ankawa
منتدى الهجرة واللجوء => الهجرة و واللاجئين => الموضوع حرر بواسطة: bara في 12:43 27/09/2013
-
السلام عليكم ....
شباب اني قررت اسافر للاردن
ومناك اقدم على الـiom
بس اريد اعرف اكو شغل هناك
وشكد الايجارات والشخص الواحد
شكد يحتاج تقريبا بالشهر مصرف و ايجار
اخوكم براء ...
-
http://www.ankawa.com/forum/index.php/topic,701565.0.html
اعتقد بعض الاراء بهذا الخصوص حتفيدك بللينك اعلاه
بس نصيحه اذا بلعراق شغلك زين تحمل لان اعتقد الي بلعراق العم اولويه بما انو الوضع بالاردن امن
ويبقى عدا رائي الشخصي ياريت من الاخوة يفيدونه
لان اني هم جديدة هنا
تحياتي للجميع
والله يسهلك ويسهل للجميع
-
http://www.ankawa.com/forum/index.php/topic,701565.0.html
اعتقد بعض الاراء بهذا الخصوص حتفيدك بللينك اعلاه
بس نصيحه اذا بلعراق شغلك زين تحمل لان اعتقد الي بلعراق العم اولويه بما انو الوضع بالاردن امن
ويبقى عدا رائي الشخصي ياريت من الاخوة يفيدونه
لان اني هم جديدة هنا
تحياتي للجميع
والله يسهلك ويسهل للجميع
الله يسهل عليك يارب ويفتحلك الف باب بس اذا تريد نصيحة اخ اكبر منك مو كل عراقي يكدر يعيش بالاردن لان العيشة بيها غالية وفرص العمل بيها قليلة وشعبها جلف وطائفي ويعبدون المصاري وخليط كله تعبان وفكر شلع وكذلك المنظمة اللي بعمان تعاملهم سيء مع العراقيين حسب كثير من العراقيين اللي مقدمين مناك !!!!! انصحك تكون بعيد عن الدول العربية عدا الدول الخليجية او تركيا نوعا ما احسن وكذلك المنظمات بتركيا ودول الخليج اكثر انسانية واكثر تعاطف مع العراقي من الاردن وهذا مجرد راي بس اذا كنت قد عزمت فتوكل على الله
-
كلام الاخ الهجري صحيح %100 الاخ العزيز صاحب الموضوع والله مو قصدنا نهبط معنوياتك بس والله العظيم هاي الحقيقة انسى الشغل نهائيا واما الناس حشة الي يحبون الله والنبي .اسقط ملة شافتها عيني واني عندي وياهم خبرة عشرة وعمل واقامة منذ 9 سنوات يعني يخلي القرش ويسجدله من دون الله عز وجل ولامغزر كل زين العراقيين وياهم ابد على العكس ينغارون من عندنا اشكد ماتتصور وخلي يحجولك الاخوة اشصار بينا بعد احداث المركز الملكي من ورة جم حثالة من حثالات السفارة العراقية بعمان دفع ثمنها المحترمين من العراقيين اما اللوكية فهم بكل وكت امورهم عدلة . وانت بكيفك بعد وعذرا على الاطالة اخوية العزيز
اخوك سعد احمد
-
اخويه العزيز نصيحه روح لتركيا افضل من الاردن الحسنه الوحيده بالاردن يتكلمون عربي فقط والباقي كله في تركيا افضل من ناحية الاسعار والمنظمه وغيرها
-
اشكركم اخوان مقصرتو ....
بس والله اني بالعراق وضعي حيل تعبان وصدكوني اني طالب كلية من العام بس مداومت بسبب ظروفي وراحت علية سنة
وهة طكت روحي وبعد ما اتحمل ... وبالنسبة للوضع بتركيا تعبان جدا شغل مستحيل تلكة وموعد المقابلة الاولى اقل شي
سنة ونص وهذا الحجي من اصدقائي هناك ...
يعني مختصر مفيد اني اذا رحت للاردن ابحدي 300 دولار اتكفيني بالشهر وية الايجار وكل المصاريف ؟؟؟؟؟
-
السلام عليكم اخي العزيز اني عايش بلاردن وانشاء الله اكدر افيدك
حبيبي اول شي هوة السكن
السكن اذا بمناطق خلي نكول وسط او اقل شويه غير مفروشه من140 دولار الى 300 دولار
المناطق الزينه شلون الكرادة بلعراق تبدي من 300 دولار او اقل شويه وانته صاعد غير مفروشه اني مثلا ساكن بلمدينه الرياضيه بشقه ادفع شهريا 250 دينار غير مفروشه
الشغل بل اردن صعب جدا واذا حصلت شغل المعامله ابد مو خوش ومن تشتغل ويلزموك الوافدين يعني تكره حياتك وكبل وعدل للحدود لان مينطوك تصريح عمل بلاردن فقط السوريين والمصريين ينطوهم تصريح عمل
الحياة بلاردن غاليه في الوقت الحاظر الشي الوحيد الذي ارخص من العراق هوة فواتير الماء والكهرباء والباقي كلشي اغله من العراق
الناس هنا مثل مكالو الاخوان يعني رح اكلك شي واحد وانته قيس اهنا بلاردن شلون يعرفون الغريب عن الاردني تعرف شلون اذا شافو واحد يضحك هذه غريب لان الاردني ميضحك من ناحيه الامان البلد امن جدا وهنا واي عراقي الله يفرجه عليه ويسافر ميرجع بعد لان حياة هنا مو سهله يعني المصبرني هوة انشاء الله مباقيلي شي وانشاء الله اسافر اني مانصحك تجي لهنا والله شاهد على كلامي بس انته تعرف وضعك يعني اذا وحدك مو اقل من 500 دولار بلشهر واحتمال اكثر وتكدر من تقدم عل يو ان وتنقبل تكدر تطلب منهم راتب اتصور يعطون للواحد 90 دينار ممتاكد من الرقم بس هذة الراتب مو بسهوله يعطوكيا لازم يطلعون كشف عليك وقصه طويله والتقديم عل يو ان حاليا يطول يعني اذا الله يسهل عليك وقبلو توطينك يرادلك فد 2 سنه يله تسافر والتساهيل من الله حبيبي اي استفسار اني حاظر والاخوان الاعظاء هم انشاء الله يساعدوك
-
اشكرك اخوية ...
واني هم بطلت لان حسب حجي الاعضاء متفيد العيشة هناك وبهذلة وهواية مصرف
واني جدا ممنون واشكركم على المعلومات .