ووياك خطوة خطوة .
تحياتي ياطيب
أخوك أبو الحكم ( جار الانتظار سابقا )
ورده ابو الحكم الله يوفقك ويفرج همك وتبقى سند لكل اخوانك وأخواتك بالمنتدى
وفقك الله مرة ثانية