ankawa
منتدى الهجرة واللجوء => الهجرة و واللاجئين => الموضوع حرر بواسطة: dodo3 في 17:48 24/09/2013
-
تحيه طيبه على الجميع ....اريد اسال منو ضاعت عنده حقائب عند السفر لامريكا...لان احنا ضاعت عدنا جنطتين كل اشيائنا المرتبه بيها ساعات وسبح وصور ....الخ ...كانت رحلة سفرنا من عمان الى المانيا ومن ثم نيويورك،على الطيران الالماني اللوفيهانزا...سلمنا جنطنا في عمان واستلمناها في نيويورك ناقصه جنطتين وسوينا شكوى وهاي صار اسبوعين كلشي ماكو يكولونا دنبحث عنها في المطارات....ياريت اذا واحد ضايعه عنده الجنطه يخبرنا عثر عليها لو لا ........هسه احجيلكم تفاصيل الرحله بالبدايه اشكر جميع الاخوه في منتدى عنكاوا الي مقصروا بمساعدتنا والله يوفقهم ويحفظ عوائلهم انشاءالله،،كانت رحلتنا الساعه الثانيه ليلا من مطار عمان الى مطار فرانكفورت وصلنا صباحا وبقينا اترانزيت 6 ساعات وبعدين الى نيويورك طولت الرحله 10 ساعات وضلينا بمطار نيويورك حوالي 3 ساعات لان ديرتبون اوراق دخولنا واخذولنا صور وبصمات..بعدين رحنا لاستلام الحقائب لكينا حقيبه ماكو واني كلش انقهرت لان بيها ذكريتتنا صور جهالي وبيتنا في بغداد المهم الحمدلله على كلشي المهم وصلنا امريكا ..اخذونا بفندق بنيويورك نمنا ليله ومن الفجر اخذونا للمطار كل واحد وصل ولايته ...منظمه الاي او ام متركونا لحظه بكل مطار نلكيهم الى ان يسلمونا للكفيل...بالنسبه للذهب والفلوس محد فتشنا ولحد كال خاليها بالجنط اليدويه وليضل بالكم شكد متريدون اخذوا ....والموفقيه للجميع
-
ألف مبروك على السفر
اهم شي مكتوب عليها العنوان والتلفون إذا مكتوبتين مراح تروح
-
الحمد لله على السلامة وبالنسبة للجنطة ترجع ليضل بالكم حتى لو تروح للمريخ ظاعت عدنا جنطة قبل خمس سنين ورة ثلاث اشهر رجعوها النا كانت رايحة لماليزيا لزكوا عليها عنوان بالغلط وراحت لماليزيا وثلاث اشهر يبحثون عنها ونسيناها وفد يوم اجانا تليفون من المنطمة يكولون تعالوا عدكم جنطة واصلة رحنا عليها شفناها يعني لو مراجعة هواية احسن لانه الغراض اللي بيها مدمرة والجنطة وسخة لانه من مطار لمطار ومن طيارة لطيارة ومخازن بس ولا شي بيها ناقص كل حاجاتنا بيها . بالنسبة لحالتكم انتو وحظكم بعد بس 95 بالمية ترجعلكم فترة اسبوع او اسبوعين ابدا مو كافية
-
اشكر ردكم اخوتي. ...5 سنوات ورجعتلكم الجنطه والله مال حلال الف مبروك
-
الف مبروك والحمد لله على سلامة الوصول .
وان شاء الله ترجعلكم الجنط بس اهم شي يكون العنوان موجود عليها او حتى لو الورقه مالت خط الرحله حتى ترجع لنفس المطار وتسالون عليها كل فترة .
بالتوفيق ان شاء الله