ankawa
منتدى الهجرة واللجوء => الهجرة و واللاجئين => الموضوع حرر بواسطة: ادم ج في 11:27 18/10/2013
-
السلام عليكم جميعا ايها الاخوه.....لقد قابلت مقبله اولى قبل 3 اشهر وسئلوني اذا كان عندي عنوان لاي شخص في امريكا فجاوبت باني لا اعرف اي عنوان هناك وقالو لي ان المنظمه ستتكفلني فوافقت على ذلك..قبل اسابيع اتصل بيه جار قديم صارله 3 سنوات بتكساس واعطاني عنوانه الكامل وصرنا نتخابر دائما ونتواصل بالنت وهو مستعد كي يتكفلني.....سؤالي؟؟ هل اخبرهم في نقابلة المحلفين بهذا الموضوع؟؟؟ ام اني اثول السالفه؟؟؟اذا سئلوني المحلفين هل تعرف شخص في اميركا واجبت ب لا اخاف ان يكون تلفوني مراقب ويعرفون اني اتصلت بشخص في امريكا؟؟ واذا اجبت بنعم اخاف يقولون ليه لماذا لم تخبرنا بذلك في المقابله الاولى؟؟؟
-
مو اذا كلتلهم ما اعرف احد بامريكا اخاف يطلعون مراقبين تلفوني وانا خابرت هذا جاري السابق اكثر من مره و هو بامريكا فا اخاف يسوولي مشكله؟؟
-
السلام عليكم اخي الكريم
عندك كفيل ما عندك كفيل مالهم علاقة و او شغلت تلفونك مراقب ليش هو انت شدسوي
انشالله بالمقابلة الثانية كلهم اريد اضيف كفيل على القضية مالتي و انطيهم العنوان كل شي عالكفيل
و اني برايي مع احترامي لرأي الاخ تويتي انو الكفيل افضل من المنظمة طبعا لازم يكون الكفيل شخص
انت عزيز عليك مو اي كفيل بنص الدرب و يفلت يعني هذا مو كفيل هذا همبلة مثل مصار وية اخونا تويتي
تحياتي بالموفقة
ومبروك تويتي على فتح القضية من جديد
اخوكم
علي الجبوري
-
مو اذا كلتلهم ما اعرف احد بامريكا اخاف يطلعون مراقبين تلفوني وانا خابرت هذا جاري السابق اكثر من مره و هو بامريكا فا اخاف يسوولي مشكله؟؟
اي اخوية مابيها شي حتى لو تكولهم عندك احد تعرفة بامريكا..من حقك تطلب المنظمة هي تكفلك..همة مالهم علاقة . واكو هواية جان عدهم كفيل وغيروا على المنظمة تكفلهم ..والاي او ام مالهم دخل عزيزي.
-
وايهما اسرع في الاجرات اذا كان كفيلي شخص في امريكا ام اذا كان كفيلي المنظمه نفسها؟؟؟
-
نفس الاجراءات الفرق بس مع الكفيل يكون عندك يعلم بأي ولاية راح تسكن
ومع المنظمة انت و حظك .. وانشالله الموفقية
-
شكرا لكم اخواني جميعا وسفر سريع للجميع يارب..
-
لا خليهة على المنظمة احسن
-
اخي الكريم
اولا لايوجد شيء اسمه مراقبة تليفون من قبل المنظمة ولا مراقبة ايميل وانا متأكد مليار بالمئة من كلامي هذا لاني موظف في السفارة الامريكية وفقط ايميلي الرسمي ( ايميل السفارة ) الذي يكون رسمي هذا ممكن يكون مراقب اما ايميلك الشخصي ورقم هاتفك الشخصي مستحيل مستحيل يكون مراقب فأطمئن من هذه الناحية اما الكفالة فهذا موضوع به اراء كثيرة وانا اؤيد كلام اخي تويتي امريكا لان اجراءات المنظمة عندما تكفلك تكون أسرع بكثير من اجراءات الكفيل الخاصة بك وقد يكون الفرق بحدود الستة أشهر وانا رأيي الشخصي ان تدع الكفالة على المنظمة وان لم تعجبك الولاية او المدينة تستطيع التغيير حين وصولك بأذنه تعالى الى امريكا وانا رأيي الشخصي دائما يصب في تسريع المعاملة وعدم تأخيرها بأي اجراء وان كان هناك اي شيء يستطيع اختصار الوقت عليك في رحلتك مع المنظمة تجد دائما ان رأيي معه .
تحياتي ياطيب
أخوك أبو الحكم
-
هلا بصوتك يارئيس جمهوريه المهجر يا ابو الحكم...واشكرك جزيل الشكر وراح امشي بنصيحتك المنظمه تكفلني...
-
تعقيبا على كلام الأخوة
مع احترامي لاراء الي جاوبي قبلي
الفرق بين ألمنظمه والكفيل
ألمنظمه بشكل عام مرح يلكولك ولايه بيها خير وثاني شي رح يخلوك تسكن مناطق الدخل الضعيف أو الي ماعدهم دخل من أساسه الي هيه المناطق تكثر بيها الجرائم والسرقات والتقفيص العلني وبالذات انته تكون متتكلم للغه والمدارس اتكون رديئه السمعه طبعا الي عنده أطفال يفكر ابتعليمهم ومستقبلهم مو يفكر بانحرافهم طبعا مو الكل سوه
والمنظمة شهر واحد وبعدها يدكولك طابع ابو الدينار ملكي ويكبولك روح اعتمد على نفسك زين بهالحالة انته وين رح تنطي وجهك وابمنو تستنجد ق يجوز يطلعلك ابن ناس ويساعدك هذا ابعد احتمال
اني احجيلك عن تجارب هوايه ناس انظربوا بواري
الاختيار الك والأمر يعود الك بجميع الاحوال
نيجي عالكفيل
إذا كفيلم ابتكساس وصار له فتره من الزمن هناك عايش وحسب الأصول ويعرف المناطق ألزيته ومن الموزينه ومتعصه إذا احتاجيتله بشي خدمه مبيها شي طبعا مو كل أصابع أيدك سويه ومو كلمن حليبه عكر انته تعرفه الشخص وكان جارك ليش أتروح اتضيع نفسك وانته متعرف لا قوانين ولا للغه ولا معارف ولا تعرف وين رح يودوك
اختيار الكفيل المعنوي يخدمك اكثر مما أتخلي ألمنظمه تختارلك الولاية مع احترامي للأخ ابو الحكم ذكر انو فرق 6 شهور اني اكلك نهائيا ماكو اي فرق لان الملف مالتك يختلف عن ملف غيرك وكلمن وحظه أكو ناس عال منظمات وصارلهم 9 شهور ينتظرون طياره أكو العكس طبعا
القرار يعود الك ناقش الموضوع انته وجارك الي بتكساس واستفسر منه وأخذ وانتطي وياه عالوضع شوف شيكلك
ونصيحه من أخ صغير لتثق باخوك من ناحيه الفلوس بأي احد بأمريكا خلي يكون سرك النفسك ولتحاول يوم من الأيام تذكر كدام اي شخص الكان شكد تملك وحته للمنظمات سوي نفسك فقير وابجي بوجه الله ترا تنكطع عنك المساعدات وصارت بهوايه عوائل ونظربوا بوري
اي سؤال واستفسار اني بالخدمة
أخوك سلفر
-
اخي الكريم سلفر هذا الكلام مظلل وغير صحيح نهائيا , وانا هنا لاادافع عن المنظمة لاني من المظلومين في المنظمة ولكن هناك حقائق يجب ان ندركها وهناك امور يجب ان نفكر بها قبل الرد على اي موضوع للاخوة الاعضاء وكلامك عن ان المنظمة تجد لك سكنا ومكانا للعيش في اسوء مدن وولايات امريكا هذا غير صحيح نهائيا وهذا كلام مظلل جدا , لدي اصدقاء كثيرين جدا جدا جدا والمنظمة اسكنتهم في أرقى ولايات امريكا وفي ارقى مدنها وهذا الموضوع به نظام عمل حسب المكان المتوفر بالولاية لديك مثلا ولاية ماساتشوتس ومدينة بوسطن هل هذه سيئة ؟ لديك مثلا ولاية اوهايو هل هذه سيئة ؟ لديك مثلا ولاية كاليفورنيا ومدينة سان ديغوو هل هذه سيئة ؟ لديك مدينة الكاهون في سان ديغوو هل هذه سيئة ؟ اخي الكريم المنظمة ترسلك الى المكان المتوفر لديها في حينها ولاتعمل مطلقا بنظام السيء والاسوء بالولايات لكي تقلل من المصاريف المعطاة للاجيء هذا من جانب ومن جانب اخر الستة اشهر هي فترة الاجراءات الادارية بالمنظمة للكفالة وفرق الستة اشهر هي بين ان المنظمة تكفلك وبين ان يكون لديك كفيل واذا عملنا مقارنة الان مابين توفر الكفيل من عدم توفره سأدرج لك قائمة لن تستطيع اكمال قراءتها ليوم غد عن مساويء الكفيل , وشيء اخر انا اعرفه وانت تعرفه ايضا لااحد من العراقيين الا القلة القليلة جدا ذهبوا الى امريكا وحالتهم المادية سيئة واغلبهم لديهم مصاريف تكفيهم للعيش اشهر واشهر بدون مساعدة المنظمة , خليها سكتة أخوية واني جاوبت الاخ بما اعرف ومما متأكد منه وبالنسبة اللي ووجهة نظري اي شيء يسرع سفري اسوي رأسا بدون نقاش ومن ضمنها عدم اعطاء اسم كفيل للمنظمة لان هذا الموضوع يسرع من سفري .
أخوك أبو الحكم
-
عاشت ايدك هذا خوش خبر والمفروض بيك اتفرحني بيه .. المهم ان شاء الله مترجع وتسويلك زعلة مرة ثانية عالمنظمة
السلام عليكم جميعا ايها الاخوه.....لقد قابلت مقبله اولى قبل 3 اشهر وسئلوني اذا كان عندي عنوان لاي شخص في امريكا فجاوبت باني لا اعرف اي عنوان هناك وقالو لي ان المنظمه ستتكفلني فوافقت على ذلك..قبل اسابيع اتصل بيه جار قديم صارله 3 سنوات بتكساس واعطاني عنوانه الكامل وصرنا نتخابر دائما ونتواصل بالنت وهو مستعد كي يتكفلني.....سؤالي؟؟ هل اخبرهم في نقابلة المحلفين بهذا الموضوع؟؟؟ ام اني اثول السالفه؟؟؟اذا سئلوني المحلفين هل تعرف شخص في اميركا واجبت ب لا اخاف ان يكون تلفوني مراقب ويعرفون اني اتصلت بشخص في امريكا؟؟ واذا اجبت بنعم اخاف يقولون ليه لماذا لم تخبرنا بذلك في المقابله الاولى؟؟؟
حبيبي الغالي لا تعب نفسك .... كولهم لا وخلي المنظمة تكفلك احسن الك وراحة بال الك افضلك علمود من تسافر هي المنظمة تتورط بيك وبالنسبة للكفيل اني عندي كفيلين واحد باوهايو والثاني بكافورنيا وبدلت من واحد لواحد واثنينهم واحد انكس من الثاني ومن وراهم غلقت الكيس اتصور !!!! وهسه قدمت طلب اعادة فتح الكيس والغاء الكفيل ...........
اني بالخدمة لاي استفسار يخص الكفالات
-
ممكن ايكون هناك مراقبة للموبايل ماتك لكن مو من قبل السفارة بل المراقبة من داخل امريكا.. لطالما هناك مراقبة للايميل ممكن يكون مراقبة للموبايل لان اخر الاخبار انه الحكومة الامريكية اتراقب 25 مليون ايميل بالسنة هذا الخبر سربة ادورد سنودن
-
شكرا للاخ سلفر وشكرا للاخ ابو الحكم واقول لهم ان الاختلاف بالرأي لا يفسد من الود قضيه...وانا اتفق مع الاخ ابو الحكم مئه بالمئه.....وشكرا للجميع واتمنى لهم التوفيق يارب
-
اخي ادم
اذا كان كفيلك انت متفضل عليه وعلاقتك جيده جدا جدا جد1 فيكون افضل
يعني عندما يرافقك ويترك عمله وعندما تاكل وتسكن معه بدون ان تشكره
يعني مو كل شويه وتكله ( والله خجلتني والله اني مستحي منك والله شلون
اردلك الجميل واذا عندك اطفال اسكت بابا عيب دوخناهم ) اذا عندك كفيل
بهذا المستوى كبل قبل المقابلة كلهم عندي كفيل وهو اني ههههههههه
مع تقديري العالي للجميع
ابو الوليد