ankawa
منتدى الهجرة واللجوء => الهجرة و واللاجئين => الموضوع حرر بواسطة: yousef_basra في 19:28 08/10/2013
-
السلام عليكم
قبل شوية استلمت ايميل من السفارة طلبوا مني عدم محكومية للزوجة .
اخوان اريد اطلع اليوم البغداد حتى اوصل الصبح ان شاء الله اسوي عدم محكومية للزوجة ارد منكم التالي اخواني الااعزاء على وجه السرع:
1-عنوان المركز الي اسوي بيه العدم محكومية بالضبط
2-المستمسكات المطلوبة
وشكرا لكم مقدما
اخوكم بالله يوسف البصراوي
-
حبيبي تنزل يم القناة بداييه طريق محمد القاسم السريع يعني لاتروح لكراج النهظه اوكي
ومناك تكسي ب 4 الى 5 الف يوصلك للادله الجنائيه اخوان ترى مكانه تغير اقصد باب الدخول ..
صور عدد2 اخذ اكثر للاحتياط
جواز السفر
جنسيه
شهادة
بطاقه تموينيه
بطاقه سكن
من بعد تنزل من شارع القناة انزل يم الترفك الاول على ايدك اليمنى اكو مكتبه تستنسخ يمه حسب نظامهم وفايل وتتوكل بس لازم تجيب المرة وياك
تحياتي وبالتوفيق
-
مبروك
-
اخي يوسف البصراوي انشاء الله توصل بالسلامة
المطلوب لاصدار عدم محكومية المستمسكات التالية
1. حضور الزوجة شخصيا لاغراض بصمات الاصابع
2. المستمسكات الاصلية (جواز,جنسية,شهادة,بطاقة سكن,بطاقة تموينية)
3. صور عدد 3 ثلاثة
4. المستمسكات مصورة( 2 نسخة جنسية, نسخة جواز, نسخة شهادة,نسخة بطاقة نموينية, نسخة بطاقة سكن)
5.الاستلام بعد 8 ايام وممكن عدم حضور الزوجة .(فقط الزوج)
العنوان: نفس المكان القديم دائرة الامن العامة في البلديات ولكن تغير باب الدخول
حيث كان الدخول سابقا من الشارع العام للبلديات مقابل حي التجار
واصبح الان من شارع القناة جنب البانزينخانة القريبة من السوق المركزي
اي مايعادل ازاحة مقدارها 400 متر تقريبا عن المدخل القديم
واذا لديك اي استفسار اتصل على الخاص اعطيك رقم تلفوني خابرني واني بالخدمة
اخوك اليكو
-
اخي يوسف مبروك الف مبروك
اضافة لما تم ذكره من مستمسكات مطلوبة انتبه يجب حضور الزوجة لاجل البصمات وهاي شغلة متاكد منها والشغلة الثانية الي كلش كلش كلش مهمة قياسات الصورة يجب ان تكون 2.5x2.5 انج او 5x5 سم اي بالضبط مثل الصورة الي بعثتها للسفارة لاجل الفيزا وموفق ان شاء الله وتره ميقبلون صورة صغير الحجم والله على ما اقول شهيد
تقبل مروري
-
اخي الكريم يجب حضور صاحب الطلب ان كان زوج او زوجة او اي شخص , لان الموضوع بسيط جدا كيف يعطوك عدم محكومية ولم يحضر الشخص الذي من المفروض ان تؤخذ بصماته ؟؟؟!!! لذا يجب حضور الزوجة والصور هي كما تفضل الاخوة الاعضاء بالقياس وعددها ثلاث صور وليس اثنين والعنوان صحيح كما ذكره لك الاخوة الاعضاء .
أبو الحكم
-
شكرا الكم اخوان بارك الله بيكم
اخوكم يوسف البصراوي
-
مبروووووووووووووووووووووك