ankawa

منتدى الهجرة واللجوء => الهجرة و واللاجئين => الموضوع حرر بواسطة: coloradoG في 12:04 25/09/2013

العنوان: حالة الملف ( غير قادر على التصال )؟؟؟؟؟!!!!!!
أرسل بواسطة: coloradoG في 12:04 25/09/2013

تحيه طيبه
اخواني الكرام
حالة الملف عندي اليوم  ( غير قادر على الاتصال وبأنتظار النتيجه ) شنو يعني غير قادر على الاتصال ؟
تحياتي لكم

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: ذكريات صرصور في 14:23 25/09/2013

مستحيل اكو هيج شي نزل صوره؟

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: DR.ENG في 14:33 25/09/2013

مقتبس من: coloradoG في 12:04 25/09/2013

تحيه طيبه
اخواني الكرام
حالة الملف عندي اليوم  ( غير قادر على الاتصال وبأنتظار النتيجه ) شنو يعني غير قادر على الاتصال ؟
تحياتي لكم

مشايفين هيج شي قبل !!!

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: cliff jenseen في 15:48 25/09/2013

اخي العزيز ان ملفي ايضا مثل حالتك ومكتوب بالملاحظات غير قادر على الاتصال الظاهر هاي صيغه جديده منزليها للسوك وحتى بخانة الفحص الطبي مكتوب غائب !! فأني دزيتلهم رساله بواسطة الايميل وكتلوهم شلون غير قادرين على الاتصال وانتوا اكثر من مره اتصلتوا على تلفوني ومع هذا هذا رقم تلفوني مره ثانيه وبعدين شنو قصة الفحص كاتبين عليه غائب ليش انتوا شوكت بلغتوني بالفحص وأني غبت ؟ ثاني يوم جاوبوني ان ملفك وصل لمراحل متقدمه بس ياريت تتركنا رقم تلفونك !!! شايف هيج اغبياء بحياتك ورديت عليهم وانطيت رقم تلفوني وهسه دا أحاول ادخل على ملفي مدا اكدر ادخل ويكولي حاول مره ثانيه الظاهر حسوا بغبائهم وما اعرف شلون راح يتصرفون .. بس هذا دليل ان الموظفين هم من اغبى اغبياء الناس الموجوده ولهذا ملفاتنا تتاخر واحتمال تجي الموافقه على السفر وهمه مو حاسيين واذا استفسرنا على ملفنا راح يشوفون انهم مبلغونا بموعد السفر ويحاولون يتلافون غلطهم ويرسلون الملف مره ثانيه للتجيك الامني وهلم جرى .. احنا بمصيبه ويه هل الاغبياء ...

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: coloradoG في 16:47 25/09/2013

اخواني الكرام هاي الصوره .. والفحص هم غائب ليش شنو شكو ؟ ما اعرف
اخويه  cliff jenseen نفس حالتك

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: alnasiry في 18:02 25/09/2013

والله يابة عيش وشوف من المنظمة

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: أبو الحكم في 21:45 25/09/2013

هذا الموضوع موجود ويكتبون هذه الملاحظة عند عدم قدرتهم على الاتصال بك او انك قد غيرت رقم هاتفك او ليس لديك اتصال بالشبكة , نصيحتي لك ان ترسل لهم ايميل وتأكد وسائل الاتصال بهم من ايميل الى رقم هاتف وبس ووراها اني متأكد يرفعون هذه الملاحظة .




أبو الحكم

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: غــريـبــه!!! في 22:08 25/09/2013

نفس الشي تفاجاة اليوم انو مكتوب بالملاحضات انو غير قادر على الاتصال

وقبل فتره جانو مخلين على الفحص الطبي غائب مع العلم تليفوني مفتوح واني رجعت راسلتهم وانطيتهم نفس الرقم وكلتلهم مفتوح شنو الفلم الله اعلم

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: coloradoG في 09:55 26/09/2013

تحيه طيبه
اخويه ابو الحكم شكرا لك .. ارقام التلفون نفسها ممغيرها و اكدت عليهم وارسلت ايميل لهم  .. اذا جان اكو خلل بالشبكه ليش ميرسلون عن طريق الايميل ؟
اخت غريبه الى هسه الفحص الطبي غائب عندج ؟

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: غــريـبــه!!! في 11:22 26/09/2013

نعم اخي لليوم الفحص الطبي غائب
واليوم رجعت راسلتهم بلكي يفيد

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: um fofa في 11:25 26/09/2013

لاحول ولاقوة الابالله صدق اغبياء ايتعبون نفسهم وايدزون ايميل بس احسن شيانه الواحد ينطيهم اكثر من رقم مثل رقم الوالد الوالدة الزوجة كل الارقام الي بالبيت حتى ميكون عدهم حجة

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: texasddddd في 18:04 26/09/2013

احنا هم جان ملف اختي فحص طبي غائب من يوم 26/8 وخبصتهم ايملات
وراها خابروني ودزو ايميل كالو نتصل لمن تصير بجدول الفحص
والحمدلله قبل يومين عادت الفحص ...
بس كل هذا اعتقد ممهم..
اني يمكن 5 مرات عايدة فحص :(
همه من يقررون يسفرونا همه رح يتصلون تلفون وايميل لحد ميحصلونا :)
الله يسهل ياربي وانشالله السفر العاجل للجميع
ونصيحه ادا تريدون فحص كل سبوع دزو ايميل

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: soranov في 23:04 26/09/2013

نفس شي حصل وياي الفحص غائب و حالة الملف بالانتظار و غير قادر على الاتصال
ما طفيت التلفون ل 5 اشهر وهم يكولون غير قادرون على الاتصال

العنوان: رد: حالة الملف ( غير قادر على التصال )؟؟؟؟؟!!!!!!
أرسل بواسطة: coloradoG في 10:15 27/09/2013

تحيه طيبه
اخوان اني مره وحده بس فاحص من جنت بسوريا قبل سنتين .. وقبل ميصير غائب من اسئلهم يكولون الفحص الطبي مو مشكله .. بس ليش مسويني غائب مدا افتهم