ankawa
منتدى الهجرة واللجوء => الهجرة و واللاجئين => الموضوع حرر بواسطة: تيد اوهانيسيان في 20:39 29/10/2013
-
مرحبا جميعا
اريد ادرس صيدله بعمان الجامعات الي امامي هي ( التطبيقيه - عمان الاهليه - فيلادلفيا - الاسراء - الزيتونه ) .. سؤالي هو للطلبه في عمان او الي عدهم المام بالجامعات هو عن ايمن هذه الجامعات بمستوى اكاديمي جيد .. و اذا احد عنده علم بموضوع المعادله كوني عندي سنه صيدله ببلد اخر بنظام فصلي و اريد الانتقال للاردن.
فيلادلفيا سعر الساعه بيها اقل من غيرهه ( 90 دينار ) بس ما اعرف شلونه مستوه الدراسه بيهه .. اني مو بالضروره اكون ادور الافضل من الجامعات المذكوره لكن على الاقل الجيد منها.
شكرا جزيلا للي حاول يساعدني.
-
تعيش على النصيحه الحقيقه حجيك صحيح بشويه س اني اريد شي زين الي مو علمود بس المعادله .. تخيل اوصل للمعادله بس ما اعرف شلون اقره الماده
-
السلام عليكم اني اخويه يدرس صيدله بجامعه عمان الاهليه ورح يتخرج بعد جم شهر ويكول الكليه بيه هوايه عراقيين واساتذه عراقيين و ابن صديقي هم صيدله هسه داوم بجامعه الاسراء انته اي شي تحب تستفسر كلي شتريد واني اسالهم ونطيك خبر
-
اخي العزيز
بس ياريت تتأكد من دائرة البعثات بخصوص الاعتراف بالجامعات الاردنية
لان بنسمع هنا طلاب يشكون من هذا الموضوع وانه الوزراة سحبت الاعتراف بكثير من الجامعات الاردنية
فعلويش تخسر فلوس و تتعب ...
اسال الله ان يوفقك بدراستك
-
اني شفت الجامعات المعترف بيهه بدائرة البعثات و العلاقات الثقافيه و هايه الجامعات المذكوره على هذا الاساس بس ما اعرف منا للصيف الجاي يمكن تتغير القوانين ... شكرا لدعواتك الله يخليك و يسهل امورك كلهه.
-
الاخ تيد ...
ان شاء الله بكره ممكن افيدك بخصوص سؤالك واجاوب عليه
لان اعرف احد الاصدقاء دخل ابنه صيدله ولكن للاسف ما اعرف تحديدا اي جامعه .. اتوقع ان تكون الاسراء و غير متاكد منها
و حسب ما سمعت من صديق انه كان من الافضل تسجيله بجامعه اخرى وما اذكر بالضبط شنو السبب
ان شاء الله بكره اتصل بي و ممكن افيدك بمعلومات اكثر
-
اشكرك اخي انتظر جوابك ... تسلم
-
اني سالتلك اقرباء الي
وكالو :
نظام المعادله ماكسيمم يعادلوها ب 80 ساعه
واحسن جامعه هي جامعة العلوم التطبيقية بس كلش معقده
وجامعه عمان الاهليه زينه بس مو معقده
والساعه ب 110 دينار ,,, يعني تقريبا 150 دولار
هذا كل الي كالو الي ارجو ان تكون استفدت
تحياتي
-
جامعه عمان والتطبيقيه
اسمك يذكرني بعازفة البيانو الرائعه بياتريس اوهانيسيان
-
العزيز تيد ..
اللي افتهمته من صديقي انه ابنه هو الان بالفصل الثالث بجامعة الاسراء ...
وحسب كلامه يكول مستواه ضعيف و بيه هواي محسوبيات و على كلامه يكول لو داخل بالتطبيقيه او ( البتراء ) كان افضل
و اللي اشوفه انه جامعة البتراء مو من ضمن خياراتك المطروحه !!!
اما عمان الاهليه .. فنسبة العراقيين بيه كبيره جدا جدا وهذا شي نعروف هنا بعمان
اخي تيد ...
الاردن تره مو بعيده عن العراق و الجيه لهنا مو صعبة ابد افضل انه تجي بنفسك وتسوي كل المقارنات اللي ببالك خلال مو اكثر من اسبوع تكدر اتقرر و ين رح اتكمل دراستك
اتمنالك النجاح و التوفيق
-
شكرا جزيلا ابو شمس مقصرت الله يسهل كل امورك و مكن لازم اجي و اشوف الوضع بنفسي .. شكرا يا ورد
-
رفع للفائدة العامة
أبو الحكم
-
تعيش ابو الحكم على طيبتك يا ورده