ankawa
منتدى الهجرة واللجوء => الهجرة و واللاجئين => الموضوع حرر بواسطة: memoclever في 14:02 25/09/2013
-
السلام عليكم
بس حبيت اسال من الاخوة اللي عندهم خبره بالموضوع.... اني ببغداد عايش وعندي فيزا كارد اريد اشتري شغلات من الانترنت ... بس ما اعرف على ياعنوان اكتب حتى توصلني الغراض لبغداد ... اني سمعت اكو شي اسم يو اس ميل US mail . ياريت اللي عنده تجربه بالموضوع يفيدني
-
السلام عليكم
اخويه العزيز , اكو طرقتين للشراء من الانترنت
الاولى والي اني مـأكد 10000% منه اكو ماكتب هي هاي شغلتهم توديلهم اللنك وطبعاً هاي الطريقه ماتحتاج بيه فيزا كارد او اي كردت كارد , مجرد توديلهم اللنك وهم يشترولك الحاجه بس طبعاً ياخذ منك اجور المكتب والنقل ... واكو مكاتب بالصناعه واكو بالمنصور ....
الطريق الثانيه والي اني مامتأكد منه لاني بعدني ممجربه , هي تسوي صندوق بريد بأسمك وتنطيهم العنوان ( عنوان صندوق البريد ) واذا تريد تعرف شلون تسوي صندوق بريد تحتاج المستمسكات الاربعه وتروح على اقرب بريد عليك وهم يسوون صندوق بريد بأسمك ,,, طبعاً اني سوي هاي الطريقه واشتري فدشي كولش رخيص واشوف اذا يوصل او لا .
تحياتي
Jason
-
تسلم صديقي ...هاي مال المكاتب اعرف بيها ... اني دا اشتري من الانترنت علمود ارخص واذا اروح على المكاتب رح يطلع البطان اغله من الوجه ... طبعا الطريقه الثانيه اذا نجحت وياك ياريت تنطيني خبر ... شكرا جزيلاً
-
والله كلامك صحيح شغلة المكاتب مكلفه , بس اني ان شاء الله اجرب الطريقه الثانيه وبلكي تصير وان شاء الله انطيك خبر اذا مشت الامور ..
تحياتي
Jason
-
وعليكم السلام ..
عزيزي اكو مكاتب تفتحلك صندوق بريدي بامريكا باسمك يعني بمجرد تخلي العنوان اللي استلمته منهم توصل الغراض خلال 10 ايام او اقل ,
وافضل المكاتب واني مجربها شخصيا :
مكتب ارامكس للشحن وعندة خدمة اسمها Shop and ship
وهذا عنوانهم ابغداد :
Baghdad Sadoon street Palestine hotel,328,
Phone (Customer Service):+964 (790) 6837776
بل نسبة للاسعار فتح الصندوق اكو خدمتين ( خدمة plus ) و ( خدمة Normal )
خدمة بلاس تكون اسرع بل شحن يعني خلال مدة اقل توصلك والخدمة النورمال تكون اقل سرعه ..
واني فتحت بلاس ب 40 $
وانته خابرهم واستفسر اكثر ..
تحياتي لحضرتك ..
-
شكرا اخ علي... دمتم لنا ذخراً
-
اخوانى عاشت ايدكم على هاى المعلومات
اخوكم الاسمر