ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqi87 في 21:54 29/10/2013
-
السلام عليكم ..
اذا ممكن احد يكلي شلون اطلع شهادة الولاده و وين اطلعها وشنو الاجراءات تاخذ وقت او لا
وشكرا جزيلا مقدما
-
اخي العزيز شنو اجاك طفل بلخير وانته باي دوله شويه وضحلي حتى ادليك على الصحيح
-
شكرا على ردك صديقي ..
اني بالعراق و امقدم على معاملة لم شمل زوجتي عايشه باميركا .. واريد اطلع شهادة ولاده الي في حال طلبوها
-
شوف عزيزي
تروح للمنطقة اللي انولدت بيها اتدور بيها اقرب مستوصف صحي او اقرب مستشفى اكو عدهم قسم خاص بالولادات تطيهم تاريخ ولادتك يطلعولك الولادة على شكل وصل بيه رقم يملو بالمعلومات تطلع على مدريريه صحة الكرخ او الرصاف اذا كنت ابغداد او بمديرية صحة مركز المحافظة يحطولك طابع ويختموه ختم حراري تروح تودي لوزارة الخارجية ب5 الاف تصدقه ثم ترجع لمكتب ترجمة يترجمه على حسب الاصول ويكون عندك بيان ولادة نظامي 100% وتصديق الخارجية كلش مهم مع التحيات وبالتوفيق
-
اخي الكريم
اسهل طريقة،، تروح الى مديرية الاحوال المدنية التي اصدرت لك هوية الاحوال المدنية ومن خلال رقم السجل والصحيفة الموجودة في اعلى يمين هوية الاحوال المدنية تستطيع ان تجد صفحة عائلتك وستجد في صفحة العائلة مكتوب رقم وتاريخ شهادة ميلادك مع جهة الاصدار. ثم تبدأ من هناك. والله يسهل امورك ان شاء الله.
-
رفع للفائدة العامة
أبو الحكم