ankawa
منتدى الهجرة واللجوء => الهجرة و واللاجئين => الموضوع حرر بواسطة: reem90 في 00:46 27/10/2013
-
مساء الورد ,,,,,,,
تحولت الى ساكرمنتو والتحويله كانت سريعه جدا وجان الجو حلو ملاحظت النواقص بالشقه
هسه من برد الجو لاحظت اكو شبابيك مكسوره وشبابيك عاطله تدخل مطر وهوا بالاضافه لعطل التدفئه
صار اكثر من خمس مرات طلبت منهم تطليح ويكولون باجر وبعده وماكو قبض
بعدين المانجر تكول معدنه فلوس نصلح كتلهه اطفالي تمرضو من البرد تكول احاول اشوفلج هيتر تشغلوه وحتى الهيتر محصلته
اني اعرف اكو رقم اتصل بيهم واشتكي ويمكن اكدر اخذ حقي بس ما اعرف وين اشتكي وشنو الرقم ياريت الي يعرف يساعدني
شكرا جزيلا لكم
-
Ok
المسئله بسيطه كلش
تسوين بحث عالكوكل عال city hall
مال منطقتج وتروح سن تشتكين عليهم ويطلعون سبكتر وغضبا عليهم يصلحون وقد يجوز يطلعون غير قضايا بالمجمع
وكوليلها the property is not healthy and my kids got sick
وهنا بامريكا اي شي يتعلق بالأطفال رح يسوون المستحيل خاطر ميصير بيهم شي
هاي نصيحتي الج وتكري اتسوين عليهم
Sow case
تقاظيهم قانونيا وتغرميهم
تحياتي الج
-
أخي العزيز...
صارت عندي نفس الحالة قبل سنة وهم اهل المجمع شفتهم ممتعاونيين فسويت الاتي...
اتصلت بالشرطة ومن اجوي شوفتهم نالعطل ومثل ماكل الأخ اللي قبلي سويتهه ظلمة وكتله بنتي اتمرضت...الشرطي كالي بصراحة اني ما اكدر اسوي شي هاي الشغلة يم دائرة اسمهه ال Code Enforcement .
المهم انطاني الرقم مالتهم وبنفس الوقت كالي انصحك تكول للمجمع خابرتهم وكلهم وحصلت موعد من الCH4. اللي هيه قناة تلفزيونية.
ما اطول السالفة عليك بس كلت للاوفس هيج وهيج ثاني يوم بدلولي حمام كامل وحتى البلكونه صبغوهه وحاروا شيسون..لان مثل مكال اخونه همه يخافون تطلعلهم غير شغلات بالمجمع..
نصيحتي الك هي انه في اي مشكلة تواجهك هنا ومتدري شتسوي فخابر الشرطة لان همه واجبهم المساعدة واذا شي مو يمهم فراح يوجهوك شنو تسوي..تحياتي
-
والله يا اخي الشقه كلش تعبانه واطفالي تمرضوا لان الشبابيك تعبانه ومبيها مشبك مال حشرات والتكييف عاطل وحتى حشرات اكو وكل خبرتهم بي وماكو نتيجه والمصيبه شفت امريكي راح كللهم اكو عنده عطل بالباب بنفس اليوم شفتهم يصلحون بي
-
اي اشتكي من حقج ومثل ماتفضل الاخوة الاعضاء اي شيء يخص الاطفال في امريكا يعامل معاملة خاصة وتستطيعين تقديم شكوى عن طريق 911 والشرطة ينطوج توجيه .
أبو الحكم