ankawa
منتدى الهجرة واللجوء => الهجرة و واللاجئين => الموضوع حرر بواسطة: hala rashd في 09:56 28/10/2013
-
السلام عليكم بعد صدور الفيزة في الموقع هل تنتهي كل الاجراءات الادارية يعني هم يطلبون مني فد شي ثاني من الاوراق لو من صدور الفيزة ينتهي كلشي يعني بس احسب ايام استلم الجوازات علماًاني ابيوم المقابلة انطيتهم عدم محكومية من العراق ورادو مني عدم محكومية من تركيا لأن كنت مقيمة ابتركيا وجاوبتهم ابرسالة الاتراك ما انطوني عدم محكومية لكوني كارج بلدهم وما اكدر اسافر التركيا لأن الجوازات يمكم فخلوهة سنطة لحد ما جيكت يوم 22-10 لكيت الحالة اصدار يعني غضو نضر عن العدم محكومية مالت تركيا لو شنو هم يطلبوهة مرة ثانية ومايدزولي الجوازات لحين استلام العدم محكومية لو شنو الله يخليكم افيدوني اباراكم لأن تعبت وصارت عندي هسترية من الانتظار
-
اختي الكريمة حلا
لديك ثلاث خطوات لتجربتها مع السفارة وهي:
1. انطيهم شوية وقت "انتي انتظرت 6 ايام" سويها 10 ايام
2. اكتبي للسفارة بصراحة هل يوثر عدم ارسال محكومية تركيا على ارسال الجواز وشوفي الرد
3. ابداءي باجراءات اصدار عدم المحكومية من تركيا وهي لاتتطلب سفرك الى هناك بل نسخة من الجواز الى شخص
عراقي ثقة يذهب الى وزارة الشوون الداخلية التركية لاصدار عدم محكومية ويخبرهم بانها مطلوبة من قبل السفارة الامريكية
لاغراض الهجرة
وتقبلي خالص تحياتي
اليكو
-
والله حسب خبرتي وياهم من يطلبون حاجة لازم نوفرها الهم واني خابروني كالولي كاملة اموركم بس دزي عدم محكومية ودزيتها وهاي دا انتظر الفيزا باي لحظة ..........من لغوهة للعدم قبل 30-9 الفات مشت هواي ملفات وسافروا هسة راجعين يطلبوهة ويعني لازم نوفرها بس الغريب انو صرتي اصدار همة عادة ميسوون هيج خطوة الا اذا كامل الملف من كل النواحي بلكت غلسوا ومشت يارب ....انتظرى هواي ناس بال10 ايام يلة وصلهم الجواز لاتقلقين ان شاء الله خير
-
اني طلبوا مني قبل اصدار الفيزا اوراق وحددو لي موعد بالسفارة حتى اوديهن قبل يوم الموعد بالليل فتحت الموقع لكيته اصدار ثاني يوم لرحت للسفارة وديت النقص من جيك بالحاسبة الكيس مالتي كال انت اصدار ما نحتاج اي شي روح انتظر تاريخ السفر والحمد لله .سلالالالالالام.
-
اختي نصيحتي لحضرتج لتدزيلهم بعد اي شي مدام صارت اصدار بالموقع حتى لتفتحين عليج باب غلسي ونتضري من عدهم ايميل علمود يدزوهن بالدي اج ال اذا تروحين تذكرينهم ليروحون يكلولج دزين العدم محكوميه وتعال جيب ليل وخذ عتابه فالا فضل تغلسين او لتدزيلهم اي اي ميل
او بالتوفيق انشاء الله
-
بعد الاصدار كل شئ ميطلبون ولا تدزين اي شئ الهم وتفتحين على روحج باب انتظري استلام الجوازات وبس وان شاء الله السفر القريب
القضية ما يتحتاج تفكير الفيزا ما تنطبع بالجواز الا كل شئ كامل
والسلام ختام
اخوك بالله يوسف البصراوي
-
ارجوا الاعتذار من جميع الاخوة وخصوصا الاخت حلا وعسى ان لايسيئوا فهم رسالتي
انا اردت فقط ان ابين خشيتي من تمسك السفارة بمتطلباتها حتى ولو صدرت الفيزا
وارجوا ان لايحدث هذا مع الاخت حلا وتمشي الامور وتستلم الجواز قريبا
وافكارنا نضعها هنا عسى ان ينتفع منها الناس ويصيبنا ثوابها
امنياتي للجميع بالموفقية
اليكو