ankawa
منتدى الهجرة واللجوء => الهجرة و واللاجئين => الموضوع حرر بواسطة: husseinalaa في 02:46 07/10/2013
-
السلام عليكم:
الاخوه والأخوات رواد هذا المنتدى الرائع:
عندي سوال الكم، اني جديد بالمنتدى، وحبيت افتح هذا الموضوع وياكم وأشوف آرائكم :
اخوكم من سكنة الحلة، كنت في أمريكا 3 سنوات ، رجعت قبل 9 اشهر لان ما كدرت اتعطل اكثر على زوجتي اللي معاملتها ويه ال اي او ام كلش طالت..
الملف كالآتي:
الملف:فعال منذ الشهر السابع 2013.
المقابلات الاولى والثانية: مكتمل من الشهر الثامن 2012.
الفحص الطبي: تمت الاعاده في الشهر الثامن 2013
الأمنية (البليه!!): كملت في بداية السابع، كملنا الفحص الطبي بالثامن، رجعت انتظار في بداية الشهر التاسع 2013.
يعني صارلها شهر و شويه من رجعت انتظار...
السفر: غير فعال
المطار والمدينة موجودين من العام الفات.
الكفيل اني..اتصلوا بيه من جنت بامريكا قبل 9 اشهر.
كلما اخابر عمان من العراق، يكولولي ميصير نجاوبك، اكتب ايميل ونرد عليك،،،،،!!!!
اكتبلهم ايميل اشرحلهم شلون وضعي خطر لان اني جنت اس اي في..و زوجتي مهدده على هالاساس..يرجعون يخابرون...
اخر تلفونين منهم بالشهر الفات (( انت حالتك مسرعه، بس يكمل الفحص تسافر..احتمال جبير هاي السنه))
هذا جوابهم بالنص..
اخوان شنو اللي تشوفون ؟!! آرائكم..اني تعبت من كلشي.. وخرب واهسي بالوضع كله..والمشكلة عندي دراسة هناك وعفتها عالنص..والترافل دكيومنت بعد بيها 5 اشهر فقط وتنتهي..
هذا حجيهم معقول،؟ لو دا يخربطون ويايه؟ زين ليش ما يجاوبني الموظف من اخابر الا ايميل اول شي؟؟؟
تحياتي للجميع.
شكرا مقدما على حسن الاستماع والمشاركة.
-
حبيبي اني ماعندي اي معلومات عن الي تحجي .. بس الي اعرفه انو الكفيل لازم ميسافر . ويترك كفيلته ..
-
هذا الموضوع ما بيه اي مشكله لان الكفيل المهم يتصلون بيه
ويكون موجود،
اتصلوا من زمان و خليت صديقي بمكاني اللي هوه يشتغل بالمنظمة بالولاية مالتي.
-
يعني ماكو مساعدة اليوم؟
-
اخويه الله يعينك بس شعجب ما قدمت لزوجتك وياك اس اي في، مع الاسف محد يكدر يتنبئ بعمل المنظمه بس ما طول هم بلغوك هالسنه تسافر فتامل خير و رب العالمين يسهل امركم و يجمع شملكم مع بعض
-
اخويه الله يعينك بس شعجب ما قدمت لزوجتك وياك اس اي في، مع الاسف محد يكدر يتنبئ بعمل المنظمه بس ما طول هم بلغوك هالسنه تسافر فتامل خير و رب العالمين يسهل امركم و يجمع شملكم مع بعض
شكرا جزيلا على الرد.
ما كنت متزوج آنذاك .. لذلك قدمتلها بعدين.