ankawa
منتدى الهجرة واللجوء => الهجرة و واللاجئين => الموضوع حرر بواسطة: عزوز40 في 04:25 28/09/2013
-
السلام عليكم اخواني الاعزاء
عندي كم استفسار بخصوص تغيير الولاية لان اني بوضعية كلش صعبة ارجوا ان تردون علية علما اني قريت هواي مواضيع بالمنتدى عن هذا الموضوع
1- هل المنظمة في الولاية الي راح انتقللها تقبلني لو لا , لو لازم اخابرهم بالبداية ؟؟؟ (علما انو اني صارلي 3 اشهر بولايتي )
2- اذا قبلتني المنظمة هل راح يساعدوني بالايجار لو لا ؟؟ (علما انو اني خلصت فترة المساعدات الي هية 3 اشهر )
3-ماهي الاشياء الي لازم انقلها وياي مثل (الفود استامب , السوشيل , تلقيحات الكرين كارت , .................)
4 - اخواني لمن اريد اغير الولاية هل اكوللهم اريد احول الملف لو اغلق الملف ؟؟؟
ارجوا تردون علية لان اني صاحب عائلة و وضعيتي كلش صعبة ............... وشكرا
-
والله اخويه مااعرف انشالله يفيدوك اصحاب الخبر
-
up
-
up up up
-
السلام عليكم اخي .
الله يفرجها عليك ويطلعك من كل شده يارب
راح اجاوبك باللي اعرفه لان احنه اتحولنه من ولايتنه قبل اسبوعين تقريبا ..
1- لمن تريد تحول تبلغ المنظمه برغبتك وهمه اذا عدهم فرع للمنظمه هناك يتصلون بيهم او ينطوك ورقه بيها اسماء المنظمات الموجوده بالولايه الجديده . ولمن تروح تكدر تروح لاي منظمه قريبه عليك وهمه يستقبلونك .
2- اخي الكريم المساعدات تستمر حتى اذا تحولت لغير ولايه واذا حضرتك عندك عائله يعني مو سنكل ..فالمساعدات ماتنكطع بعد ثلاثة اشهر .بالعكس اقل فترة هي ثمانية اشهر وحسب البرنامج المسجل عليه .
3-اخي انت تاخذ كل اوراقك وياك وهناك همه كلها يبدلوها ماعدا السوشيل نمبر هذا يبقى ثابت ويطلعولك اوراق من الولايه الجديده . وبالنسبه للقاحات مااعرف لان لحد الان مااخذنه اي لقاح .
4- لمن تريد تحول تكلهم اريد اغلق الملف وحتى اذا ماتطلب همه راح يغلقوه لمن تبلغهم بالتحول وغالبا يكون غلق الملف بنهاية الشهر . ويفتحولك ملف جديد بالولايه الجديده . والى ان ينغلق ملفك بالولايه القديمه يله يفتحولك ملف بالولايه الجديده . وتبدي باستخراج الاوراق الخاصه بيك من جديد.
بالتوفيق ان شاء الله
-
اخي انت باي ولاية ولاي ولاية ستنتقل ؟؟؟
اجابة الاخت ام اديان جيدة وبارك الله فيها
الايجار من فلوس الويل كم وليس من المنظمه بمعنى تنحسب اشكد عدد افراد عائلتك واشكد صرفوا عليك ايجار واثاث بيت وهاي ينطوك بيه وصولات والباقي يعطوه لك
المساعدات تبقى مستمرة معك وباي ولاية كنت ...واذا عندك اطفال وتعمل عمل جزئي غير كافي حتى لو فول تايم فالمساعدات ليس لها علاقة بالزمن سواء شهر او سنه او خمسين ...المهم انك تعمل واذا لم تعمل متمردا ممكن ان تنقطع عليك بعد اشهر من وصولك
اجابة الاخت ام اديان جدا صحيحة بالوثائق اما التلقيحات فمكن تجلبها معك او تطلبها الدائرة الصحية التي ستكون مسؤوله عنك
يبقى مدارس الاولاد بما انكم في البداية سيكون من السهل عمل اختبار جديد لهم في الولاية الجديدة او ربما يعتمدوا على الاختبار القديم اذا جلبته معك
ووووووووووووسلاما للعراق
-
اشكر كل من رد علية وجاوبني
واشكر اختي ام اديان وسلاما العراق على الرد السريع واتمنى التوفيق للجميع