ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو جليبيب في 12:23 23/10/2013
-
السلام عليكم
ياجماعه اشو اليوم ماكو اخبار شنو السالفه ؟ انا من ماليزيا دا احارب لوحدي ;D . جماعة الاردن وينكم ، شنو IOM مغلسه علينا ، نرجع نفتج جنطنا ونرجع الاطفال للمدارس وندور شغل من جديد؟
-
السلام عليكم اظاهر يا اخي هي هشكل راح نرجع للمربع الاول والمنظمه غلست علينا احنا الؤجلين
-
لاجديد كالعاده
-
الله كريم انشالله خير ..
-
يا خوية المتاجلين مال عمان نايمة عليهم الطابوكة وميعرفو ن شوكت راح تنحل ناس تكول قريبا وناس تكول بعيدا ومحد من المتاجلين انطوهم سفر لحد الان
-
يا اخوان يا حبايبي ماكو مبدأ اسمة تأجيل يا اخوان احنة انلغت رحلتنا المقررة بشهر اكتوبر والى هذه اللحظة محد نطو اي خط رحلة علماً انو جميعاً رجعت امنيتنا بالانتظار الاكشر وهسة مستحقين الرحمة من واشنطن ومن المنظمة لو مرفوضين من الاول ولا هذه المذلة الي مدنعرف شنو مصيرنا خلصنا فلوس وتعبت النفوس
-
والله يااخوان احنا رجعنا الولد للمدارس ورجعنا كلشي ابمكانه وكأنه شيء لم يكن ماعدنا غير رحمة الله وحسبيه ونعم الوكيل
-
لا يا اخي الرحمه مو من واشنطن هذوله مابديهم شي ... اطلب الرحمه من رب العباد الله سبحانه وتعالى
والله كريم شيجي من الله الحمدلله والشكر وخير وبركه وانشالله يسهل على الجميع لان هوه اعلم بحال هاي الناس
-
زين ماكو طريقه نسوي شكوى جماعيه شو شنو علمود نوصل صوتنه لجهه تكدر تساعدنه؟
-
اخوية اذا صار بيها ضرب سرة فرضا وين تشتكي متكلي خليها على الله
-
اخوية اذا صار بيها ضرب سرة فرضا وين تشتكي متكلي خليها على الله
هواي اكو اميلات مسؤولين ومنظمات انسانيه وقنوات اعلاميه امريكيه احنه لو توحد صوتنه ممكن نسوي شي
-
الي يريد يوصل صوته ويقدم اعتراض او مظلومية باجر خميس واكو مقابلة بال iom الكل يقدم اعتراض او ينطو نا صورة حل احنا الي انلغت سفرتنا
بس بهدوء وبدون ما واحد ينطي لزمة على حالة اقصد يعني نستعمل عقلنا علمود نوصل الى نتيجة واذا متريدنا امريكا خلي يحولونا الى دولة ثانية احنا هنا لاجئين ونطلب من المنظمة ان يوصلون صوتنا الى ناس اصحاب قرار بقضيتنا.
-
ياجماعه في احد الاخوة كتب في موضوع اخر بخصوص الشكوى وكان كلامه حكيم ومنطقي :
بالنسبة لرفع دعوة قضائية فهذا الشي مراح يكون لغرض طلب التعويض او العقوبة وانما بقصد التشهير لا غير. اكو مثل شعبي ولكن عميق فلسفيا يكول الرصاص الي ميصيب يطوش! يعني يكفي ان واحد يرفع دعوة والخبر يوصل للاعلام, وللعلم الطريقة الامثل للتشعير بعمل المنظمة هو ليس فقط الدعوة القضائية وانما رفع مذكرة باسم كل العاملين مع القوات الامريكية الي تذكر معاناتهم والخسائر المادية والمعنوية وترفع لمنظمات حقوق الانسان .. وتكدر تخلي على الCC كل مدراء الاي او ام, CNN, Fox, UN , الخ وهذا الشي وحده كافي. وهذا الشي صار قبل مع المترجمين في فيتنام من انسحبت القوات الامريكية وعافتهم للقتل والابادة.
في عالم السياسةوالاعلام , الاشاعة هي كافية لالحاق الضرر فكيف بارواح تزهق بسبب الاهمال.
تحياتي
ياريت لو احد لغته الانكليزية مرتبه ويكتنب النا رساله مرتبه وندزه الى اكثر من مكان
-
شنو السالفه اشو ماكو احد انطه رأيه؟ !!!
-
شنو السالفه اشو ماكو احد انطه رأيه؟ !!!
اني اول واحد وياك ياريت واحد يكتبلنه الكليشه ونتفق على الاميلات اللي راح نراسلهم وياريت الكل تدز بوقت واحد
-
انى وياكم اخوان