ankawa
منتدى الهجرة واللجوء => الهجرة و واللاجئين => الموضوع حرر بواسطة: الناجي الاخير في 14:53 28/10/2013
-
اريد اعرف كيف اقدم بتركيا لجواء على اليو .ان ؟
وحدي فقط انا ؟
وين انزال اول مرة ؟
وشلون احصل فندق؟
موبايلي اجيب موبايل من بغداد لو الكارت يختلف ؟
شلو ن اكدر احصل شقة صغيرة بسعر جيد وابن حلال ..بس مو مال مجادي منتهية ؟
وصحيح الوالي ينطي فلوس العلاج للمراض المزمنة ؟؟؟؟؟؟؟؟؟؟؟؟ وشكد اكبر نسبة ؟
وشلون بالتدفئة والتبريد على الكهرباء على النفط ؟ وين مكان قريب على اسطنبول ورخيص (مدينة)
مع الشكر الجزيل للي حيجاوب ..واتمنى لكم الموفقية .
http://[img][/img]
-
الاخ العزيز قصي
السلام عليكم ورحمة الله وبركاته
بالنسبة لموضوع قدومك لتركيا فهو سهل اهم شي تتوكل على الله وتحمده على كل حال,اخي العزيز اذا انت من سكنة بغداد فانصحك ان تحجز وتفيز من شركة ضيوف العربية اللي مقرها بالمنصور بشارع 14 رمضان .سعر النفر 110$ للنفر والفيزة ب 10 الاف دينار عراقي تصدر بعشر دقائق ولازم تحجز يمهم قبل 3 ايام على الاقل وسبب نصيحتي الك بهاي الشركة لان هي الوحيدة اللي تاخذك بباص واحد من بغداد لانقرة يعني بقية الشركات يذبوك بكركوك وتاخذك سيارة اخرى للحدود بعدين تاخذك سيارة ثالثة لتركيا يعني شلعان كلب.تنزل بالاوتو كار مال انقرة يعني الكراج وتاخذ تكسي وتكله (الص) واذا ماافتهم اكتب هاي الكلمة بورقة وانطيها اله (ULUS)وانتبه اخي ان جميع التكسيات تعمل بنظام العداد ومنطقة (الص) بيها عشرات الفنادق والليلة بيها من 35 ليرة يعني تقريبا 18 دولار وانت صاعد.بعدها ثاني يوم واهم شي لايكون يوم سبت او احد لان عطلة رسمية لليو ان تاخذ تكسي وتنطيه هذا العنوان)EMEK MAHELLESI,8 GADDE,29,SOKAK NO.37.BAHGELIEVLR/ANKARA .ASMAMI ويو ان بالتركي (BirleSmiS Milletler Ofisi ,وهناك راح تدخل وينطوك رقم وراها يطلع رقمك بشاشة الكترونية وبيها رقم الشباك راح ياخذون جوازك ويصعدوك فوك يسالوك اسمك عنوانك مذهبك شغلك وياخذولك صورة وبعدها ينطوك عدة مدن تختار وحدة منهن,بعدين يكلولك انتظر بالقاعة عشر دقايق وراها راح ينطوك ورقة الحماية اللي بيها معلوماتك وصورتك واسم المدينة اللي اختاريتها وموعد المقابلة الاولى واهم شي لاتتفاجيء من موعد المقابلة يعني الموعد روتيني مو اكثر.بالنسبة للموبايل قبل ماتدخل لليو ان اكو كافتيريا يبيع سيم كارتات اشتري واحد منه وانطي رقم تلفونك هذا لليو ان لان كلش ضروري وتكدر تجيب موبايل من العراق والنوعية اللي تعجبك بس ترة ورة شهر يقفل وتكدر تفتحة ب 30 ليرة,هذا كل ما سالت عنه اخي واي سؤال اني حاضر .
-
شكرا استاذ الله يخليك ياطيب يا ابن الناس يجعلك بكل طريق مخرج ولا يسده ابد ..ويسهل سفرك بيرع وقت
-
احسن المدن بس ارخصهه ؟
وهل هناك فرص عمل
-
انا فنان ..رسام ....
شهادتي ماجستير رسم
-
رفع للفائدة العامة
أبو الحكم