ankawa
منتدى الهجرة واللجوء => الهجرة و واللاجئين => الموضوع حرر بواسطة: الوطن البديل في 11:45 24/09/2013
-
اخواتي واخواني الاعزاء السلام عليكم ورحمة الله
اني ومثل متعرفون اكتملت الامنية عندية قبل شهرين تقريب بالتحديد 29/7
ورجعت انتضار يوم 22/8 ثم اكتملت يوم 26/8 ورجعت انتضار يوم 1/9
الموظف اخبرني بانه امنية قبل السفر بدء العمل بيها يوم 2/9 وطبعا هذا عكس كلام الموظفة الي قبله كالت انو امنية قبل السفر مكتملة عندي وكل الامنيات مكتملة وانتهاء الصلاحية مالتها بعيد وتحديداً بال 2014 وكالتلي انو حضر نفسك سفرك قبل 15/9 طبعا اني عزابي وما عندي شي ووحدي بالاردن وراح اموت من القهر المهم حضرت اموري وبعت الشغلات الي عندي بس لحد الان ماكو اي تقدم ووصل بيا الامر انو كدرت احصل رقم الكيس ووركر مالتي بامريكا واتصلت بيه وكلي انو انت مكمل كل شي امنيتك جاهزة والكفالة جاهزة بس ننتظر يرسلونا ملفك النهائي
بعد هالحجي وصلت الى نتيجة انه التأخير من عمان والموظفين ديلعبون بمصيرنا ومستقبلنا
ارجوكم اخواني ان تساعدوني اريد اراسل مستر براون واي واحد ممكن يطلعني من هالجحيم الي اغلبنا عايشين بيه
يعني شنو الايميلات الي لازم ادزها وشنو صيغة الرسالة ... اني الحمد لله ممتاز بالانكليزي بس ما اعرف الصيغة الي اكتبها
ارجوكم اتساعدوني اخواني لان والله روحي راح اطك
اتمنالكم التوفيق اجمعين وتخلصون من هم الانتضار
أخوكــــــــــ الوطن البديل ـــــــــــم
-
انت اكيد قريت موضوعي اللي بي عناوين المدراء مال IOM وبي عنوان مستر بروان وبي عناوين محلفين اللجنة العليا بأمريكا ولجنة المحلفين بعمان المسؤولة عن ملفات الشرق الاوسط وشمال افريقيا راسلهم واكتب المناشدة اللي كاتبها اني واذا معجبتك بما انه انت جيد باللغة الانكليزية عدل عليها بماترتأيه وارفق وياها شرح بسيط لموضوعك وارسلها وان شاء الله تجيب نتيجة وياك لان جابت نتيجة قوية مع اعضاء اخرين على اثرها حددولهم موعد سفر وهمة هسة بأمريكا .
أبو الحكم
-
انت اكيد قريت موضوعي اللي بي عناوين المدراء مال IOM وبي عنوان مستر بروان وبي عناوين محلفين اللجنة العليا بأمريكا ولجنة المحلفين بعمان المسؤولة عن ملفات الشرق الاوسط وشمال افريقيا راسلهم واكتب المناشدة اللي كاتبها اني واذا معجبتك بما انه انت جيد باللغة الانكليزية عدل عليها بماترتأيه وارفق وياها شرح بسيط لموضوعك وارسلها وان شاء الله تجيب نتيجة وياك لان جابت نتيجة قوية مع اعضاء اخرين على اثرها حددولهم موعد سفر وهمة هسة بأمريكا .
أبو الحكم
اخوية ابو الحكم رحم الله والديك تسلم والله اني قريت موضوعك بس جنت متوقع بس للمقدمين بالعراق وهسة انتبهت هو لكل الدول وهسة ادز ايميل
ومشكور وربي يوفقك ويخليك