ankawa
منتدى الهجرة واللجوء => الهجرة و واللاجئين => الموضوع حرر بواسطة: yis2007 في 23:08 11/10/2013
-
السلام عليكم اخواني الاعزاء
بعد ما ايست من اليو ان قررت اشتري عقار في الاردن واريد من اصحاب الخبرة الاستفسار ما هي الاوراق المطلوبة لامتلاك عقار او اكثر في الاردن وجاوبني احد الاخوة في موضوع اخر بانه يجب استحصال موافقة المخابرات فهل المطلوب ان اروح الى دائرة المخابرات اقدم طلب هناك وما هي الالية لذلك ارجو من ليه الخبرة والمعلومات بالتفصيل الممل وشكرا لكم جميعا مقدما
-
والله مااعرف انشالله الاخوان الخبراء اكيد ميقصرون
اني بلعراق بس همًهيج عندي توجهات
اذا حضرتك ساكن بعمان
ممكن تكولي احتماليه الكي شغل
اني بلعراق الخمدلله اموووري مرتبه وشغلي نعمه
بس حياه قلق وماكو امان وتهديدات
شنو تقريب الرواتب؟:)
اني بس استفسر اريد اكون فكرة :)
الصراحه اني دا افكر بالامارات بس مااعرف عنها اي شي
واعتقد فرص عندي لان عندي بكلوريوس هندسه مدني وبلكوريوس قانون
-
والله شكلهم الخبراء مجازين ويك اند
اهلا وسهلا اخوي العزيز بالنسبة للشغل صعب شويه هالايام وذلك لوجود السوريين وباعداد كبيره وبس يريدون يشتغلةن اي شي
-
مساء الخير
بالنسبة لشراء العقار كان قبل لازم موافقة المخابرات وبعد 2009 شالوا هذا القرار وهسة ماعرف رجعوه او لا بس الاقامة ماتحصلها على شراء شقة او عقار لازم تحط مبلغ 50 الف اردني بنك وتكدر تسحب 25 منه والباقي يبقة مجمد بس اللي اعرفه هسة معقدين الاقامات على العراقيين ماعرف ليش والوضع بالاردن الى ازدياد الاجئين السوريين وصار الوضع كلش غالي واخر خبر موثوق ان العقارات صارت رخيصة طبعا اقصد البيع لان القدرة الشرائية للاردنين انخفضت وطبعا زائد الضرائب للمعاملات ولان اغلبهم مدينين للبنوك ويبعون عقاراتهم او يرهنوها وبالنسبة للشغل اهنا صعب لان مكثفين حملات رخص العمل على العراقيين والسوريين وهذا الشتاء في عمان بارد جدايختلف عن باقي السنوات هكذا تنبا موظفوا الطقس وطبعا بغلاء الوقود والغازو الكهرباء راح يتاثر العراقيين والان قرار اخر هو رفع اجور الماء بعد العيد واعتقد انهم يقصدون مياه ري المزروعات وهذا راح ياثر على اسعار المنتجات الزراعية طبعا اضافة الى رفع ضريبة الملابس الى 20 بالمائة واصبحت الملابس جدا غالية والله يعين الجميع والواحد يكول الحمد لله والشكر على كل شيء
-
الله يسهل ...
يارب..اي صحيح اني اتوقع احسن فرص عمل بلعراق
والحياه نعرف تفاصيلها وين الرحيص وين العملي وين الغالي ووين الزين
بس لو شويه اماننننننننن
الله يسهل ياربي وينطي كلشي بي خير للكل
-
نعم تحتاج الى موافقة المخابرات
و المعامله تبدا لوزارة الداخليه بعد دفع العربون و كتابة عقد ابتدائي مع صاحب الملك
-
نعم تحتاج الى موافقة المخابرات
و المعامله تبدا لوزارة الداخليه بعد دفع العربون و كتابة عقد ابتدائي مع صاحب الملك
شكرا اخوي العزيز
يعني اقدم طلب موافقة لشراء عقار بالداخلية اول شي وهوه الطلب يروح للمخابرات وانتظر الجواب