ankawa
منتدى الهجرة واللجوء => الهجرة و واللاجئين => الموضوع حرر بواسطة: IraqiSivImmigrant في 20:03 26/09/2013
-
اخواني السلام عليكم الساعه بالسبعه اجاني ايميل ارجنت تعال رجع الجوازات وبكرا عطله لو اكو مكاتب مال دي اج ال وراها سبت وراها احد هم عطله هسه شسوي رحمه لوالديكم شنو الحل يمعودين اهل الرحم
-
أخي العزيز..الجمعه حسب اللي أعرفه مكاتب ال DHL معزلين , السبت مو عطله عدهم دزهن الصبح وبالتوفيق..
سامي75
تحياتي
-
أخي العزيز..الجمعه حسب اللي أعرفه مكاتب ال DHL معزلين , السبت مو عطله عدهم دزهن الصبح وبالتوفيق..
سامي75
تحياتي
اشكرك اخ سامي 75 ياورده بس متاكد السبت يداومون ال DHL واذا السبت دزيتهن يوصلن بنفس اليوم ان شاء الله للسفاره. تحياتي لردك ياطيب
-
عزيزي لعد وين جنت
السبت الصبح دزهن وانتظر التحديث لو اصدار الفيزا يوم الاحد
-
اخي السبت كعدون انا متاكد
بس تعال انت تكول الاحد عطلة مال شنو؟
اخوك يوسف
-
والله ياخوان دزيتلهم يمكن فد عشرين انكوايري يابه تريدون الجوازات تريدون فحص محد جاوبني وبصراحه ايست. المهم السبت اروح ان شاء الله ادزهن بس الاحد مو عطله بالسفاره
-
عزيزي لعد وين جنت
السبت الصبح دزهن وانتظر التحديث لو اصدار الفيزا يوم الاحد
والله خويه ابو شهاب اني كنت مأيس من عدهم لان ادز ومحد يجاوب فبصراحه صار عدي ياس من الشغله.
-
تحياتي .. اخي العزيز اولا يمكنك الارسال عبر ال DHL j السبت موجودين ياريت تتاكد من وقت ارسالهم والايصال للسفارة فاذا توصل الاحد صباحا وليس ظهرا تكون قد ضمنت يومين عمل يمكن ان تنجز فيها الكثير. ثانيا يمكنك مراسلة السفارة والطلب منهم الموافقة على توصيلك الجوازات بنفسك الى السفارة واطلب منهم الان ودون تاخير وحسب قولك ان السفارة ارسلت لك المسج الساعه السابعه مساءا هذا يعني انهم في حالة دوام مستمر . ارسل الرساله الان وانتظر ممكن ياتيك الجواب غدا صباحا انشالله . الله يكون بعونك وانشالله التوفيق
-
أخي العزيز..الجمعه حسب اللي أعرفه مكاتب ال DHL معزلين , السبت مو عطله عدهم دزهن الصبح وبالتوفيق..
سامي75
تحياتي
اشكرك اخ سامي 75 ياورده بس متاكد السبت يداومون ال DHL واذا السبت دزيتهن يوصلن بنفس اليوم ان شاء الله للسفاره. تحياتي لردك ياطيب
نعم أخي متأكد لان اني يوم السبت إستلمت جوازاتنا من مكتب دي اج ال المنصور..
طبعا أني أييد كلام الاخ أبو الحسن بأن تراسل السفاره وتطلب منهم يحددولك موعد قريب جدا وتوديهن للسفاره بنفسك مثل ما صار ويايه وديت الفحص الطبي بنفسي للسفاره ..خصوصا وانت ماعندك وقت كافي ,,لان حسب اللي أعرفه أقل شي تاخذ يومين من المكتب للسفاره..
راسلهم وشوف عسى أن يتجاوبون وياك ويحددولك موعد قريب (يعني باجر أو بعده)
الله يسهل أمرك وبالتوفيق
سامي75
تحياتي
-
اخي العزيز همه رايديك تجي للسفارة يوم الاحد فروح يوم الاحدوخذ الجوازات وياك تره اذا ادزهن بال DHL يتعطلن حوالي اكثر من ثلاثة ايام واذا تريد تتاكد من مكتب ال DHL يفتحون لو لا وشكد يتاخرن فخابرهم على هذا الرقم هذا فرعهم بفندق الشيراتون ((07901909520))
-
اخوان هذا نص الايميل اللي وصلني
Dear Applicant,
We are contacting you from the Consular Section, US Embassy Baghdad, to notify you that in order for us to continue processing your case, we need you to send us your passport as soon as possible.
Please send this to us by express courier or US Postal Service to:
U.S. Embassy Baghdad,
Attention: Immigrant Visa Unit
Al Kindi Street
International Zone
Baghdad, Iraq
-
اخي العزيز IraqiSivImmigrant السلام عليكم ورحمة الله وبركاته
الرجاء هدى من روعك وخليك مرتاح
مادام الايميل "Urgent" فخليك مطمئن لان كان يجاوبوني بنفس الساعة
اكتبلهم اريد اسلم باليد
والجواب يجيك فوري وبالطريق اسالهم بالنسبة الى احتمال تاخر توصيل الجواز من قبل DHL يومين ثلاثة
وشوف شنو الجواب؟؟؟ بس هاي لازم تسويهه هسه هسههسه الان الان لان
وانشاء الله يرعاك ويطمئنك
اخوك اليكو
-
جاوبتك على الخاص
-
السلام عليكم اخي العزيز ...اجاني نفس هذا الاميل بالنص قبل شهر بالضبط ...دزيت الجواز ثاني يوم ومن ذاك اليوم لحد اليوم هدوء قاتل ....دزهم بالدي اج ال او فيدكس او ارامكس ولاتنخبص ... الظاهر السفير كان يشتغل طبيب تخدير وديمارس هوايته براسنا