ankawa
منتدى الهجرة واللجوء => الهجرة و واللاجئين => الموضوع حرر بواسطة: ام محمد العراقية في 15:05 09/10/2013
-
اخوان اني هم لحكتني خسائر كبيرة بسبب تأجيل مواعيد السفر
اني جان السفر انتظار وهسة الامنية رجعت انتظار
ومن اتصلت بالمنظمة كالولي اتحضري
ونتيجة التحضير وتأجيل المواعيد تسببتلي خسائر كبيرة بالملايين
اريد ارفع شكوى بخصوص هذا الموضوع
نوضح الي صار بينا ونطلب تعويض
لاحد يكول خلي نسافر يلة مومهمة الشغلة
بس والله همة مايضحون حتى بوقتهم وبأبسط الاشياء
ليش احنا دائما لازم انضحي ونسكت ومن داعي بحقنا
كافي عاد ظلم ترة ملينا
الي يساندني
نسوي قائمة بالاسماء ونرفعها الى دائرة المظالم
ونحجي بالاضرار الي صابتنا
اتمنى المساندة والمساعدة
-
اختي سؤال صغيروني بلية زحمة عليك
المنظمة همة حددولك موعد سفر واجة يوم السفر وخابروك كالولج الغة السفر لو شنو اللي صار بالضبط؟؟
ارجو التوضيح
ابو سارة
-
بالتوفيق يارب واللًة اني مجان عندي سفر جان جنت اول واحد وياكم ولو الامنية عندي رجعت انتظار بس هينة
-
لا اني جنت السفر انتظار
وكلشي عندي مكتمل
ومن رحت للمنظمة
كالولي اتحظري
شغلتج بس تحديد خط رحلة وانتظري من عندنا اتصال واتحضري
طبعا اني بديت اتحضر على السفر
اليوم فتحت الموقع لكيت الامنية اتحولت انتظار
وهسة اني متورطة
بين كلام المنظمة وبين ميزانية امريكا ولغي المواعيد
-
لا اني جنت السفر انتظار
وكلشي عندي مكتمل
ومن رحت للمنظمة
كالولي اتحظري
شغلتج بس تحديد خط رحلة وانتظري من عندنا اتصال واتحضري
طبعا اني بديت اتحضر على السفر
اليوم فتحت الموقع لكيت الامنية اتحولت انتظار
وهسة اني متورطة
بين كلام المنظمة وبين ميزانية امريكا ولغي المواعيد
اختي نصيحة لوجه الله .. من واحد صارله 3 سنوات بامريكا
اي شي راح اتسوي ماراح يجيب فايدة وياهم لانه اولا انتي ماعندك دليل ملموس عليهم
ثانيا انتي مجرد كاولوك اتحضري يعني ماكو تحديد موعد للسفر
ثالثا همة اصلا بايميلاتهم اللي يبعثوهة اياكدون على شغلة عدم التصرف بالممتلكات لحد اخر لحظة
تحياتي
ابو سارة
-
اي صحيح كلامك اخ ابو سارة
همة ماتهم مصلحة البشر
مصلحتهم فوق الخسائر المادية والنفسية
ماادري شلون الواحد راح يروح ويعيش يمهم
يلة احنا لاجئين
مو زين منهم فتحونا بلدهم لازم نسكت ونتحمل
هو احنا ببلدنا اخذنا حقنا حتى نريد من امريكي ينصفنا
مشكور على النصيحة وعلى المرور
-
زين لعد اني شكول حددولي موعد سفر وقبل السفر بيومين الغوا السفر بحجة الامنيه اكسباير
وطبعا ارسلولي رساله بموعد السفر ؟ هاي قبل 15 شهر و10 ايام ولحد هذا اليوم وبالتاكيد تصرفت باغراض وعفش البيت ولم يبقى شيء ولحد الان لا املك سوى جنط السفر طبعا حتى البيت سلمته لانني ايجار وساكن الان في بيت الاهل؟
سؤالي هل تتوقعين بان المنظمه سوف تعوضني ؟ طبعا لا
اكثر شي المنظمه سوته هو نحن اسفين ؟ طبعا الاسف في اي بنك تصرف ؟
ما اكول غير حسبي الله ونعم الوكيل
( المنظمه لا ديـــــــــــــــــــــــــــــــــــــــن لها )
تحياتي
-
الله يساعدكم ويعينكم ويعوضكم ان شاء الله تسافرون وتصير سوالف
واني نصيحتي لكِ مثل ماكالو الاخوه متفيد الشكوى لان ماكو دليل عليهم
ماعدنه غير الصبر ...
-
ولو اني من شفت الموقع وشافني انتظار نتيجة والتجيك انتظار وصار سنين
بس اني وياكم بلشكوى لان دمروا حياتنة
-
اختي ام محمد ....يعني اذا تريدين اتسوين احصائيه بالي اجلو موعد سفرهم وبعد ان باعت الناس كل ممتلكاتها واني واحد منهم راح يطلعون بالمئات...واغلبيتنا كرطنه الفلوس.. واخذو من صحتنا هوايه .. والمصيبه ماكو واحد نكدر نشكيله لا بالمنظمه ولا غيرها وما عدنا غير رب العالمين نشكي امرنا وهو ادرى ابحالنا... وتحياتي
-
طبعا هذا اضعف الايمان
دائما رابطين امورنا بالصبر والمنظمة
هي المنظمة موظفين ياخذون اوامرهم من امريكا
لعد همة مويعلمون الناس على القانون
لازم اكو طريقة نوصل بيها صوتنا
ولو نرفع موضوع بجريدة او صحيفة
انتو دا تكولون الاعداد كلش هواية
لو هاي اتعلمنا نسكت ما ناخذ حقنا
(الحقوق يرادلها حلوك)
-
حجس قوس صدك الحقوق يرادلهة حلوك واني وياكم اغاتي انتم
نسال الله بحث محمد وال بيت محمد الطيبين الطاهرين ان يفرج علينة يارب كولوا امين
-
والله اني اول واحد اساندكم بالشكوى اني انطوني خط رحلة شنتظر بعد قبل 3ايام من موعد سفري صفيت اموري ويخابروني ويكولولي الغيت الرحلة زين اني صاحب عائلة مصابين بأمراض مزمنة اطفال زين شسوي هسة رحت للمنظمة وماكو فائدة رحت لليو ان وماكو فائدة دزيت ايميلات وماكو شي فوكاها رجعت الامنية بالانتظار هسة اجرت شقة مفروشة مؤقتاً دا اكرض بالمتبقيات من الفلوس زين وراها شلون وخطية بركبتهم اني رح اسحب جوازاتنا من اليو ان يوم الاحد وشيصير خلي يصير ننكتل بالعراق ولا هاي المهزلة علماً انو اكو من ضمن الي اجلوهم انطوهم موعد جديد على يوم من ايام هذا الشهر احنة انكول يا ربي يسهل امرهم ويتوكلون بس اني اتصور انو المنظمة الي بعمان مع الاسف غير منظمة منو يستقبلنا بعد / لاحول ولا قوة الا بالله
-
والله اخوان هسة طلب بسيط
ونسجل اسمائنا ونرفعها لدائرة المظالم
حتى يعرفون برنامج اعادة التوطين
اسوء برنامج بالعالم وليس حل للاجيء
على العكس دمر حياة اللاجئ
-
ام محمد الله بعونج
كله تهون وصير سوالف
خليه على الله
اخوج ابو الوليد
-
انسي هاي الافكار كلها نهائيا ، كلشي متحصلين ،بس ممكن اتحصلين ضيم وقهر زياده ، انسي والعوض على الله خساره الافلوس مو مشكله ديري بالك على صحتك واتجاوزي الموضوع، هيجي نوع من الشكاوي لازم اتكونين مقيمه في بلد يؤمن بهكذا تفكير وايضا يوجد فيه قوانين اتحدد هذه ااشياء، اي مل ماكو اصبري وسافروا ومن توصلين راح تنسين كلشي اميريكا حاوه وناسها زينين
-
ياريت فلوس تهون
الحالة النفسية الي بيها اولادي
دوامهم متوقف
كاعدين بلا عمل
حتى الشقة راح نسلمها
بهذلة ما بعدها بهذلة
صحيح خلي نفقد الامل ونأيس
خلي نرجع للصبر
هو مفتاح زمانا
مشكورين الجميع
على المشاركة وابداء النصيحة ومحاولة تخفيف الهم
يغلق الموضوع الى اشعار آخر
وان شاء الله السفر والحياة بأمريكا مثل ماتكولون تنسينا خسائرنا النفسية والمادية
تمنياتي للجميع بالسفر العاجل