ankawa
منتدى الهجرة واللجوء => الهجرة و واللاجئين => الموضوع حرر بواسطة: harithjs في 16:53 05/10/2013
-
الى الاخوة اصحاب التجربة الكرام .. ارجوا افادتنا عن طريقة التقديم عن طريق اليو ان تركيا واعطائنا ادق التفاصيل بهذا الصدد ابتداءا من اعداد الوثائق المطلوبة قبل السفر الى السفر الى الوصول الى تركيا الى التقديم الى اليو ان الى مدة الانتظار .. تحياتي
-
Up
-
اهلا بيك اخ harithjs
طبعا المستمسكات المطلوبه ( الهويات - باجات العمل - شهادات التخرج - اوراق التهديد - بلاغات مر كز الشرطه والاوراق التحقيقيه -
شهادات الوفاه - صور - تقارير مستشفى - دفتر الخدمه العسكريه ) يعني كل مستمسكاتك الرسميه وكل الاثباتات
الي تثبت التهديد ع حياتك
السفر اذا جوي الفيزا بالمطار تاخذهه
اذا بري طبعا الفيزا من السفاره التركيه او مكاتب السفر لكن ما عندي معلومات عن السفر البري اعتذر
التقديم بتركيا يكون عباره عن 3 مقابلات
التسجيل : يكون تقديم جوازات العائله واسئله بسيطه ومن ثم ينطووك ورقه بيهه اسماء المحافظات المفتوحه لاستقبال اللاجئين
لان مثل ما تعرف السكن مو بكيف اللاجىء
وطبعا كل فتره تتغير
ومن ضمن المحافظات ينطون اسطنبول وانقرا للسكن لكن يترحل منهه اللاجىء بعد 3 اشهر
الى محافظه ثانيه
قسم من العوائل يختاروهه وعند الترحيل لمحافظه ثانيه يكونون عدهم فكره واسعه ع طبيعه الحياة بتركيا ويعرفون شلون يتصرفون
وقسم من البدايه يفضلون المحافظات حتى لا يصرفون ويتعبون مره ثانيه بموافقات واوراق وامنيات
واثاث ونقل وتبقى كل عائله حسب الي تختاره
طبعا من الافضل اختيار اي محافظه قريبه تكون من اسطنبول لان باقي المقابلات تكون بيهه ان وجدت طبعا عند التقديم
وبمجرد التقديم تاخذ ورقتين ورقه تقدم الى امنيات المحافظه ( الشرطه )
وورقه اليوان الي بيهه موعد المقابله وتعتبر ورقه حمايه
وهي كلهه 3 مقابلات وحده بانقره او امنيات المحافظه المختاره دتصير حاليا هناك
لغرض تسهيل الامور ع اللاجىء حتى ما يرجع مره ثانيه لانقره
ومقابلتين باسطنبول
هاي عدا الفحوصات والتثقيفيه وتكون مع بعض هم باسطنبول
الحياة حلووه وهادئه بتركيا
تبقى تنتظر موعد المقابله وبعدهه تاخذ ورقه تسمى الفسفوره ( القبول كلاجىء ) الي من بعدهه يبدي الملف يتحرك
تنتظر بعد فتره نزول دوله الاستيطان ع موقع اليوان
ومن بعدهه ينم الاتصال بيك ع مقابله باسطنبول في حاله كانت دوله التوطين امريكا
مقابله منظمه icmc با سطنبول لغرض سرد القصه مره ثانيه بتفاصيل اكثر وترتيب الملف لعرضه ع المحلفين
وبعد فتره يتم الاتصال مره ثانيه لمقابله وفد المحلفين بنفس مقر منظمه icmc
وبعد موافقه المحلف ع الملف ينزل القبول ع موقع اليوان وتبقى تنتظر الاتصال
ع موعد الفحوصات والدوره التثقيفيه
ومعدل الصرف لعائله متوسطه العدد ما بين 800$ -1000$
يقل او يزيد حسب المحافظه او بفصل الشتا ايضا اكو زياده شويه
وهذا يشمل كولشي ( ايجار -فواتير مي كهرباء غاز موبايل انترنيت - اكل شرب ادويه ملابس )
خاصه اذا كانت الشقه دوار غاز وهي من الافضل والانظف لاتحيرون بشقق الفحم
بكل الاحوال العائله تعرف بعدين شلوون تقتصد وترتب امورهه
يعني ايجار الشقق يبدي من 200$ واكثر حسب المحافظه ونظافه الشقه
لكن الي يجي لازم يكون عنده مبلغ مالي او وارد شهري يجي حتى يكدر يعيش
الشغل ان وجد فهي اعمال بسيطه صباغ عامل بمطعم شي بالمزارع
بصالون حلاقه من هاي الامور البسيطه
تحتاج الى شخص يساعدكم بالبدايه من ناحيه ايجار السكن وامور التامينات للمي والكهرباء والغاز
علمود اللغه لان هم ما يحجون انكليزي
وبعدين تترتب الامور وتكون اسهل عليكم بمساعده الاخوه العراقيين
فترات البقاء بتركيا من سنه ونص ولغايه 3 سنين هاي اسوء الاحتمالات
والاقامه تكون بدفتر يسمى الكملك للعائله وسعره اقل الورقه بشويه ينطوه للاب
ولكل شخص عمره فوك 18 اله دفتر
ويلتزم بتوقيع حاليا ( بصمه بجهاز الكتروني ) كل اسبوع بامنيات المحافظه
حتى يثبت انو ما مغادرين المحافظه
مدارس اذا اكو اطفال يدخلون كمستمعين مع الاتراك
راتب من اليوان ماكو الا لحالات خاصه وقليله جدا ولازم تقديم طلب
المساعدات معلوماتي بسيطه لان محافظتنه ما بيهه
لكن اكو مساعدات ماليه بسيطه من الوالي ( المحافظ ) بمحافظات ثانيه حسب
ما يكولون الاخوه الاعضاء او كارتونه بيهه معلبات هيجي شي
حاليا سعر صرف 100$ = 198 ليره
هاي اهم الامور بتركيا الي اتذكرهه حاليا
وان شاء باقي الاخوه ينطوك معلومات اكثر مني
اختك راي / تركيا
-
شكرا جزيلا اخت راي على هذه المعلومات القيمة .. لدي احد الاصدقاء قام بالتقديم مؤخرا عن طريق تركيا ولكنه يشكو الان وقيل لي بانه نادم لانه لم يقدم عن طريق لبنان !! هل تركيا افضل ام لبنان من ناحية التقديم على منظمة اليو ان .. واود ان استشيركم بقضية اخرى وهي انني قابلت محامية في لبنان ارشدت عليها من طرف اصدقاء عراقيين قامت بتسهيل مقابلاتهم وتقوم بامر مفيد جدا حيث اعمل لها وكالة عامة في لبنان وارجع للعراق وهي بدورها تقوم بالتقديم بالنيابة عني في منظمة اليو ان وتحصل على موعد مقابلة اولى اقصاه 4 اشهر حسبما قالت لي شخصيا مقابل دفعة اولية تبلغ 2500 دولار امريكي ومبلغ اجمالي 10000 دولار وبعد المقابلة الاولى لا يمكنني مغادرة لبنان فما هو رئيكم ونصائحكم بهذا الخصوص .. مع خالص التقدير
-
شكرا جزيلا اخت راي على هذه المعلومات القيمة .. لدي احد الاصدقاء قام بالتقديم مؤخرا عن طريق تركيا ولكنه يشكو الان وقيل لي بانه نادم لانه لم يقدم عن طريق لبنان !! هل تركيا افضل ام لبنان من ناحية التقديم على منظمة اليو ان .. واود ان استشيركم بقضية اخرى وهي انني قابلت محامية في لبنان ارشدت عليها من طرف اصدقاء عراقيين قامت بتسهيل مقابلاتهم وتقوم بامر مفيد جدا حيث اعمل لها وكالة عامة في لبنان وارجع للعراق وهي بدورها تقوم بالتقديم بالنيابة عني في منظمة اليو ان وتحصل على موعد مقابلة اولى اقصاه 4 اشهر حسبما قالت لي شخصيا مقابل دفعة اولية تبلغ 2500 دولار امريكي ومبلغ اجمالي 10000 دولار وبعد المقابلة الاولى لا يمكنني مغادرة لبنان فما هو رئيكم ونصائحكم بهذا الخصوص .. مع خالص التقدير
اعتذر منك ما عندي معلومات ع لبنان اكثر من هذا الرابط ... ان شاء الله باقي الاخوه يساعدوك بالي يعرفوو
http://www.ankawa.com/forum/index.php/topic,667105.msg6022848.html#msg6022848
اختك راي / تركيا
-
هذا الرابط بيه معلومات حلوه ومفيده ارجو ان يفيدك
:)
http://www.ankawa.com/forum/index.php?topic=575330.0
-
شكرا لكم اخواني للافادة واتمنى ممن لديه اية معلومات الافادة بها ولكم جزيل الشكر والتقدير