ankawa
منتدى الهجرة واللجوء => الهجرة و واللاجئين => الموضوع حرر بواسطة: guitaro0o في 22:40 27/09/2013
-
السلام عليكم
رح افوت بالموضوع لان محتاج مساعدتكم ونصائحكم بسرعه
وانشاء الله استفيد منها ...
اخوان اني جنت بسوريا وملفي متوطن عل امريكا بس كل ما اتصل بل يو ان او اراجعهم
جوابهم الي ( انتظر موعد المقابلة ) انتظرت سنه وشهرين ونفس الكلام ما اتغير شي
اخر شي قبل شهر قررت اطلع لتركيا وطلعت لتركيا بقيت سبوع بالعراق طلعت الفيزة من السفاره
وجيت تركيا بس من جيت تركيا انصدمت بهل شي الي شفته !!! انو جماعت سوريا
محد مهتم بيهم يعني سنتين او سنه ونص والكل بس مسوين مقابله اولى مال فسفورة
الي هيه ورقة الحمايه .. هاي بالنسبه للي مثل حالتي عنده امريكا بس ما مسوي مقابلات
بس الي عنده كارت اخضر سنه ونص يكمل كلشي وتجي الفيزة اله
اني بصراحه حالتي الماديه مو مال ابقى بتركيا واتعرفون تركيا غالية كلش ... حجيت وية اليو ان
بسوريا وكلتلهم قصتي هيج كالو اي تعال ارجع عادي واحتمال انحولك عل غير دولة !!!
نصيحتكم الي شسوي ارجع لو ابقى بتركيا ؟؟
مع العلم اني قدمت عل يو ان بتركيا وانطوني موعد ورة 7 اشهر عل مقابلة التقديم :'(
تحياتي الكم اخوووكم ... guitaro0o
-
ارجووو المساعدة اخووووان او الرد او من لديه خبره عن مثل هيج حالات
??? ??? ??? ??? ??? ???
-
اخ كيتاروو مرحبا بيك مره ثانيه
بالفعل اخي جماعه سوريا يتاخرون شويه وخصوصا بالنسبه الي ماعدهم كارت اخضر مثل حضرتك
اني عندي الكارت الاخضر وسنه وشهرين يله اخذت الفسفوره
نجي ع وضعك بما انوو انته صارلك شهر هنا وناطيك موعد قريب الي هو بعد 7 اشهر هذا يعني انوو ماخذين
وضع سوريا حاليا بنظر الاعتبار
وبخلال هاي الفتره راح يتم سحب ملفك من سوريا
وبمجرد وصول ملفك راح يتم الاتصال بيك وسؤالك اسئله عن وضع العائله وعددكم وتاريخ الدخول لتركيا وعن اي طريق واسئله ع قصتكم
وان شاء الله تقابل بالموعد وتاخذ الفسفوره من اول مقابله
واحتمال يمشي ملفك باجراءات سريعه وتفرج عليك لان كل ملف واله وضعه لاتقارن مع الغير ويصير عندك احباط
اني رأي الشخصي ان تركيا تبقى بكل الاحوال احسن من رجعتك لسوريا لان اكيد راح تنتظر فتره لحين التحويل
لغير دوله وعملهم غير مضمون اثناء ظروفهم واوضاعهم المتوتره
ويبقى طبعا الرأي اولا واخيرا الك لان انته ادرى بظروفك ووضعك
وان شاء الله خير وربي يسهل امرك بالي تختاره
اختك راي / تركيا
-
اخ كيتاروو مرحبا بيك مره ثانيه
بالفعل اخي جماعه سوريا يتاخرون شويه وخصوصا بالنسبه الي ماعدهم كارت اخضر مثل حضرتك
اني عندي الكارت الاخضر وسنه وشهرين يله اخذت الفسفوره
نجي ع وضعك بما انوو انته صارلك شهر هنا وناطيك موعد قريب الي هو بعد 7 اشهر هذا يعني انوو ماخذين
وضع سوريا حاليا بنظر الاعتبار
وبخلال هاي الفتره راح يتم سحب ملفك من سوريا
وبمجرد وصول ملفك راح يتم الاتصال بيك وسؤالك اسئله عن وضع العائله وعددكم وتاريخ الدخول لتركيا وعن اي طريق واسئله ع قصتكم
وان شاء الله تقابل بالموعد وتاخذ الفسفوره من اول مقابله
واحتمال يمشي ملفك باجراءات سريعه وتفرج عليك لان كل ملف واله وضعه لاتقارن مع الغير ويصير عندك احباط
اني رأي الشخصي ان تركيا تبقى بكل الاحوال احسن من رجعتك لسوريا لان اكيد راح تنتظر فتره لحين التحويل
لغير دوله وعملهم غير مضمون اثناء ظروفهم واوضاعهم المتوتره
ويبقى طبعا الرأي اولا واخيرا الك لان انته ادرى بظروفك ووضعك
وان شاء الله خير وربي يسهل امرك بالي تختاره
اختك راي / تركيا
تسلمين اختي الغالية عل الرد الجميل وعل المساعده
الوضع بتركيا عليا شوية بي صعوبة لان شغل ماكو وحالتي الماديه مثل ما كتلج صعبه
واني بوحدي هنا وعندي صديق قدم قبلي ب 5 ايام وانطو موعد ورة سنه بس ورة سبوعين
اتصلو بي وقدمو موعد المقابلة مالته عل هل سنه بشهر ال 10 بس لان اني مع العلم
صديقي مرفوض بسوريا من التوطين كله ....
وانشاء الله التوفيق للجميع واشكرج اختي مره ثانيه