ankawa
منتدى الهجرة واللجوء => الهجرة و واللاجئين => الموضوع حرر بواسطة: Reeman في 23:12 28/10/2013
-
السلام عليكم اخوان
اني SIV واجيت سنة 2009 لامريكا وبعدين رجعت للعراق وتزوجت
وهسة بعد الوضع المزري بالعراق قدمتله العام الماضي على اللجوء واليوم يلا اجا موعد المقابلة
والمقابلة علي يوم الخميس اي عكب باجر
الشي الي اريد اسال عليه هو انه زوجي كان ضابط بالجيش العراقي القديم اي قبل 2003
وطالبين من ضمن المتطلبات دفتر الخدمة والضباط كما تعرفون ما عندهم دفتر خدمة وانما هوية ضباط
فهسة بالمقابلة يكول اني جنت ضابط لو لا
وشلون خاف يرفضون القضية اذا عرفوا انه جان ضابط
عفية اخوان لاتبخلون بالمعلومة الي عنده معلومة ياريت يجاوبني
-
سيدتي الفاضلة سأنقل لك كلام انا متأكد منه مئة بالمئة , هناك ضباط كبار في الجيش العراقي السابق والحالي سافروا على ملفات ابنائهم ولايرفض الملف لان صاحبه كان ضابط او عسكري ابدا وانا مسؤول عن كلامي , وان كانت المقابلة اولى او مقابلة محلفين يجب ان يقول زوجك انه كان ضابط لان سيرته الذاتيه جميعها سيجدها لديهم واعتقد وقت التأخير هذا كله كان للتجييك الامني عليه , والمحلفين والموظفين يعرفون جيدا الفرق بين دفتر الخدمة العسكرية وهوية الضابط ولاتقلقوا مطلقا لان الموضوع طبيعي جدا جدا وسترون انه لن يعيروا للموضوع اي اهمية فقط السؤال لااكثر وعن اماكن الخدمة في الجيش , والمشاكل فقط ان كان زوجك المحترم مشارك في عمليات اضطهاد او عمليات ابادة جماعية مثل معارك الانفال وحرب الخليج وقمع الانتفاضة , اما غيرها فلا يوجد اي خوف .
أبو الحكم
-
اشكرك اخي العزيز ابو الحكم على الرد السريع
بالنسبة لزوجي لم يكن له من مشاركة في اي مما ذكرت بل كان في فدائيي صدام فقط ولكنه كان مسؤولا على قسم الحسابات فهل يذكر انه كان من ضمن فدائيي صدام ام لا
؟؟؟
وهذه بالمناسبة هي المقابلة الاولى
وهل هناك مقابلة ثانية ومتى تقريبا ؟
-
سيدتي الفاضلة جميع ملفات الجيش العراقي السابق بجميع صنوفه اخذتها القوات الامريكية حين انسحابها من العراق في نهاية سنة 2011 وملف زوجك العسكري انا متأكد كل التأكيد لديهم ويجب ان يقول لهم بكل صراحة اين كان عمله بالضبط وهم سيتفهمون ذلك ونعم هناك مقابلة ثانية ولااحد يعرف وقتها لانها تختلف من ملف الى اخر وهذه المقابلة هي مجرد مقابلة تدوين معلومات لدى موظفي المنظمة ويجب على زوجك الكريم ان يحفظ جميع المعلومات التي سيدلي بها في هذه المقابلة لان المحلف سيسأله عليها في المقابلة الثانية ويجب ان تتطابق الاقوال والتواريخ ان وجدت ويجب ان تكون هناك قصة تهديد مقنعة يقتنع بها المحلف خصوصا لملفكم انتم لانه يحتوي على خصوصية العمل السابق كضابط في فدائيي صدام , ويجب ان تعرفي ياسيدتي ان الرحلة في هذا التقديم طويلة وتأخذ اشهرا واشهرا لان هناك مقابلة ثانية كما وضحت لك وهناك فحص طبي وهناك انتظار للتجييك الامني وبعدها يتم تحديد القبول وتحديد موعد السفر .
أبو الحكم
-
شكرا اخي العزيز على الرد ..الله يوفقك
ويارب تتسهل شغلته
-
سؤال اخر بليا زحمة عليك اخوية
بالنسبة لقصة التهديد بهاي المقابلة يسالوه لو بالمقابلة الثانية ؟
-
اي صحيح استاذي ابو حكم ممكن توضيح قصة التهديد ايمتى مطلوبة ؟
-
اخوتي الاعزاء قصة التهديد مطلوبة في كلا المقابلتين والمفروض قصة التهديد ترسلوها من البداية بالايميل ويجب ان تكون قصة التهديد شخصية ومقنعة جدا جدا وبنفس الوقت سلسة وسهلة وبسيطة وقليلة التواريخ , واشدد على وجوب وضرورة وجود قصة تهديد شخصية تخص طالب اللجوء نفسه وليس قصة عامة مثل الوضع العام للبلد او التفجيرات او الطائفية لان هذه الامور ترفض من قبل المحلف ويعتبرها حالات عامة يعيشها 30 مليون عراقي ويركز على تهديد شخصك انت فقط , لذا وجب التنويه .
أخوكم أبو الحكم
-
أختي العزيزة
يقدم هويته العسكرية وأكون صريح جدا معاهم وراح يسًئلوه عن السيرة العسكرية بالتفصيل يعني الوحدات الي خدم بيه والأماكن والمناصب الي في كل مكان وعلى أيضاً فعالياته العسكرية هو اكيد ماحارب قوات التحالف في 91 و2003 لانه حرب غير كفؤة والأسلحة العراقية غير فعالة وايضاً راح اسئلوه الدرجة الحزبية خلي اكللهم لانه الكل كانو في الحزب اي شي اكوله بس بدون مبالغة وهو اكيد عند نسخة من خط الخدمة لانه من خلاله من اسألون عليه عدهم نسخة عن خط خدمته بيه مثبت كل شي تقريبا اذا هو ماراجع للخدمة فيكدر يسحب نسخة من دائرة المحاربين أشوف شمثبت عليه تفاصيل وعلى ضؤه يكدر أيضاً يتصرف اي شي اني حاضر
-
فدائيو صدام ت اعتبارهم منظمه ارهابيه منذ سنة 2010 لذا وجب التنويه
-
اشكركم اخوتي على الاهتمام والرد
هو ناوي يحجي الصدك وعلى الله الاعتماد
شكري الجزيل مرة اخرى للردود
-
اختي العزيزه حسب كلامج زوجج كان ضابط في (فدائيي صدام) وفدائيي صدام مثل ما قال الن تم اعتبارهم (((منظمه ارهابيه))) من عام 2010 يعني مثل واحد يتنظيم القاعده ومن يساله المحلف شنو كان عملك يكوله اني بالقاعده ! وين اهل الخبره خلي يساعدوج تره اذا كال بفدائيي صدام وضابط هم فوكاها ما ينقبل لو يوذن لان اعرف اثنين نفس الحاله ومو ضباط تم رفضهم..هسه لو بالحرس الجمهوري بيها مجال الا فدائي خررررب
ابو نمر مر من هنااا
-
اخي العزيز
هو اليوم لغوا الموعد مالته البارحة اتصلوا بيه وكالوله انلغى الموعد واحنا نتصل بيك مرة ثانية علمود نحددلك موعد ثاني
واني ارسلولي ايميل كاتبين بيه انه اكو خلل تقني وانلغى الموعد
طيب اخوان حسب معرفتكم شوكت ممكن يحددون الموعد الثاني ؟؟
وبالنسبة لفدائيي صدام اذا مثل مدا تكولون يعني شنو لازم يشوف بالاول خط الخدمة وبعدين يقرر شنو الي يحجيه ؟؟
لو هو اصلا لازم ينفي عمله بفدائيي صدام ترة دخت عفية
-
المخضرمين عندي سؤالين اذا ممكن تجاوبوني
الاول قصة تهديدنا تم بنصب كمين وهجوم مسلح على اخي اثناء عودته من مكان عمله علما بان عمله ليس حكوميا وتهديدات اخرى بمكالمات هاتفية ومن ارقام مختلفة ,,,هل هذا كافي ام يجب ان ناتي بدلائل اخرى ؟
الثاني ابي كان عسكريا لمدة 13 عاما برتبة نائب عريف وكان عمله طيلة المدة (كاتب ) فقط وقد خدم في حماية سد دربندخان وقيادة قوات حماية بغداد وامرية حماية ابار النفط والدفتر الخدمة موجودة هل اكو احتمالية ينرفض ؟
وشكرا
-
رفع للفائدة العامة
أبو الحكم