ankawa
منتدى الهجرة واللجوء => الهجرة و واللاجئين => الموضوع حرر بواسطة: اختيار صعب في 23:04 25/10/2013
-
السلام عليكم إخوانى
لدي صديق توفرت له فرصة شراء سيارة رخيصة وما يعرف زينة اولا اللي عندة خبرة بالسيارات يجاوبنة بلة زحمة علية السيارة نوع شوفرليت (اوربي) المظهر نظيف جداً طبعا مو شرط المظهر ماشية حسب الكلام 60 مايل موديل 2004 ارجو الإجابة وشلون يعرف هية زينة بالرغم من سعرها مكدور علية لان صاحبها مراعي السعر كونه يعرف بحاجة السيارة وهوة لاجئ جديد احترامي للجميع
العبدلله
-
والله عزيزي صعب واحد يعرف اذا زينه لو مو زينه بدون مايشوفها ويفحصها
بس اذا انت تقول ماشيه 60 ميل يعني اقل من 100 كيلو متر.. وموديل 2004 يعني عمرها 9 سنوات وماشيه اقل من 100 كيلومتر فهاي اما جديده او يكون بيها عطل...وبالتوفيق
-
اخوية العزيز
بالنسبة لموضوع السيارات هنا بامريكا يعتمد على موديل السيارة وشكد ماشية وتصنيفها يعني ( كلين تايتل ، سالفج ، ريبلت ) وطبعا تاتي بالتسلسل حيث افضلها الكلين تايتل وطبعا هنا مو مثل العراق لان بالعراق اهم شي الصبغ يعني لو السيارة موديلها 2013 وبيها شبر صبغ ينزل من سعرها فد 20 ورقة وطبعا هاي صارت وياية ، بامريكا 50% او اكثر من السيارات مصبوغة لو مدعومه لان ميهمهم التصليح اكو شركة تأمين تصلح في حالة صار حادث وطبعا هنا ميحبون يصلحون يعني كرايبي اشترا سيارة كامري موديل 2002 وماشية شوية فوك المية باربع اوراق لان جان بيها عطل وصاحبها كال اريد بس اخلص منها ما اريد اشوفها بالكراج ومن جبنا السيارة طلع بيها عطل جدا جدا جدا بسيط وهو الفلتر مال الكير مو نظيف وميصعد هيدروليك والكير مرات يشكل بدلنا الهيدروليك والفلتر وهسه تشتغل تمام جدا .
المهم السيارات هنا بكد ما هيه ضرورية وبنفس الوقت اكو سيارات جدا رخيصه واذا تحب تجيك السيارات بشكل تقريبي افتح هذا الموقع www.
www.craigslist.org واكتب بيه نوع السيارة والموديل والصنف وشكد ماشية وراح ينطيك فد شي تقريبي .
وتحياتي الك ... اخوك كلش تعبان
-
السلام عليكم إخوانى
لدي صديق توفرت له فرصة شراء سيارة رخيصة وما يعرف زينة اولا اللي عندة خبرة بالسيارات يجاوبنة بلة زحمة علية السيارة نوع شوفرليت (اوربي) المظهر نظيف جداً طبعا مو شرط المظهر ماشية حسب الكلام 60 مايل موديل 2004 ارجو الإجابة وشلون يعرف هية زينة بالرغم من سعرها مكدور علية لان صاحبها مراعي السعر كونه يعرف بحاجة السيارة وهوة لاجئ جديد احترامي للجميع
العبدلله
حبيبي سؤالك شنو
تريدنا نكلك زينة وخلي صاحبك يلكفها بسرعة لا تروح من ايده
واحنه لا شايفيها ولا نعرف بيش رايديها شلون حجي هذا حبيبي
وبعدين تكول المظهر مو شرط لعد شنو الشرط الهورن لو المسجل ههههههه
ها حبيبي اختيار صعب شتكول انت - مو اختيار صعب علينا لو لا مع تقديري العالي لكم
اخوك ابو الوليد
-
هو شنو شوفرليت اوربي !
امريكا من شوكت تستورد شوفرليت من اوربا ؟ ، ليش هيه الشوفرليت وين يصنعوها حتى تستوردها امريكا من اوربا !!
ثاني شي يا نوع من انواع الشوفرليت !
حسب علمي الشوفرليت بيها اكثر من خمسه وعشرين نوع ، من سيارات صغيره الى متوسطه الحجم الى كبيره الى دفع رباعي الى شاحنات صغيره Truck
ثالثا شكد سعرها ؟
صراحه ما عرفت انت شتريد
هو فين السؤال ؟
-
كل الأخوة مشكورين وما قصرتو وفعلا والمعروف انو الواحد لازم يشوفها طبعا بس انى سؤالي هوة ال شوفرليت الأوربي زين لو لا هذا سيالة للرجل ولو هو مبهم ؟المهم مشكورين اخوان وما قصرتو الله يحقق أمانيكم جميعا .
الأخ سبيس طبعا مشكور اخي على الرد وهذا هوة سؤالي وبلة ما تروح من آيدة ويلكفها وأنى كتبت مظهرها جيد جداً لان اقصد المظهر هو كلشي بس الهورن والمسجل طبعا شي مشكور اخي مرة ثانية أسف للإزعاج وحقك على راسي
الأخ العزيز ماونت السيارة نوع شوفرليت اوربي (حسب كلام الرجل) ونظيفة من الخارج وماشية 60 مايل وموديل 2004 ويكول سعرها رخيص ومو تعبانة 3800 السعر (هذا السعر الثابت عليها ) انشالله ماد دختو بالسؤال ومشكور مقدما
اخوكم العبدلله
-
شنو هاي وين شوفرليت اوربي
شنو يعني شوفرليت اوربي
اخي يا نوع من انواع الشوفرليت ؟
اول مره بحياتي اسمع بشي اسمه شوفرليت اوربي !
اكو سيارات شوفرليت تصنع للاسواق الاوربيه والاسيويه ، بس هاي موجود بس باوربا واسيا ، ما موجود منها بامريكا اصلا ، وهذني عداداتهن كيلو متر مو ميل
تريد نصيحه مني !
الشخص المبهم عوفه لان هذا جذاب
-
الأخ ماونت انى بصراحة مفتر راسي بس موعدي مع الرجل يوم الأحد وهوة الرجل ما مشتريها بس ديسال وأنى بدوري سالت من اخذ المعلومات الكاملة انزل الموضوع حتى يكون الحذر جائز يضربون الرجل بوري مرتب لا سمح الله ممنون اخي ومتلاقي انشالله الا الخير
احترامي للجميع
العبدلله
-
عزيزي اني عندي خبرة جيدة بالسيارات وبسوق امريكا للسيارات المستعملة
ومع ذلك ماافتهمت شنو تقصد بشوفرليت اوربي ؟
ثانيا الشوفرليت شركة عملاقة تصنع اشكال والوان من المعدات والسيارات , ياريت لو تعرفلنا شنو فئة هذه السيارة هل هي صالون عادي لو اس يو في لو تك باب لو بيكب لو فان لو ميني فان لو هاجباك لو لو ... واذا عرفت هم ياريت تعرفلنا اي نوع من الشوفرليت هي ؟
وبعدين نقدر نخمنك سعرها التقريبي للعلم ايضا هناك مواقع لتخمين الاسعار حسب نوع وحالة السيارة واشهر هذه المواقع هو ال kbb تقدر تشوفة من الكوكل .
وتحياتي
-
يمكن ماشيه 60 الف ممعقوله 60 :) اكو مرة احد الاخوان نزل لينك مال موقع شراء سيرات واسعارها جان لطيف
بس نصيحه لتتستعجل
-
السلام عليكم
اخر المستجدات هية نوع شوفرليت ساترين أيون موديل 2004 وماشية. 60 مايل والتايتل كلين ورأيكم اخوان لذوي الخبرة تسوة هذا المبلغ 3800 مع الشكر وبميزان حسناتكم الله يفرجها علجميع
العبدلله
-
جواب لرد اخونة كوندا الله يخلي يارب هية باب وربع باب ( ;D) ماعرف شون أوصافها بس هذا الوصف الصحيح مع الاحترام اخي العزيز
العبدلله
-
السلام عليكم
اخر المستجدات هية نوع شوفرليت ساترين أيون موديل 2004 وماشية. 60 مايل والتايتل كلين ورأيكم اخوان لذوي الخبرة تسوة هذا المبلغ 3800 مع الشكر وبميزان حسناتكم الله يفرجها علجميع
العبدلله
اتركها اخويه
هاي سياره جدا تعيسه وهاي مو شوفرليت
بالنسبه الي وبرأيي لو بألف هم ما اشتريها
-
Saturn ION
2004
Engine size 2.2 l
Miles per gallon 23-25 city
Hight way 28-31
Use engine price $250 -$350
Laborer maximum $350
Transmission price Oly $65 doller
Laborer $ 350 max
هاي السياره واهم فقرتين بيها المكينة والكير
طبعا اني اشتغل بهالسيارات لان سياره مرغوبه وهيه سياره ايكونمي بالبنزين وأغراضها جداً رخيصه وجماعتنه العراقيين والأمريكان بالأخص يحبونها
واكو نفس المواصفات بس العلامه تختلف Chevy cobalt
نفس المواصفات ونفس قطع الغيار بس الاسم يختلف وتصنيع جنرال موتور
لو اعرف اشون أخدمك بفحص السياره جان ساعتك وسعرها عالمايلات مالتها زين لو دتشتريها by owner
حاول تنزل من سعرها وتكدر تتعامل لو تحصل وها 3200 تسوه
طبعا الكشر السياره الخارجي مو حديد السياره عباره عن فايبر كلاس بلاستك
ودورها على اقرب ميكانيك وافحصها
وجيك ويا صاحبها انو السياره
Actual miles or
Not actual
إذا مو حقيقي لياخذها
تحياتي الك
اي سؤال اني بالخدمة