ankawa
منتدى الهجرة واللجوء => الهجرة و واللاجئين => الموضوع حرر بواسطة: cliff jenseen في 08:17 29/10/2013
-
انا من المقبولين على التوطين في امريكا ولاية نيوجرسي .. ولكنني متردد بالذهاب كوني قد بلغت 57 سنه من عمري ولاأمتلك المال الكافي للمعيشه هناك يعني كل الذي أملكه عند وصولي الى هناك لايتجاوز 200 دولار .. ولهذا أحببت أن أستشيركم بهذا الموضوع . ماهي الفرص المتاحه لي هناك سيما أن عمري لايمكنني من القيام بأعمال صعبه وأذا أستطعت أن أعمل فأحتمال لسنه أو أقل وبعد ذلك كيف سأدبر أموري ؟؟ ولايوجد لدي أقارب في أمريكا ممكن الاعتماد عليهم وحسب ماسمعت وأقرأ هنا ان المنظمه تقوم بمساعدتي بدفع الايجار ولمدة 3 أو 4 أشهر وبعد ذلك كيف سأدبر معيشتي وأنا على فكره عازب ولم أتزوج ومتقاعد ... ولهذا أحببت ان أستشيركم بهذا الموضوع قبل الاقدام على شيء وماخاب من أستشار فممكن من الاخوه ان يعلموني ماهي الفرص المتاحه لي والمبالغ التي ستدفع لي وموضوع الايجار والمعيشة هناك والعمل .. رجاء رجاء لاتبخلوا علي بأجاباتكم حتى أقرر مصيري ..... مع جزيل الشكر
-
up
-
up
-
والله يا خوية المفروض يجاوبوك الي اصلا هناك وصارلهم فترة بس حسب من نسمع من الناس والمعارف انه الايجار تقريبا ما مجموعه 9 اشهر بين ويلكم بين مساعدان مال منظمات انسانية الفوود ستامب يطول لحد السنتين او اكثر حسب الشغل
ام الشغل فهو توفيق من رب العالمين ماله علاقة العمر اني برأيي من تطلع ان شاء الله تروح وتجرب وتعوفها على الله ومتدري وباقل تقدير اذا تلزم ايدك وتتأنه السنة الاواى تمشي وبعدين تكدر تقرر امورك والقرار الاول والاخير الك اتمنى اكون ساعدتك
تحياتي
-
بحكم تجربتي و وجودي في أمريكا لمدة 3 سنين ونصف..لا انصحك بالذهاب الى امريكا خصوصا اذا لم يكن لديك اقارب او ناس مقربين او اصدقاء حقيقيين.
ستكون قادرا على الاستمرار هناك بالمساعدات التي ستحصل عليها ولكن ليس لفتره طويله . بعدها ستواجه صعوبات اقتصادية..
انا لا احاول ان اكون متشائما ولكن هذه هي الحقيقه...
اما اذا كان لديك الطموح الجيد للاستمرار هناك والتمتع بالحياة في بلاد الفرص الرائعه فأنا اشجعك على الذهاب..
الولايات المتحدة ليست رائعه لكل شخص...لبعضنا هي اكثر من رائعه وللبعض الاخر هي اكثر من كارثه..
هذا رايي بصراحة..انا لا احاول ان ابعد عنك القريب ولا احاول ان اقرب عليك البعيد..
بالتوفيق.
-
عمو ولله تاسفت فعلا ,,بس اذا تخاف من الشغل ترى المنظمة راح تساعدك هوايا وراح يلكولك شغل بسيط بس الاهم كون تعرف الانكليزية لان عمي هناك هو معوق صدكني شوفولة شغلة باحد معامل الكومبيوترات بولاية تكساس عل كعدة هذا فما اعرف غير ولايات بس ولله اذا انت شغوف وطموح بروحتك هناك راح تتونس بس اذا ما مشت وياك من البداية وفكرت بلرجوع ترة كلش صعبة عليك ,,وثاني شي الشباب هم يعانون من معانات هناك اول سنة او اقل بس بعدين يتطور الوضع ,,,سلامي عمي العزيز
-
الله يسهل
-
الاخ العزيز
توكل على الله وسافر وانت خفيف لا زوجه ولا اطفال وتكدر تحول التقاعد مالتك على امريكا اقصد تخلي وكيل يستلم التقاعد ويدزلكياه واذا تريد راءيي من توصل هناك غير الولايه على منسوتا ينطون مساعدات مدة خمس سنوات ايجار وفود ستامب وتامين صحي وبهاي الخمس سنوات راح يطلعلك تقاعد لان عمرك تجاوز ال60 بس اهم شي تصفي نيتك ولتباوع وراك
-
عمو ممكن تكلى انت مو استاذ حسين الي كان يشتغل مترجم ويا الشرطة العسكرية بمعسكر الغزلاني بموصل
-
عمي واخي العزيز روح انت بنفسك وشوف واحكم لان انت الادرى لاتكون متخوف لان لازم تشوف الامور من منظورك انت.
دعائي لك بالتوفيق
-
عمي انت اذا عندك مرض معين مثل ضغط او سكري او ماشابه يعني تكدر تتحجج بيها وينطوك مساعدات بس هذا الشي يعتمد على الحظ
اني سامع واحد عاش بامريكا 3 سنين على المساعدات مع العلم عمرة اربعين سنه يعني بعده بحيله بس تحجج بهاي الشغلات مال الامراض فحصل مساعدات ايجار شقه وراتب وازيدك من الشعر بيت هو يشتغل هم بس بالبسكوت دون علم الدوله (راتب كاش) و حسب حجي هذا الولد يكول افتريت امريكا وتنونست بهاي ال3 سنين وكل الاريده سويته وهسه يل اشتغل علمود يحصل فلوس اكثر لان مثل متعرف المساعدات على كد الحاجه يعني ينطوكياها باليمنه تنطيها باليسره
علما لما يصير عمرك فوك ال65 ينطوك تقاعد سواء كنت مصاب باي مرض او لا
---------------
-
شكرا على الردود وبالنسبه للي يعتقد أني عمو حسين وأشتغل مترجم . فمو أني اني مارايح للموصل سوى 3 مرات بحياتي . بالنسبه للاخ اللي يكول روح وشوف . رحمه لابيك هيه قابل روحه للكراده اني رايح سفر اكثر من 16 ساعه ولو حجيك صحيح بس اني احب قبل ما اخطوا اي خطوه يكون عندي علم بيها
-
رفع للفائدة العامة
أبو الحكم