ankawa
منتدى الهجرة واللجوء => الهجرة و واللاجئين => الموضوع حرر بواسطة: أبن الدورة في 12:08 29/09/2013
-
السلام عليكم اخوان طبعا قبل كلشي راح اختصر تواريخ مقابلاتي
التقديم الشهر التاسع 2009
الكوم ابروفل الشهر الثامن 2010
المقابلة الشهر الثالث 2011
الزواج واضافة الزوجة الشهر 12 / 2011
اجاني طفل الشهر 10/ 2012 وما انطوني موعد مقابلة لحد يوم 28 / 8 / 2013
النوب اخر مقابلة الي هي الرابعة اليوم بتاريخ 29 / 9 / 2013 وهذا الايميل :
Please be advise that we have reschedule your wife’s appointment to sign the DS 230 for September 29, 2013 at 7am. Please find enclosed access letter for that day. Please print one access letter for 2 if you are planning to accompany her. Your name will be added to the access list for that day.
Attached instructions on how to prepare for the interview.
Have a nice day!
طبعا اليوم قابلت وكل ضني راح يكولي انتظر على ما اصدر فيزتك وجان انصدم وكلي بعدك تحت الاجراءات الادارية وعندك منا لباجر بليلل وراه منكدر ان انصدر اي فيزة ؟؟؟ واني اشجعك ان تقدم اي او ام طبعا كل الحجي الي راح تحجونه بالتعليقات حجيته مال احنى مظلومين وكذاا يكولي مو يمي حتى كتلة حتى لو رفض بس كلولي شنو النتيجة ؟؟؟وللعلم اني اشتغل ليهسه وحتى الباج ماخذه وياي واخر سكرينك يوم 22 بهذا الشهر ؟ لا مسافر ولا مسجون ولا خادم عسكرية ولا منتمي لحزب البعث ؟؟؟؟
وما احب اضوج احد بس استغربت من احد الاخوان الي يكول تمديد سئلته اليوم كالي لحد هاي اللحظة ماكو اي تمديد ومن باجر منكدر ان نصدر اي فيزة .. وهذا كلام القنصل والله يوفق الجميع والله يسهل علينا وعليكم بالساعات القادمة ....
-
أخي العزيز
يغيير الله من حال الى حال هذا كلام روتيني وخلي ايمانك قوي بالله
احنة هم مثل حالتك والله يفرجها ع اي ساعة
ومعليك بالنتوءات البعض الموجودة بالمنتدى اخاك من واساك و اسمعك كلمة طيبة تريحك ع بلاءك او رخاءك
الحمد لله التحديثات مستمرة والامور تبشر بخير .
بالتوفيق . :)
-
والنعم من الله وهذا واقع الحال والحمد لله والله يسمع منج
-
انا مترجم سابق مثلك وحالي من حالك بس ماقدمت على SIV لان ماكملت سنة , وحاليا موظف بالسفارة الامريكية وجميع المعلومات المتوفرة لدينا من امريكا تقول لاتمديد لبرنامج الــ SIV بعد تأريخ 30-09-2013 وبنفسي سألت اكثر من مرة موظفي مركز الفيزا سنتر وقالوا لامعلومات عن تمديد للبرنامج وجميع المؤشرات تقول لن يتمدد , ولكن قلوبنا معكم اخي الكريم وان شاء الله تغيير من حال الى حال وانصحك بالتقديم على برنامج الــ IOM عسى ان يسرعوا من ملفاتكم وتكون لكم اولوية في التقديم والتسريع .
أخوك أبو الحكم ( جار الانتظار سابقا )
-
الف مبروك على المقابلة اما التمديد وعدم التمديد هذا الامر بيد الله سبحانه وتعالى لابيد القنصل او غيره
وهو بعلم الغيب صح ان القرار لحد الان ماكو تمديد ولكن من اليوم الى غدا الف حل يصير واذا تمدد او لا فالله سبحانة اذا ماقاسم لنا ماراح يصير لو شنو مانسوي ونحاول.
وعسى ان تكرهوا شيئا وهو خير لكم
وياليت الاخ ابو الحكم اذا عنده اتصال وية القنصل اوجماعة السفارة يوصل لهم الرسالة التالية اذا عندة علاقة وياهم وميانة:
هذا موقف السفارة يذكرنا بموقفهم مع الفيتناميين العاملين معهم في حرب فيتنام عندما تركوهم واستقلوا الطائرات السمتية
شكرا
-
بس خلي اوضح مسائلة , العراقي شما علا بالسفارة يبقى لوكل ناشيونال وانتم كلكم تعرفون شنو قصدي ......
فرجاءا بدون كلام موثوق وبدون روابط لا يحجي ..... عبالك احنا ما نعرف شلون اللي عاشين بامريكا وحقدهم على العراقيين , والمعسكرات وسنينها تثبت كلامي مع احترامي للطيبن طبعا لانه مو كل اصابعك سوا ....
-
وحبيبي مبروك المقابلة وما تعرف يجوز هسة تصدر فيزتك ... فلا تيأس من رحمة الله , كلنا في نفس القارب وان شاء الله نوصل لبر الامان على عناد الحاقدين وما نغرك ....
-
اخي الكريم ابن الدورة
كلنا نعرف انه الجماعة لو الفيزا بايدة ما يكلك مباشر الا عن طريق الموقع فلا تأيس ولا تاخذ كلامه راس مال
وان شاء الله تصدر فيزت قريبا انت وكل الاخوة والاخوات الباقين انه على كل شئ قدير
اخوكم بالله يوسف البصراوي
-
أخي أكيد الي كملو مقابله غير تعامل لان موقع السفاره محدد الي منتهي من المقابله ينتظر التعليمات ويراقب الموقع بخصوص الفيزا وبنفس الوقت أكو موقع يأكد انو البرنامج يغلق للناس الي ما مقدمين استماره i360 استبشر خير أخي وانشالله كلنا نستلم الفيزا رحمه الله واسعه
-
اولا شكرا للكل وثانيا اني ما دا اشتكي اني راضي بحكم الله وقدرة وقراراه بس حبيت اوصللكم الصورة وموضع التجديد مثل مكالو الاخوان ممكن بس مو اليوم لانه لحد الساعة 10 اني جنت بالسفارة وكلي ماكووووو ؟؟؟ يعني الموضوع ممكن باجر او بغير وقت ... وماله اي داعي التعليقات المشحونه الله يسهل علينه وعليكم والله كريم ....
-
اخي كاتب الموضوع المحترم ابن الدورة
والله رحمة ربك بلحظة مو بيوم ولا بساعة وثانيا كلام الاخ hpdswat كلام منطقي يعني اني مااعتقد دولة مثل امريكا ترفض تمرير قرار انساني والا جان ماصارلهم 7 سنوات الطائرات مالتهم تنكل لان رفض التعديل يجب ان يكون اله موجباته ومااتصور العقلية الامريكية تفكر بهالطريقة خاصة وان هناك ضغط والتماس من قبل الخارجية لاتمام كل الملفات العالقة اضافة لضغط المنظمات الانسانية فمنطقيا اعتقد التعديل ماشي واداريا يتطلب بعض الوقت الا ان نسبة التصويت على تمديده سنة واحدة وليس اعادة البرنامج مرة اخرى اغلبية
واذا الكونكرس وكل هذه المؤسسات اللي اسست واحدة من اكثر الحضارات المتطورة لم توافق على التمديد فربك ميعوف حمل مطروح
وتحياتي لكافة الاخوة ولست احاول ان اكذب لاطمئن ولكن اعتقد ان نسبة تمديد البرنامج لسنة 2014 تصل الى 70%
-
شباب هسه اني اريد جوازي الي السفاره مجلبه بي لحد 30/9 .... ما نريد العنب سلتنا شوكت يدزوها ؟؟؟؟؟
-
انشالله الله يسهلها على ولد الحلال
وكلامك صح من نزلت موضوع الرفض الجماعي للاس اي في
كالوا انتة تهبط المعنويات
مع الاسف
اكو بعض الناس
تحب اللي يجذب عليها
مثل بعض المواضيع اللي كالت الشهر السادس الكل تسافر
والسنة راح تخلص
المهم
الاس اي في باجر حدة
ونشوف وانشالله خير
اكو ناس من 2009 تنتظر فيزة
وماحصلتها
اللي يكتلك
يكول
اصبر
هسة تجي
-
اللة كريم شباب
اللة وسبحانة وتعالى يفعل مايريد ونغمة باللة
خوكم الاسمر
-
رحمة الله واسعه وإن شاء الله ميضيعلك تعب,,الله أرحم الراحمين
سامي75
تحياتي
-
الحمد لله على كل حال واني هسه جيت الموقع وماكو اي تحديث وخلص كولشي 4 سنين راحت هباء ؟؟؟ بس الحمد لله على كل حال عسى ان تكرهو شيئا وهو خير لكم واني راضي بحكم ربي وشكرا للجميع وربي يسهل عليكم ان شاء الله سواء بقيتو او سافرتو .....