ankawa
منتدى الهجرة واللجوء => الهجرة و واللاجئين => الموضوع حرر بواسطة: تامو تامو في 23:49 27/09/2013
-
اخواني الاعزاء
تحية طيبة
حبيت اعرف معلومات عن مدينة دنفر من ناحية العمل والجو والدراسة والناس وتعاملهم
شكر ووسلام للجميع
-
السلام عليكم
1- مدينة دنفر جميله جدا وكبيرة جدا . وبيها اماكن سياحيه كثيره .
2- الجو بيها بالصيف كلش حلو لكن بالشته بارد جدا وتنتشر الثلوج بالمدينة وتوصل درجة الحرارة الى 20 درجة تحت الصفر وللامانه هذا ما سمعناه لان اتحولنه قبل الشته لكن بقينه بالمدينة اكثر من شهر ونص وعرفنه عنها هوايه معلومات
3- العمل متوفر بيها لكن مو لاصحاب الشهاده يعني ما تشتغل بشهادتك بس ممكن تحصل عمل بالمعامل او بالاسواق الموجوده .
4- بالنسبه للدراسه ايضا اكو هوايه جامعات وتكدر تتواصل وياهم بالايميل لكن الدراسه مكلفه بعض الشيء بالبدايه . بس اذا تريد تكمل بكالوريوس اكو مبلغ الفاينانشال ايد ممكن يغطي التكاليف حسب ماسمعت بس مامتاكده اذا يغطيها كلها.
اما اذا تكمل الماجستير الفاينانشال ايد مايغطي وتحتاج تقدم قرض او تنتظر بعد السنه يله تكمل . ولان المدينة كبيره جدا تشوف الاماكن بعيده وضروري تاتخذ اجازة سوق وتشتري سيارة اول متوصل .
5- الاسواق العربيه موجوده بس مو بكثرة واسعار المواد شويه غاليه واكو بعض المواد اسعارها مثل العراق او ارخص شويه.
6-
اكو بيها جوامع قليله يلتقون بيها العرب كل خميس وجمعه وسبت وايام رمضان يلتقون كل يوم بالافطار
6- المكسيك يشكلون النسبه الاكبر من السكان وبعدها السود لكن تعاملهم جيد وماعدهم مشاكل والافضل انه ما تختلط بيهم خاصة المكسيكان لان مااعتقد يفضلون الاختلاط .اما بالنسبه للامريكان الاصل ودودين ومتعاونيين جدا والابتسامه ما تفارقهم وعموما لكل قاعده شواذ واكو نماذج يمكن تلتقي بيهم تشوفهم عدائيين جدا لكن بالنتيجه محد يكدر ياذيك او يتجاوز عليك لان كلهم يمشون عالقانون وما يحبون المخالفات .
7-المدارس كلش حلوة ويهتمون بالاطفال بشكل مو طبيعي بس همه شويه دوامهم طويل من الساعه 8 الصبح للساعه 3 وربع بعد الظهر يعني اطول من دوام الموظف بالعراق بس الطفل ميحس بالدوام ينشغل ويلعب .
هذا اللي اجه في بالي من معلومات واذا عندك اي سؤال او.محتاج مساعده اني حاضرة
تحياتي وتقبل مروري
-
اهلي بهاي الولاية صحيح ولاية حلوة بس الشغل صعب والايجارات غالية كلش
-
اهلي بهاي الولاية صحيح ولاية حلوة بس الشغل صعب والايجارات غالية كلش
فعلا الايجارات بيها غاليه . مثلا شقه غرفتين وصاله ب 950 دولار . وممكن تحصل ارخص لكن بمجمعات مو بنفس المستوى من النظافه والخدمات .
ان شاء الله يدخلون الاخوان اللي عدهم معلومات اكثر ويشاركون لفائدة الجميع
-
الشكر الجزيل لام اديان ولسلام عالمعلومات الحلوة ومنون جداً
-
تعقيباً على كلام الاخت ام اديان (وليس نقض) لان كل شخص تجربته تختلف في امريكا.
اتفق 100% وية النقاط 1 و2.و 5 و 7
بخصوص العمل (وارجع واكول كل واحد وتجربته) ...اول ما وصلت شهر التاسع 2010 المنظمة تريدني اروح ادرس انكليزي وروح وراها روح ادرس شلون تقدم علة شغل ابمدرسة يم المنظمة (ما اذكر اسمهة ) وعندك مساعدات مع العلم الكاش 680 وايجاري 790 مع العلم انكليزيتي طليقة وعندي علوم حاسبات وعندي MCSE! ما رحت لاي وحدة وبدل ذلك ورة شهر بالضبط ورة ما استلمت كل اوراقي وطلعت اجازة اشتغلت ابـ Safeway اعبي غراض بالاكياس لحد ما اخذت التيست لان اكون كاشير. بعد شهر قدمت علة معمل اللحم في Fort Morgan واكيد كل اهل دنفر يعرفوه واشتغلت بالصيانة (دوامي يبدي 10 بالليل للـ 6 الصبح) لمدة 6 اشهر بالضبط لكيت شغل وبراتب زين بشركة كومبيوتر اختبروني ولحد هاي اللحظة اشتغل وياهم والحمد لله وزيدو راتبي 3 مرات خلال سنتين. القصد من هذا السرد اعرف هواية ناس يلكون شغلة ويجلبون بيهة حتة لو تدفع الهم 7 دولارات بالساعة وابد ما يفكر يطور نفسه او يدور على شي احسن! الشي الوحيد اللي انصح بيه الجميع هو تعلم وطور نفسك باللغة وهذا رح يصعدك حتة بشغلك ويسهل عليك ايجاد العمل.
بالنسبة للمساجد دخلته جميعاً (من الصفحتين) وكل مكان كانت فيه مشاكل شكل مع الاسف مو بيوت عبادة وانما كهاوي نميمة ونفاق ولا اريد ان اطيل الكلام بهذا الموضوع واكتفي فقط اني لن اذهل لاي منها مرة اخرى.
بالنسبة للمكسيكان وما ادراك ما المكسيكان!!! مع الاسف اروح لمكان اشوف وحدة عربية محجبة تشتغل وعدهة اكسنت يعني اكيد الانكليزي لغتهة الثانية احجي وياها عربي تجاوبك انكليزي!!! بينما المكسيكي اذا اشتغل واحد ابمكان رح اشوف ورة سنة كل القدماء اختفو والمكان انترس جماعته وكرايبه مع العلم واحد باجر شقة او بيت وتلكي مكعد وياه 3 عوائل. عودة لنقطة الاخت ام اديان انه بحكم شغلي افتريت هواية ولايات ترة كولورادو رحمة بالمقارنة بغير ولايات بالنسبة للمكسيكان واتوقع خلال 10 سنوات كلش رح يسيطرون (للمثال قدمت علة شركة IBMوخلصت كل المقابلات بنجاح اخر مقابلة كالولي صدك انتة تحجي اسباني؟ كلتهم لا اووو نعتذر!!!)
بالنسبة للايجارات حاليا دنفر احد عشرة مدن يهاجر اليها من انحاء امريكا ولهذا السبب نشوف الايجارات هاي السنة خصوصاً زادت وبشكل غير معقول! قبل سنة ونص اجرت شقة ابـ 780 العام زيدوه الى 999 وهسة صار 1270!!!
بالنسبة للسيارة اكيد ضرورية لان نظام المواصلات عدهم كلش تعبان (من ناحية الخطوط) واي شخص بريد يطلع اجازة سوق (في دنفر) ممكن يراسلني عالخاص واعلمه شلون يعبر الامتحانات بسهولة وباخذ الاجازة بنفس اليوم.
ااكد مرة اخرى كل واحد يشوف امريكا من تجربته الخاصة واذا تريد تنجح ... ضل اتعلم وطور اللغة مالتك.
تحية وتقدير للمنتدى اللي ساعدني كثيراً
-
شكرا اخي الفاضل Mory للتوضيح ومشاركة المعلومات واكيد بحكم خبرتك وفترة بقائك بالمدينة عندك معلومات كثيرة عنها .
لكن اللي قصدته بالمكسيكان مايحبون الاختلاط بالعرب بالتحديد .واكيد اني ماشفتهم كلهم بس هذا اللي لاحظته لان اغلب جيرانه كانو مكسيكان وفعلا مسيطرين عالمدينة بشكل كبير واي كتاب رسمي او تبليغ من المدرسه او اي مكان تلكاه بالانكليزيه والاسبانيه لان الاسبانيه اللغه الرسميه الثانيه بالبلاد.
وبالنسبه للجوامع رحنه لجامع واحد فقط ايام رمصان وايام السبت والاحد بعد رمضان والتقينه بناس قمه بالاخلاق والرقي ويحبون يقدمون المساعده خاصه للقادم الجديد واكيد مو كل اصابعك سوه ولو خليت قلبت .
شكرا مرة ثانيه للتوضيح وامنياتي بالتوفبق للجميع
-
اختي الكريمة ام اديان
اعتذر اذا فهم من كلامي الانتقاص من الناس! بالعكس اكو هنا ناس تعرفت بيهم ورفعة راس والله بس اكو ناس نايمة بدور "العبادة" هذولي اللي قصدتهم واكيد شفتي هواية منهم؟
المكسيكان عموما ما يحبون اي احد مو مكسيكي (وكرههم للبيض مو طبيعي)!!!
احترامي وتقديري
-
اخي الفاضل Mory
ماكو داعي للاعتذار اخي . حضرتك نقلت تجربتك الخاصة واكيد كل انسان يمر بظروف وتجربه خاصة تختلف عن الاخرين وينقلها لفائدة الجميع .
شكرا للتوضيح وامنياتي بالتوفيق
-
مشكورين شباب بس عمي خبرونة من خلال خبرتكم عن كادر المنطمة لانه يقال انو قسم من المدن جماعة المنظمة بيها كادر تعبان واستغلاللين
-
مشكورين شباب بس عمي خبرونة من خلال خبرتكم عن كادر المنطمة لانه يقال انو قسم من المدن جماعة المنظمة بيها كادر تعبان واستغلاللين
اخي الفاضل بالنسبه للموظفين في المنظمه بداخل المدينة بصراحه حبابين ومتعاونين جدا وماشفنه واحد تعبان او استغلالي بيهم بالعكس تعاونو ويانه وانطونه كافة حقوقنه بالرغم من انه الكيس مانجر مالتنه كان كسول شويه لكن بره ذمته ويانه . وايضا اكو عراقيين يشتغلون وياهم وكلش حبابين . لكن مااعرف ليش مسالة اللقاحات تتاخر يمهم . . اما باقي الاوراق والمستمسكات الاساسيه يستخرجوها الك بوقت قياسي احنه استلمنه كافة مستمسكاتنه خلال عشرة ايام فقط بس هالايام يتاخر اصدار المستمسكات بسبب الظروف الراهنه وان شاء الله فترة قليله وتخلص .
.
-
الموضوع منقول من الكوكل وكتبته لفائدة الاخ السائل عن الولاية
دنفر مدينه جميله جبلية تحيطها جبال الروكي الحمراء.. وتعتبر مدينه جامعية اكثر من ما هية مدينه عمل...
العمل ما متوفربصورة قوية اومثلما الكلتتصور صعب ان اتحصل عمل... بس هية مدينه هادئه نظام الباصات والقطارات واللي اسمهه لات ريل نظام جداممتاز وحلو وكلشيهنا بالنظام
كثيراكو عراقيين لكن الغالبية العظمى بطاله وماكو شغل وتعتبر الشغل بيهه جدا قليل اسوة بباقي الولايات
بس يتحصل اذا خبرتك جدا قوية ولغتك قوية غير شي لا
والموفقية من الله
اي سوال اخر او محدد اني بالخدمة
اسعار الاجارات نوعا ما غالي مقارنه بمعدل البطاله
يتراوح سعر الاستودية من 550 دولار الى 600
غرفه نوم وحده من 575 الى 700
وحسب المناطق
الجو شتوي وبارد جدا اتخيل امس مطر واليوم صاحت الغارة على اساس يضربنه تيرنيدو يعني اعصار والله ستر
سهل ان يكون بيهه ثلج شهر 5 او شهر 9 او 10
جدا الجو والطقس متغير ومتقلب هنا
لكن جدا حلو ابسرعه تنشف الدنية وكانما ماكو شي صاير
والحمد لله عايشين وبسلام
شي واحدحبيت اكوله لان اني هنا من تقريبا سنه راح ايصيرلي انو اكو شوي عنصرية فاذا انت كووول وية هالشي خلاص راح تعبر
وتقبل سلامي
اخوك علاوي
كولورادو
-
بارك الله بك اخي الكريم معلومات وافية وشافية عن هذه الولاية والمدينة ولم تترك شيئا الا وتطرقت له , وطريقة شرحك عن الولاية بسيطة ومفهومة للجميع , بوركت اخي الكريم على هذا الجواب الرائع .
أخوك أبو الحكم
تعقيباً على كلام الاخت ام اديان (وليس نقض) لان كل شخص تجربته تختلف في امريكا.
اتفق 100% وية النقاط 1 و2.و 5 و 7
بخصوص العمل (وارجع واكول كل واحد وتجربته) ...اول ما وصلت شهر التاسع 2010 المنظمة تريدني اروح ادرس انكليزي وروح وراها روح ادرس شلون تقدم علة شغل ابمدرسة يم المنظمة (ما اذكر اسمهة ) وعندك مساعدات مع العلم الكاش 680 وايجاري 790 مع العلم انكليزيتي طليقة وعندي علوم حاسبات وعندي MCSE! ما رحت لاي وحدة وبدل ذلك ورة شهر بالضبط ورة ما استلمت كل اوراقي وطلعت اجازة اشتغلت ابـ Safeway اعبي غراض بالاكياس لحد ما اخذت التيست لان اكون كاشير. بعد شهر قدمت علة معمل اللحم في Fort Morgan واكيد كل اهل دنفر يعرفوه واشتغلت بالصيانة (دوامي يبدي 10 بالليل للـ 6 الصبح) لمدة 6 اشهر بالضبط لكيت شغل وبراتب زين بشركة كومبيوتر اختبروني ولحد هاي اللحظة اشتغل وياهم والحمد لله وزيدو راتبي 3 مرات خلال سنتين. القصد من هذا السرد اعرف هواية ناس يلكون شغلة ويجلبون بيهة حتة لو تدفع الهم 7 دولارات بالساعة وابد ما يفكر يطور نفسه او يدور على شي احسن! الشي الوحيد اللي انصح بيه الجميع هو تعلم وطور نفسك باللغة وهذا رح يصعدك حتة بشغلك ويسهل عليك ايجاد العمل.
بالنسبة للمساجد دخلته جميعاً (من الصفحتين) وكل مكان كانت فيه مشاكل شكل مع الاسف مو بيوت عبادة وانما كهاوي نميمة ونفاق ولا اريد ان اطيل الكلام بهذا الموضوع واكتفي فقط اني لن اذهل لاي منها مرة اخرى.
بالنسبة للمكسيكان وما ادراك ما المكسيكان!!! مع الاسف اروح لمكان اشوف وحدة عربية محجبة تشتغل وعدهة اكسنت يعني اكيد الانكليزي لغتهة الثانية احجي وياها عربي تجاوبك انكليزي!!! بينما المكسيكي اذا اشتغل واحد ابمكان رح اشوف ورة سنة كل القدماء اختفو والمكان انترس جماعته وكرايبه مع العلم واحد باجر شقة او بيت وتلكي مكعد وياه 3 عوائل. عودة لنقطة الاخت ام اديان انه بحكم شغلي افتريت هواية ولايات ترة كولورادو رحمة بالمقارنة بغير ولايات بالنسبة للمكسيكان واتوقع خلال 10 سنوات كلش رح يسيطرون (للمثال قدمت علة شركة IBMوخلصت كل المقابلات بنجاح اخر مقابلة كالولي صدك انتة تحجي اسباني؟ كلتهم لا اووو نعتذر!!!)
بالنسبة للايجارات حاليا دنفر احد عشرة مدن يهاجر اليها من انحاء امريكا ولهذا السبب نشوف الايجارات هاي السنة خصوصاً زادت وبشكل غير معقول! قبل سنة ونص اجرت شقة ابـ 780 العام زيدوه الى 999 وهسة صار 1270!!!
بالنسبة للسيارة اكيد ضرورية لان نظام المواصلات عدهم كلش تعبان (من ناحية الخطوط) واي شخص بريد يطلع اجازة سوق (في دنفر) ممكن يراسلني عالخاص واعلمه شلون يعبر الامتحانات بسهولة وباخذ الاجازة بنفس اليوم.
ااكد مرة اخرى كل واحد يشوف امريكا من تجربته الخاصة واذا تريد تنجح ... ضل اتعلم وطور اللغة مالتك.
تحية وتقدير للمنتدى اللي ساعدني كثيراً
-
الشكر الجزيل للاخت ام اديان والاخ علاوي والاخ ابو الحكم