ankawa
منتدى الهجرة واللجوء => الهجرة و واللاجئين => الموضوع حرر بواسطة: Giggs في 10:40 23/10/2013
-
اخواتي واخواني المحترمين...
توجد بعض المكاتب بالعراق وببغداد خصوصا كاتبين مليء استمارة الفيزا الأمريكية ويطلبون مبالغ كبيره وعلى اساس عدهم علاقات...
اريد اوضحلكم التالي:
1. ان الأجور مال فيزا هي 160 دولار تدفع في مصرف بغداد او بالسفارة نفسها
2. ظرف DHL معنون من السفارة من مكتبين واحد بالكرادة قريب على ابو عفيف والثاني بالمنصور قريب الخاصكي وسعرة 12 دولار فقط
3. المجموع هو 172 دولار فقط...
4. الاسعار اللي تطلبها المكاتب اقل شي 250000 دينار + الأجور اعلاه تدفعها انت!!!!!!!!! ومكتب نادر يمكن يطلب اكثر بهواية
5. اني طلعت الي ولعائلتي 9 فيز وهي تعتمد على عملك ورصيدك بالبنك وبعض المعلومات الشخصية وقناعه القنصل....واللي يكول غير شي يجذب عليكم
6. من تملي الأستمارة اتخلي ايميلك حتى يدزولك كتاب تسهيل مهمة للسيطرات مال دخول والخريطة
7. وبعدين تدخل على التاريخ وتحدد موعد وتطبع الكونفرميشن.
ومع التقدير
واللي ما عنده خبرة بالأنترنت وهاي السوالف يجيني واني امليله الأستمارة وبمبلغ رمزي...
وهذا ايميلي:giggs1176_utd99@yahoo.com
وطبعا الفيزا ما مضمونه وكلمن يكولك مضمونه كوله جذب
وهسه صايرة صعبة..لان اني قابلت يوم 16/9 وجانو تقريبا 125 نفر ما قبلو بس 5 نفرات ابضمنهم اني وولد اخر عدنه فيز سابقة
ونتمنى الموفقية للجميع
-
شكرا جزيلا اخي الكريم على التوضيح لكي لايقع احد في فخ هؤلاء النصابين المحتالين ورسوم الفيزا هي فقط 160$ وظرف الــ DHL فقط بـ 12$ وليس هناك اي رسوم أضافية على الفيزا مثلما تفضلت ولكن لدي تعليق بسيط على نسبة المقبولين من الفيزا لان العدد الذي قلته غير دقيق ومركز الفيزا سنتر يوميا يعطي عشرات الفيز للعراقيين ونسبة الخمس فيز من المئة وخمسة وعشرون شخصا لااعتقد انها دقيقة مطلقا لاني موظف بالسفارة واعرف اعداد المتقدمين واعرف اعداد الفيز الممنوحة لهم وهي كثيرة جدا جدا .
أبو الحكم
-
اخ ابو الحكم صحيح هو الرقم مو دقيق بس اني طلعت باخر وجبة بالمقابلات وكان باقي اقل من عشرة اشخاص وكان عدد المقبولين 5..وطبعا عدد الناس كان 125 بضمنهم IOM &SIV
وشكرا جزيلا
-
السلام عليكم كلام الاخ صحيح الفيزة السياحية صايرة شبه مستحيلة اني البارحة قابلت و اني طبيب اسنان و عندي دعوة من مؤتمر و زوجتي و ابني بالعراق عايفهم و عندي عيادة خاصة و الحمد لله و بالاخير ماعرف شلون يرفض طلبي الا بحجة سخيفة عبالك واكف بسيطرة عراقية مو داحجي وية معاون قنصل و طبعا يمكن اقل من 5 بالمية انقبلوا و اغلب شي اللي عنده فيزا سابقة يعني صارت بالاخير ضحك بين الناس الگاعدين على اسباب الرفض الغريبة
-
ولو اخاف تنزعجون ما بيها شي اذا اكو مكتب يملي الاستماره بفلوس شكو بيها لان مو اي واحد و خصوصا بالعراق يعرف يفتح اون لاين و يملي الاستماره و ما بيها اي شي .يعني بالعكس هاي خدمه لان نص العراقيين لا يعرفون و يقرون و اذا هاي المكاتب اتعزل منين يعرفوك الناس .
ثانيا اي واحد يقراء موضوعك هذا يكدر يسوي الاستماره لان هو دخل لعيكاوه قابل ميعرف لا اتصعبوها خلي الناي اتعيش......لعد اباب الجوازات الاستماره مال الجواز صفحه وحده ب 10000 هاي اشلون .....لان نص العراقيين ما يعرفون شنو نت و شنو حاسبه
-
اخوان صحيح الفيزة صعبة بس مابيها شي محاولة وحظ والله كريم بس اكو شغلة ترة سهلة الفيزة تمليها وانت بيتك وتكدر تحول الاستمارة الى عربي فقط اضغط زر اختيار الكتابة بالعربي وراح اي جمله ماتفهمها بس تحط الماوس عليها تترجم الك بالعربي وتفهم معناها وبالتوفيق للجميع
-
لا تصير عصبي اخ سنفور...
ما بيها شي خلي العالم تسترزق بس بأنصاف مو يطلبون 250000 دينار ومكتب نادر يطلب اكثر بهواية.........خلي يخلون الله ابين عيونهم
وبالمناسبة اني هم اريد استرزق ودا اكول امليها بفلوس (بس بانصاف) واللي يريد اعلمة ابلاش هم اني حاضر...وما اقشمر عالعالم واكول اني اسهللكم السيطرات واجيب كتاب تسهيل مهمة من السفارة!!!!!!!! وينطون ايميلهم بالأبليكيشن وعلى اساس همة رتبوها...عيب هذا الحجي.
ولعلمك واحد وياية بالمقابلة يكوللي اني 100% ينطوني لآن امرتب اموري!!! سألته شلون؟ كال (احد المكاتب) كلش قوي وعنده علاقات بالسفارة!!!!!!!!!!!!!!!!!!!!!!!!!
عيب والله...
واسف اذا ضوجتك
-
السلام عليكم
تاكيدا على كلام الاخ ابو الحكم , لقد منحت الفيزا خلال 2011 وسافرت وحين رحعت قدمت طلب الفيزا مع زوجتي ومنحنا الفيزا خلال سبعة ايام فقط في شهر السادس 2012 وقبل التقديم الى الاي او ام ... فهي قناعة للمحلف ... بانك ستسافر وتعود للعراق ...