ankawa
منتدى الهجرة واللجوء => الهجرة و واللاجئين => الموضوع حرر بواسطة: برشلونة في 20:56 08/10/2013
-
سﻻم عليكم ... بعد ان حصلت على عنوان " brenda " من اﻻخوة اﻻعضاء واتصلت بيها بخصوص رسالة التعريف الوظيفي ..اجاني منها رسائل تخبرني بانه اسمي مموجود يمهم ....عيني فدوة لحلكج مدام بريندا لعد ويامن جنت داشتغل حبيبة ....بالله شكللهم ذولة ...طبعا بعثتلها كل المعلومات واسماء اﻻمريكان اللي جنت اشوفهم بالتايتن وتكلي ...ماكو اسمك بالديتا بيس....اخوان يا اني داحلم ...يا همة مكبسلين...ماكو شي ثالث.....
-
اخوية السلام عليكم ..
واني هم مثل حالتك .. بأختصار ذولة من اخذوا العقد داح وياه الداتا بيس مالتنة .. وظلوا شهر يدورون على اسمي ومعلوماتي وماكو شي .. هذا الحجي مبقيت احد بإنجيليتي مدزيتله وما سعالي بس المشكلة هي من عدهم .. الوحيدين الي يدبروها همة جماعة الجي أل أس بس للأسف جي أل أس لغت كل علاقة الها بآي أو أم وبعد ماتنطي VOE ومثل ما كلتلك اني مثل حالتك تماما وللأسف ماكو حل نهائيا وياهم.
-
للاسف كلامك صحيح , اني قبل سنة ماخذ رسالة تأكيد عمل VOE من شركة انجيلتي وقبل كم يوم دزيت رسالة لهذا الايميل مال بريندا , وجاوبتني جواب غريب جدا مافتهمت منه شي او ليش هيج جاوبت
جاوبتني وكالت مااكدر انطيك رسالة تأكيد عمل !!! كلتلها شنو السبب ولحيت عليها وطبعا اراسلها من ايميلي الرسمي مال السفارة الامريكية ورجعت وكالت مااكدر انطيك واني اسفة , يعني مكالت اسمك مموجود عدنا مثل حالتك انت او مكالت مااكدر انطيك رسالة تأكيد عمل لان انت ماخذ وحدة قبل سنة من شركة انجيلتي ورسلتلها رسالة ثالثة اريد افتهم وماجاوبت للاسف .
أبو الحكم
-
السلام عليكم
اذا العزيز ابو الحكم بالسفاره يشتغل وما يكدر يحصل على تاكيد لعد اقرا ء على نفسي السلام . طبعا بس متندم على شى واحد بس هو الاخلاص والجد ويه هيجي شركه ما اتقدر الجهد الله المعين . اخوان 3 سنوات بالصحراء وبخطر مميت وبالمنطقه الغربيه الى ان سلمت كل المشاريع للحكومه العراقيه وبالمواصفات والله ولا امريكي اجه وسافرت الشركه وبس اني بقيت وحدي ولا مهندس عراقي او امريكي ويايه الى ان سلمت المشاريع . اكول مع الاسف ما خالفت المواصفات واستفاديت ماديا ولكن اكول الحمد لله مرتاح ضميري . بس غير جزاء الاحسان الا الاحسان بس مو ويه هيجي ناس حتى تاكيد عملي وياهم ما حصلت من سنه 2010 ولحد الان . الله المعين
-
اني نفس الشي دزيتلهم اميل كالوا منكدر ننطيك اسفين احنة لغينة الارتباط مع IOM و SIV ما كالو اسمك ما موجود اني اعتقد اتفاق وي المنظمة في سبيل عدم السماح للكثير من العاملين معهم للاتحاق ببرنامج اللجوء لان اللي عندة رسالة تاكيد عمل ميكدرون ميفتحون ملف وياهم والا هية رسالة تاكيد عمل شنو المضرة اللي بيهاحتى مينطونها
-
السلام عليكم ..
اتمنى اعرف احنة شنو ذنبنا ان الشركة الي جننا نشتغل بيها مضيعين الداتا بيس او عاطل عدهم او متضرر .. عدنا ريكمنديشنات ونسخ باجات من كلشي. ماكو فد جهة نكدر نلجئ الها ؟؟؟
اذا احد يعرف طريقة اتمنى ان مايبخل علينة بالجواب.
شكرا
-
والله حجيك تمام ريوماري لعد هاي التزكيات شنو جانت اعلكها عالحايط ...المصيبة حتى هاي منكدر انسويهة ...زين ليش ال IOM مايراسلون وزارة الدفاع اﻻمريكية يسالوهم هاي التزكيات من عدهم كاتبيهة من صدك لو جانو ايريدون يضحكون علينة وحاشاكم اعزائي اﻻعضاء...وليش ما يعترفون بيها اخاف جايهم باص يابة ﻻ تعترفون بيه كلهة كاتبيهة جذب في جذب....
-
اخوان منو يفيدنا بهالموضوع ...هاي طلعنا هواية وهذولة شكلها ما ناوين ايفيدونا ....نكدر نتصل بمسؤول كبير نشرحلة القصة ...ينفعنا لو راح ايكول نحن هسة بهم الshut down goverment مو ناقصينكم يمكن هيجي ايكون جوابة
-
السلام عليكم شباب
اني هم نفس الحالة دزيت للGLS وكالو احنة بعد معلينة ودزيت لبريندا وهم كالت انه انت ماكو بالداتا بيس وخابرتهة وكالت دزلي كل الاوراق الثبوتية اللي تأيد بيهة كلامك ودزيتلهة وكالت عندي اجتماع وية رؤسائي وراح ندرس حالتك وبعدين هم ما طلعت بنتيجة وياهم ورجعت راسلت الجي ال اس كالو لازم تتصل بالمتعاقد الفرعي اللي هو بحالتي جانت شركة اسمها SHEE ATIKA وانطوني ايميلات اثنين واحد منهم ما يشتغل والثاني ماكو جواب من عندة ولمن سويت بحث عن هاي الشركة لكيتهة واكو معلومات اتصال ايميلات وارقام تلفونات للمتعاقد الفرعي لشركة الجي ال اس وللهيومن ريسورسس بس ولا رقم تلفون يتحصل كلهة غير داخل في الخدمة وكل الايميلات متشتغل ولحد الان ماكو لا حق منهم ولا باطل
والحمد لله الذي لا يحمد على مكروه سواه
-
يمعود اسمائنا كلهة موجودة عدهم وعند الجيش الامريكي واكبر دليل على ذلك الاشخاص اللي فشلوا بسكريننك شافوة كدام المحلف بالمقابلة ؟؟؟؟؟الشي اللي ضدة يطلعونة بساع بس من تسالهم على شي الك يكولولك ماموجود بالداتابيس ذولي يضحكون علينة!! شوفونة اميل المسؤول جبير نشتكي عليهم بلكي يشوفونة حل !!!
-
Up
-
This is totally right
[/color]يمعود اسمائنا كلهة موجودة عدهم وعند الجيش الامريكي واكبر دليل على ذلك الاشخاص اللي فشلوا بسكريننك شافوة كدام المحلف بالمقابلة ؟؟؟؟؟الشي اللي ضدة يطلعونة بساع بس من تسالهم على شي الك يكولولك ماموجود بالداتابيس ذولي يضحكون علينة!! شوفونة اميل المسؤول جبير نشتكي عليهم بلكي يشوفونة حل !!!
-
السلام عليكم و هم نفس الشي درب التغليس و دزيت لبرندا و ماكو رد
-
السلام عليكم اخوان
جاوبتني الرفيقه بريندا قبل يومين و كلت اي ياالله ها يابه كالت رفيقي بلكه تنطيني مواليدك لان مدنلكاك كتلها هاج هاي مواليدي وره يومين كالت انته من يا عمام يعني رادت من يا عشيره ؟ كتلها ...... و اليوم جاني الرد حارق خارق اني اسفه انته مو بقاعدة بياناتنه يعني لو براميسيوم لو يوغلينه ههههه اخوان هذوله ديضحكون علينه و اطلب من عمالقة الهجره و اللجوء يزودونه بايميل المسؤول اللي شركة انجلتي تابعه اله يعني هاي الشركة منو يحاسبها في حالة ماتلتزم بالغرض اللي انشئت من اجله او شنو الحل ؟ و شكرا
-
عجيب
قصص هاي شنو لو تشاقون
الله يسهل امركم جميعا
اخوكم علي