ankawa
منتدى الهجرة واللجوء => الهجرة و واللاجئين => الموضوع حرر بواسطة: Danny Baba في 18:37 13/10/2013
-
السلام عليكم
اخواني الاعزاء .... اني قابلت محلفين يوم 2-6-2013 والكيس مالي من 2009 بس الشي اللي صار انه يوم 30/9/2013 اتصلوا بي من عمان واخبروني انه اني لازم اسافر شهر العاشر قبل يوم 22 لان يوم 22 ينتهي تصريحي الامني " اعتقد يقصدون السيكيورتي تشيك" المهم اني قلت موافق واتصلوا بي يوم 2 او 3 بهذا الشهر وحددولي يوم 21 اسافر ... ويوم 20 الفحص الطبي مال حبه مال قبل السفر .... وحتى حددولي بالموقع الوجهه والتاريخ والمطار وخط الرحلة وشكد حقائب باعتبار كل نفر حقيبتين .... بس اللي صار خابروني اليوم من الاردن وكالوا السفر تم الغاؤه اني سالت الشخص وكتله انلغه لو تاجل فقال نعم اتاجل بسبب الازمه الاقتصادية وعندما نستلم تبليغات جديدة سوف نتصل بكم من جديد .... المشكله ياجماعه ... اني تركت عملي واني موظف وزوجتي ايضا تركت عملها .... وغراض البيت كلها بعناها بفلس ونص لان همه كالوا بيوم الحددوا الموعد انه الموعد ماممكن تاجيله او الغائه والسيارة راحت بفلس ونص هسه اريد افهم الموضوع ايطول يعني امنيه من جديد وتشييك لو شغلت اسبوع او اسبوعين ... لان السكر صار عندي 400 والضغط 20 على 9 ويمكن ما ابقى للصبح .... وحسبنا الله ونعم الوكيل
-
وعليكم السلام ورحمة الله وبركاته
اخي العزيز الله يصبرك ويعوضك
حالتك مثل هوايه اخوه هنا بلمنتدى هم صفوا وباعوا غراضهم بفلس ونص
بس لازم نعرف قانون الحياة "ليريد شي لازم يعوف شي"
وبالنسبة للامنيه حتى اذا صارت اكسباير بالعاشر فحيكون بجزء من الامنية وليس كلها "مثل مايقول الاخ ابو الحكم دائما وبرأي كلام ابو الحكم صحيح 100%"
و هسه اكو اخوه انتهت الامنية مالتهم وعادت بعد شهر او شهرين مكتملة
يعني اصبر هلشهرين وحاول ترجع لشغلك اذا تكدر او تلكالك غير شغل
تقبل تحياتي
-
بعد نسيت اكلك شغله بلكي تنتهي ازمة الموازنه ب 17 /10 وينطوك سفر قبل يوم 22
-
نفس حالك بعت كلشي بسعر التراب واجرت البيت ولازم يوم 20 اسلمه للمؤجر وسويت وياه عقد وهسه حاير
-
الله يعينك اخويه حالك مثل حالنا بس احنا بلغونا بالغاء السفر قبل يومين فقط، حاول ترجع لشغلك علئ الاقل يكون اكو مورد للعائله لحد ما تنفرج
-
يعني ليش مده يوفرون فرصه انو الواحد يسافر على حسابه ويخلون الكفيل هو يتحمل كلشي ... يعني ليش ميوفرولنا هيج اوبشن عاااااااااااااااا
الله يساعدك اخويه وحال هوايه اعضاء مثل حالك
-
السلام عليكم أخوية , اجاوبك جواب على موضوعك وان شاء الله جوابي اللك مضبوط لان منقول من المنظمة في بغداد وانطيك دليل على كلامي حتى ترتاح وتطمئن .
الامنية مالتك اذا رجعت انتظار وصارت اكسباير المحلفين المسؤولين عن الامنيات راح يسرعوها وللعلم فقط اذا ماعندك علم الملف مالتك وملفات جميع المتقدمين تبقى عند المحلفين لحين موعد سفرك بعدها تسلم الى المنظمة والمنظمة تنقلها وياك لامريكا , لذا اطمئن اخي موظفي المنظمة كالوا بالحرف الواحد تأجيل السفر مو ذنب احد ولابسبب اكسباير امنية او بروسيجر جديد من المنظمة , هاي مشكلة دولة بل قارة بأكملها قارة امريكا الشمالية فأطمئن لان المحلفين مقررين يسوون تسريع على الامنيات وكلشي بيد المحلف ودليل كلامي ان المحلف مرات ينطي موافقة نهائية على ملفات ويسرع من السكيورتي جيك مالتها ويسافر صاحب الكيس بظرف اسابيع قليلة وهذه الحالة راح تنطبق عليكم , لاتقلق ابدا وماكو داعي لاي قلق او اضطراب نفسي وصحي .
أبو الحكم