ankawa
منتدى الهجرة واللجوء => الهجرة و واللاجئين => الموضوع حرر بواسطة: Lady Fatal في 14:52 24/09/2013
-
مرحبا جميعاً..
يا ريت اذا احد عنده معلومات موثوقة وواقعية عن ولايات تيكساس وكولورادو وفيرجينيا يساعدني بيها
اللي عرفته عن تيكساس انو بيها شغل نوعا ما ومعدل الجرائم وسط كونها ولاية بيها هوايه سكان اصلا وحاره
وكولورادو هم بيها شغل ومعدل الجريمة يختلف من مدينة لمدينة والطقس وسط نسبيا
وفيرجينيا معدلات الجريمة بيها منخفضة والشغل بيها وسط بس غالية شويه وجوها اعتقد بارد شويه
يا ريت تفيدوني بمعلوماتكم اكون شاركتلكم :)
-
اختي مااعرف عن بقية الولايات بس تكساس خلي بالج مرتاح من ناحية العمل لان متوفر وبكثره ومثل مكال الاخ ابومريم فالجريمه موجوده بكل مكان بمعدلات مختلفة بس اهم شي تسكنون بمنطقة امنه صحيح جوها حار ورطب والمحلات والمطاعم العربيه ايضأ كثيره
-
فيرجينيا بما اني من سكنة فيرجينيا مشكلتهه الاولى غلاء السكن بشكل كبير جدا غرفتين و صالة 1300 دولار ولو قريبة جدا عن الاسواق و مركز المدينة لكن غالية ثانيا المل متوفر بنسبة اقل من بقية الولايات الجريمة مثل مكالو لاتشيلين همه الواحد يسكن بحي زين و يخلص و انتو براحتكم
-
حمد لله عالسلامة ليدي
اني اصدقائي بتكساس ولاية راقية جدا ودولة قائمة بذاتها اسعارها رخيصة ضرائبها من اقل الولايات ولاية غنية بالنفط واخذت هالسنة المركز الاول بالاستثمار بيها خمس الى ست مدن كبيرة والمدن بيها حركة نمو سريعة واني انشالله بس اخلص امتحاناتي ومعادلة الشهادة مالتي احول من بنسلفانيا لتكساس فبدون تردد انصحج بتكساس والمدن هيوستن اولا وسان انطونيو ثانيا ودالاس واوستن يجن وراهن بس هم زينات
تحياتي
-
مثل ماتفضلوا الاخوة الاعزاء, تكساس افضل من ناحية العمل والجو ومستوى الاسعار, العمل متوفر , الجو حار بس احسن من الاجواء البارده والثلوج , لان مهما يكن الجو حار فاكو تكييف في كل مكان, بالنسبه للاسعار فهي ولايه جدا رخيصه مقارنتا ببقية الولايات, واسعار السكن مناسبة من ناحية الايجار او الملك, تكساس تمتاز عن بقيه الولايات بانها تحتوي على مدن رئيسيه عديده , هيوستن , دالاس ,سان انتونيو, اوستن ,كوربس كرستي والباسو, ومثل ما تفضل احد الاخوة فهاي ولايه غنيه ومكتفيه ذاتيا وهي الان قبله للشركات الكبيرة وللباحثين عن وضائف بسبب الاستثمارات الكثيرة, في تكساس تكاد لا تشعر بالغربه لوجود جاليه عربيه كبيرة خصوصا في هيوستن ودالاس بالاضافه الى الاسواق والمطاعم العربيه,
بالنسبه للامان, مانكدر نكول اكو ولاية امينه واكو ولاية غير امينه, لان مساله الامن تختلف من حي سكني لاخر وفي نفس المدينه راح تلكين منطقه امنه واخرى غير امنه,
-
تسلموووون عالأجوبة المفيدة اشكركم جداً جداً hpdswat شبعاد نيويورك صيدلاني طافر (تسسسلم وردة ويوم اللي تفرحنا بخبر وصولك لأميركا بالسلامة :) ) SA Spurs :D
زين بالنسبة للإيجارات اللي دنشوفه عالنت احيانا اكو شقق شويه غالية.. شنو افضل طريقة برأيكم نلكَه شقه قبل مننتقل ويكون ايجارها مناسب شنو نصائحكم بهالموضوع؟
-
UP
-
عزيزتي , ماعرفنه انتوا حاليا بامريكا لو بعدكم ماواصلين؟؟
اذا بعدكم ماواصلين فاعتقد ماتكدرون تاجرون الا بوجود كفيل او ضامن, لان الايجار يتطلب ضمان عمل او مردود مالي مستمر لضمان دفع الايجار, اذا كنتوا حاليا في امريكا, فلازم تاجرون قبل ماتنتقلون, يعني لازم تروحون للمكان الي تريد تاجرون بي وتملون استمارة تتضمن معلومات السوشيل نمبر ومعلومات اخرى حتى يقوم مالك الشقه او ادارة المجمع باجراء تحقيق امني ومالي عنكم قبل الموافقه على تاجيركم الشقه, وهذا الاجراء ياخذ بين اسبوع الى عشرة ايام,,هاي الاجراءات متعارف عليها وفق القانون في جميع الولايات الامريكيه
, ايجار الشقه يعتمد على الحي السكني وعلى عدد الغرف والخدمات المتوفرة في المجمع,
-
احنا بأميركا ودنريد ننتقل لولاية أخرى..
شكررررراً اخ SA Spurs تعبتك :D