ankawa
منتدى الهجرة واللجوء => الهجرة و واللاجئين => الموضوع حرر بواسطة: bigman76 في 11:11 25/10/2013
-
اخوان السلام عليكم عندي سؤالي اذا ماكو زحمه عليكم
1-شنو يعني شقه غاز او شفه فحم او شنو اسعارهن في فصل الشتاء لعائله من 3 اشخاص وهل الغاز يشمل الطباخ والكيزر لو بس تدفئه
2- بالنسبه للموبايل اكدر اجيب موبايل من العراق واشتري الشريحه من تركيا لو شريحتهم تختلف ومنين تنصحوني اشتري من انقره لو من الحدود وسمعت انه لازم الخط يتسجل لان اذا ما تسجل يتوقف
واني جدا اشكركم وجزاكم الله خيرا
-
اخويه الشقق بنظام التدفئه الغازي ماتسمى بدوار الغاز ويعتبر الغاز بيها مثل الغاز المركزي ويستخدم للطباخ يعني متحتاج قنينه غاز ويستخدم بالتدفئه عن طريق مدافئ تشبه المدافئ الزيتيه عدنه بالعراق لكن تسخن عن طريق الماء اللي بداخل انابيبها واللي يسخن عن طريق الغاز وايضا يستخدم دوار الغاز لاغراض تسخين المياه للاستعمالات المنزليه اما شقق الفحم نظام التدفئه بيها عباره عن مدفئه يوضع الفحم بداخلها لكن محد ينصح بشقق الفحم لان متدفي وهنا الشتاء بارد جدا واللي عنده اطفال يتحسسون من الدخان الناتج من احتراق الفحم
اما الموبايل اخويه اذا تحب جيب موبايل وياك من العراق ولازم تسجله ب100ليره هنا او تشتري من تركيا موبايل عادي يكون رخيص وتخليبي شريحه تركيه والخط تشتري من انقره ولازم تنتبه يكون جديدويتسجل باسمك واساله شوكت راح يتفعل واحسن الخطوط هي ترك سيل والله يسهللك أمورك
-
مثل ما تفضلت الاخت همسه كفت ووفت
دوار الغاز يعني يوفر الك تدفئه وغاز والمي الحار من نفس الجهاز والشقه الي
تكون ع دوار الغاز افضل وانظف وانصحكم بيهه
اما الاسعار تكون مناسبه جدا بالصيف قليله و طبعا كل فاتوره تجي وحد ( غاز- كهرباء- مي )
فقط بالشتا تزيد عليك فاتوره الغاز لان راح تستخدم التدفئه وايضا هم يعتمد ع الاستعمال ع عدد اجهزه التدفئه الي تستخدمهه
والي ( موجوده بكل غرفه وحتى بالممرات ) وتعتمد ع عدد ساعات الاستعمال طبعا من الممكن ان تقلل من الفاتوره
مثلا تستخدم بس بالنهار وبالليل تطفي الجهاز تطلع الاجور اقل احنا نفس العدد مثلكم 3 اشخاص وتطلع علينا فاتوره الغاز
بالشتا ما بين ورقه وورقه ونص ...
كلهه امور بسيطه من تجون ان شاء الله راح تعرف شلون تقتصد
اختك راي / تركيا
-
وهذه الغاز مين يجي يعني مركزي شلون الكهرباء بالعراق وليش 100 دور لحساب بالشهر مو هواية
-
مرحبا.بالنسبة لموضوع الموبايل تكدر تجيب مبايلك نفسة من العراق ودير بالك تشتري خط من الحدود كلهم كلاوجية وخط مو رسمي وغالي لازم تشتري من الشركة الرئيسية مثلا ترك سيل ويتسجل باسمك ياخذون نسخة من جوازك ومعلوماتك.بعدها ياخذون 100 ليرة هاي اسمها ضريبة قيد تفعيل الجهاز لان جهازك مو من تركيا بس اعلمك طريقة اخرى بدون ماتدفع هذه ال100 ليرة اكو محلات مبايل يفرمتلك الجهاز ب 30ليرة فقط ومتحتاج بعد تدفع القيد يشتغل مباشرة.والله اني فعلت الجهاز ودفعت ال100ليرة وورة 3 اشهر قفلو الخط خبلوني واراجع واروح واجي وكلمن يحجي شكل ويكلولي لازم تدفعين 100ليرة لخ تالي اكو رجال الله ينطي علمني هاي الطريقة ولحد الان جهازي يشتغل.من الاول كبل اشتري الشريحة وروح لمحل مبايل يفعلك الجهاز.بالنسبة للتدفئة مثل ماتفضلوا الخوات شرحولك طبعا بدون نقاش دوار غاز احسن واصرف