ankawa
منتدى الهجرة واللجوء => الهجرة و واللاجئين => الموضوع حرر بواسطة: Rapunzel في 19:04 28/09/2013
-
يسعدلي مسائكم أعزائي أعضاء المنتدى
هذه اول مشاركة الي وياكم و أتمنى تقبلوني صديقة جديدة بمنتداكم الرائع
وحبيت بداية أستفسر منكم عن شغلة صارت وياية مؤخراً
انا تمت اضافتي الى كيس الي هو لوالدتي و والدي في شهر الخامس 2012 و قابلت مقابلة أولى في شهر شباط 2013
وبعدها بشهر عملت فحص طبي وبقيت من وقتها أنتظر مقابلة محلفين ، و دزيت ايميل للمنظمة اسأل عن حالة الملف حتى أعرف متى تحدد المقابلة الثانية الي طال إنتظارها ، و جاوبوني ان اكون مطمئنة والكيس في البروسيسنغ و سيتم ابلاغي حالما أكون على جدولة المقابلات.
لكن يوم الخميس قبل يومين وصلنه ايميل يكول انه تم اغلاق الكيس الخاص بيه و مذكور رقم كيس خطأ لا علاقة به بالكيس الي هو اصلا باسم والدتي ( لاني اني اصلا ماعندي كيس منفصل عنها ) ومكتوب سبب الإغلاق واحد من مجموعة اسباب .. يعني معقولة ينغلق الكيس بهالشكل!!! و حتى صرت كلما احاول ادخل لموقع المنظمة اشوف حالة الكيس مايقبل كلمة المرور ويكول انه اكو خطأ بيها .. يعني ممكن ان يكون الكيس انلغى من الموقع .. أحد منكم مر بهالحالة أو سمع عنها ؟؟؟ شنسوي ؟؟ وشلون نتصرف ؟؟؟ اسفة عالاطالة بس حبيت أشرحلكم الحالة بشكل مفصل .. و أتمنى أنه تفيدوني بأرائكم .. و اني ممتنة ألكم جدا .. تحياتي
-
مرحبا
اتمنى اسمع جواب عن الحالة اللي ذكرتيها...ومن المخضرمين في المنتدى
-
اختي العزيزه
عذريني مسامعه بهيج حاله بس الواضح اكو غلط بأرسال الرساله لكم يعني من ذكرتي انه رقم الكيس نمبر غلط مو هو نفس رقمكم معناها اكو خربطه بالرسائل وهذا بسبب الزخم على الرسائل احتمال وارد
واكو قسم من الاخوه ويانه بالمنتدى ما اذكر اسمائهم بس صارت خربطه برسائلهم وبعدين صار التصحيح اتمنى انه يكون غلط بس حاولي تبعثين رساله او تتصلين للتاكد
تحياتي
اختج ام شاهين
-
اختي لاتقلقين اني دائما اراسلهم ويردون عليه طبيعي نفس رقم الكيس ونفس الاسم بس مرة وحدة راسلتهم وجان يكلولي يابه هذا الكيس مو الك هذا الرقم لفلان بن فلان بس اني بوقتها لعبت نفسي ضجت بس بعدين راسلتهم كلولي هذا الكيس باسمك فلا تخافين راسليهم وشرحيلهم الوضع الصحيح تقبلي مروري اخوج علي ابو لحسن
-
انشالله يارب ماكو شي ياربي ..
الله يسهلج يارب
-
خطأ فني واداري لااكثر ولايدعو للقلق مطلقا , ارسلي ايميل للمنظمة من أيميل والدتك المسجل لدى المنظمة واشرحي لهم الحالة وسيعالجون هذا الخطا ان شاء الله .
أبو الحكم
-
أخي العزيز أبو الحكم أشكرك على مرورك و كلماتك الطيبة ، و أنا فعلاً كتبت لهم من أيميل والدتي و بإنتظار أي تطور يصير أو رد منهم
و إن شاءالله يكون فعلاً خطأ فني مثلما كلت لأن أني جداً قلقت من هالايميل
و شكراً مرة ثانية إلك عزيزي أبو الحكم .. تحياتي
-
أختي العزيزة أم شاهين
أشكرج لمرورج و إهتمامج ، و احنه دنسوي كل الي نكدر عليه حتى نتأكد اذا كان هذا خطأ او الكيس فعلا انغلق
واني رح اضل انتظر على اعصابي الى ان نتأكد .. أدعولي يطلع مجرد خطأ و تتسهل الاجراءات و يتم السفر بسرعة :'(
تحياتي الج عزيزتي أم شاهين
-
[/b
السلام عليكم .....
اختي الكريمة كلش عادي وهذا خطأ بالجواب من قبل هم ... يمكن بسبب خطأ الموظف او خطأ فني ,,, اني قبل فنرة بعثت الهم رسالة اطلب منهم تغيير الكفيل وبعثت الهم اسم وعنوان وكل تفاصيل الكفيل الجديد.. جان تجيني رسالة شيش بيش ... يكولون ملفك بعده بالتجييك الامني واحنه متابعين ملفك ومجرد ما ينتهي التجييك الامني راح نتصا بيك ... اني وين احجي .. وهمه شنو يجابون.. ما اعرف شنو جاب الدولمة على الكاهي ؟؟!!!!!!
عادي اختي لا تهتمين الشغلة عادية تصير ......
اخوج رضا الحلي
-
اختي لاتقلقين اني دائما اراسلهم ويردون عليه طبيعي نفس رقم الكيس ونفس الاسم بس مرة وحدة راسلتهم وجان يكلولي يابه هذا الكيس مو الك هذا الرقم لفلان بن فلان بس اني بوقتها لعبت نفسي ضجت بس بعدين راسلتهم كلولي هذا الكيس باسمك فلا تخافين راسليهم وشرحيلهم الوضع الصحيح تقبلي مروري اخوج علي ابو لحسن
اي والله فعلا اني هم كلش ضجت لان اني اصلاً صارلي أكثر من 7 أشهر أنتظر مقابلة محلفين و بديت ايأس من المنظمة ،
اني كتبتلهم و منتظرة شنو رح يكون ردهم .. ان شاءالله يكون خطأ .. الك جزيل الشكر لمرورك أخي العزيز ابو الحسن
-
[/b
السلام عليكم .....
اختي الكريمة كلش عادي وهذا خطأ بالجواب من قبل هم ... يمكن بسبب خطأ الموظف او خطأ فني ,,, اني قبل فنرة بعثت الهم رسالة اطلب منهم تغيير الكفيل وبعثت الهم اسم وعنوان وكل تفاصيل الكفيل الجديد.. جان تجيني رسالة شيش بيش ... يكولون ملفك بعده بالتجييك الامني واحنه متابعين ملفك ومجرد ما ينتهي التجييك الامني راح نتصا بيك ... اني وين احجي .. وهمه شنو يجابون.. ما اعرف شنو جاب الدولمة على الكاهي ؟؟!!!!!!
عادي اختي لا تهتمين الشغلة عادية تصير ......
اخوج رضا الحلي
وعليكم السلام .. الف شكر الك أخي العزيز رضا على ردك و تطمينك الى و فعلا دتصير خربطة فضيعة حتى بالموقع مال المنظمة لان حاولت من اكثر من حاسبة افوت عالموقع واشوف حالة الملف و يكتبون انه اكو خطأ بكلمة المرور .. اني داحاول مااقلق و اخذ هذا الايميل على انه خطأ فني و خربطة مثلما كلكم دتكولون و ان شاءالله ترجع الاجراءات تمشي اسرع شوية :(
تحياتي الك اخي العزيز
-
انشالله يارب ماكو شي ياربي ..
الله يسهلج يارب
أشكرك أخي العزيز على مرورك و دعواتك
-
اختي الكريمة كوني مطمئة مستحيل يتم رفض او غلق الكيس قبل اجراء مقابلة المحلفين لانه هذا الاجراء غير قانوني بهالحالة لانه المحلف هو الوحيد الي يبت بالقضية سواء يقبلها او يرفضها و لا يجوز لاي جهة اخرى رفض الملف حتى الجهات الامنية لا يجوز لها رفض الملف الا عن طريق قرار المحلف و كيف يتم رفض الملف بلا مقابلة مع المحلف اصلا؟
بكل تاكيد هناك خطأ بالموضوع و عليج ان تراسليهم و توضحيلهم المسألة
تحياتي
-
اختي الكريمة كوني مطمئة مستحيل يتم رفض او غلق الكيس قبل اجراء مقابلة المحلفين لانه هذا الاجراء غير قانوني بهالحالة لانه المحلف هو الوحيد الي يبت بالقضية سواء يقبلها او يرفضها و لا يجوز لاي جهة اخرى رفض الملف حتى الجهات الامنية لا يجوز لها رفض الملف الا عن طريق قرار المحلف و كيف يتم رفض الملف بلا مقابلة مع المحلف اصلا؟
بكل تاكيد هناك خطأ بالموضوع و عليج ان تراسليهم و توضحيلهم المسألة
تحياتي
الف شكر الك اخي العزيز single man على ردك المطمئن ، واني كتبت للمنظمة و شرحتلهم كل شي وانه اكو خطأ برقم الكيس ، و اتمنى انه فعلا مجرد خطأ و مايعرقل اجراءات السفر او يأخرها أكثر مما هي متأخرة :(
تحياتي الك اخي العزيز
-
اني عندي سؤال اذا عمرج فوك ال 21 مو لازم كيس نمبر منفصل ؟؟؟
اني انصحج كتبي رساله بلعربي وتحتها ترجمه بالانكليزي
لا اني كلش خربطو ويايه وميجايون الا من هيج كمت اسوي
واحدد نقاط يلله كمت احصل اجابات وافيه