ankawa
منتدى الهجرة واللجوء => الهجرة و واللاجئين => الموضوع حرر بواسطة: Dr. Luke في 11:04 13/10/2013
-
اخواني واهلي بهذا المنتدى الطيب...
ان شالله تكونون بخير وعيد سعيد ...
بالنسبة للاخوان المحتاجين عدم محكومية فلازم تعرفون الاتي:
1. المكان الجديد للذهاب الى دائرة الادلة الجنائية قد تغير من الامن العامة الى مدخل الشرطة الاتحادية قرب القناة, يعني تعبر القناة تجيك لوفة على اليمنة تلاكي بانزين خانة والمدخل مال الشرطة الاتحادية بصف المدخل بالضبط. بالنسبة للسيارة اكو كراج بالباب والكراج مجاني تكدر تطبك هناك.
2. بالنسبة للمستمسكات المطلوبة فكل المستمسكات الاربعة والجواز نسخة واحدة ملونة باستثناء الجنسية فالمطلوب نسختين وهذا قانون جديد فرجاءا الانتباه لان ماكو اي مكتب استنساخ بالباب واني اضطريت اروح تكسي لمنطقة ثانية حتى استنسخ, بالنسبة للصور المطلوب عدد 3 وليس 2
3. بالنسبة لوقت الحضور: يفضل ان تحضر من الساعة سبعة لان البوابة تفتح بال سبعة ونص والازدحام قااااتل يعني اني اجيت بالتسعة ونص لكت تقريبا سبعين واحد قبلي ورجعت للبيت وثاني يوم اجيت من الصبح. سبب الازدحام هو الاجراءات الجديدة للطلاب المقبولين بالكليات لازم يجيبون عدم محكومية وكل المتعينين جدد يعني ليس فقط المسافرين.
4. بالنسبة لاجراءات الدخول: ورة متدخل وتتفتش وتسلم موبايلك وينطوك باج مراجعة تركب كية داخل المجمع الي هي واكفة تنتظر ورة التفتيش وهي مجانية تنقلك للداخل وتنزل اخير شي يم الكرفانات مال التقديم.
ان شالله اكون فدتكم وان شالله السفر العاجل للجميع.
تحياتي
اخوكم د.لوك
-
عاشوا ورحم الله والديك
-
اخوان ارجو من الذين استلمو العدم محكومية من الادلة الجنائية.
بعد استلامه هل يوجد مكان اخر نذهب اليه للتصديق ؟ حيث اني في سنه 2010 لا اذكر هل ذهبت
الى مكان للتوقيع قبل الخارجية للتصديق علما اني يوم 7/10/20013 الاثنين اكملت العدم وانتظر استلامها
انشاءالله بعد العيد
ولكم الشكر والتقدير
-
عيوني دكتور بلا زحمه عليك ممكن ادلينا المكان بالمضبوط وين
اني اندل الامن العام الي هي من انزل من الجسر الي يم شقق زيونه وانزل عالبلديات هي اتصير عاليمنى
فهل تقصد هو هذا المكان لو وين ؟ ارجو التوضيح
-
نعم صحيح تغير المكان وتغيرت الاجراءات لاستخراج العدم محكومية
-
المعامله سيء جدا والشرطه يتحرشون بالنسوان والمكان قذر جدا ودير بالك تكلهم مقدم فيزا لامريكا لان بيها خطوره ديروا بالكم كلهم مقدم فيزا لماليزيا
-
عاشوا ورحم الله والديك
تدلل اخي العزيز...وكل عام وانت بخير
-
اخوان ارجو من الذين استلمو العدم محكومية من الادلة الجنائية.
بعد استلامه هل يوجد مكان اخر نذهب اليه للتصديق ؟ حيث اني في سنه 2010 لا اذكر هل ذهبت
الى مكان للتوقيع قبل الخارجية للتصديق علما اني يوم 7/10/20013 الاثنين اكملت العدم وانتظر استلامها
انشاءالله بعد العيد
ولكم الشكر والتقدير
اخوية العزيز ...
بعد متستلم العدم محكومية توديها للتصديق بوازرة الخارجية وتتم المعاملة.
تحياتي
-
عيوني دكتور بلا زحمه عليك ممكن ادلينا المكان بالمضبوط وين
اني اندل الامن العام الي هي من انزل من الجسر الي يم شقق زيونه وانزل عالبلديات هي اتصير عاليمنى
فهل تقصد هو هذا المكان لو وين ؟ ارجو التوضيح
اخوية Mr. Iraq الوردة...
هذا المكان الي تفضلت بي كانت بالسابق هناك لحد قبل اقل من شهر الجماعة انتقلوا. المكان الجديد راح اوصفة بالضبط:
انت مو تنزل من الجسر عالبلديات وتوصل للامن العامة (الموقع القديم ) الي يصير على اليمين, كمل للامام حتى توصل التقاطع واخذ يمين, كمل الشارع للنهاية راح يجيك تقاطع ثاني يرجعك على القناة, اخذ يمين وكله كبل الى ان توصل القناة اخذ هم يمين واطلع مسافة 100 متر, راح تلاكي فرع على اليمين يدخلك على مدخل الشرطة الاتحادية وبصفه بانزين خانه, اعبر البانزين خانه راح تلكه المدخل مال الادلة الجنائية الجديد الي بصفه اكو كراج, هو الدخول مناك.
واي سؤال ثاني اني حاضر.
تحياتي
-
المعامله سيء جدا والشرطه يتحرشون بالنسوان والمكان قذر جدا ودير بالك تكلهم مقدم فيزا لامريكا لان بيها خطوره ديروا بالكم كلهم مقدم فيزا لماليزيا
مع شديد الاسف كلامك صحيح .... ونصيحة للاخوة اذا اختك او زوجتك غير محجبة فانصح ان تلبس حجاب لان هناك تمشي مسافة طويلة وكلها بين الجنود والحرس والعيون مفتوحة عليكم, يعني شوية الشغلة بهذلة بس الي يريد شي لازم يضحي.
-
وهاي الخريطة للموقع الجديد للسهولة:
(http://s22.postimg.org/lklox10cx/1111.jpg)
-
vشكرا دكتور بس شنو هالبهذله هاي معقوله الحقاره لهل الدرجه وصلت :'(
-
مشكور اخوية وعاشت ايدك
-
شنو هم تصدقها من الخارجيه ماعتقد ارجوا احد يجاوب هل عدم المحكوميه تصدق شكرا
-
تسلم وعاشت ايدك
-
تسلم وعاشت ايدك
-
العدم محكومية تفيد بال IOM اذا واحد عنده ويقدمها .... هم تسرع من التجييك الامني مالته لو ما الها علاقة ؟؟؟؟
مالها علاقه
-
عدم محكومية هم تحتاج ترجمه من مكتب تادر لو لا ؟؟؟
-
شكرا جزيلا للتوضيح اخي الفاضل
-
vشكرا دكتور بس شنو هالبهذله هاي معقوله الحقاره لهل الدرجه وصلت :'(
مع الاسف اخي العزيز... كانت عدم المحكومية الشي الوحيد الي بي خير وسهل قبل وهسه حتى هاي راحت
-
مشكور اخوية وعاشت ايدك
لا شكر على واجب اخي العزيز... هذا المنتدى له فضل على كلنا وهذا واجبنا ان نشارك ونرد الفضل
-
شنو هم تصدقها من الخارجيه ماعتقد ارجوا احد يجاوب هل عدم المحكوميه تصدق شكرا
بخصوص تصديق الخارجية وحسب علمي اذا كنت مقدم على فيزا اعتيادية الى امريكا او استراليا او كندا او بريطانيا ان لازم تصدقها من الخارجية, اما بخصوص الاس اي في فاترك الجواب لاصحاب الخبرة في الاس اي في, مع اعتذاري اخي العزيز
-
تسلم وعاشت ايدك
تدلل اخي العزيز... واذا عندك اي استفسار اني حاضر
-
العدم محكومية تفيد بال IOM اذا واحد عنده ويقدمها .... هم تسرع من التجييك الامني مالته لو ما الها علاقة ؟؟؟؟
اخوية وردة المنتدى ....
مع الاسف عدم المحكومية لا يؤخذ بها مع اجراءات الاي او ام. لان لو تسرع الاجراءات الامنية كان اصلا همه طلبوها مثل الاس اي في حتى يختصرون الوقت عليك وعليهم.
كل الود
-
عدم محكومية هم تحتاج ترجمه من مكتب تادر لو لا ؟؟؟
اخي العزيز .... كل عام وانت بخير... عدم المحكومية اصلا تصدر باللغة الانكليزية ولا تحتاج الى ترجمة, فقط تصديق من الخارجية.
-
شكرا جزيلا للتوضيح اخي الفاضل
عفوا اخي العزيز... احنه في الخدمة.